DIE OPENBARING 2:17
DIE OPENBARING 2:17 Afrikaans 1983 (AFR83)
Elkeen wat kan hoor, moet luister na wat die Gees vir die gemeentes sê. Aan elkeen wat die oorwinning behaal, sal Ek van die verborge manna gee, en daarby sal Ek vir hom 'n wit steentjie gee met 'n nuwe naam daarop gegraveer, wat niemand anders ken nie, net hy wat dit kry.
DIE OPENBARING 2:17 Bybel vir almal (ABA)
As jy verstaan wat die Heilige Gees vir die gemeentes sê, dan moet jy gehoorsaam wees! As jy oorwin en aanhou glo, dan sal Ek vir jou van die manna gee, ander mense weet nie van daardie manna nie. Ek sal ook vir jou 'n wit klippie gee. Op die klippie is 'n nuwe naam geskryf. Niemand anders sal weet wat daardie naam is nie, net jy sal dit weet.”
DIE OPENBARING 2:17 Afrikaans 1933/1953 (AFR53)
Wie 'n oor het, laat hom hoor wat die Gees aan die gemeentes sê. Aan hom wat oorwin, sal Ek gee om te eet van die verborge manna, en Ek sal hom gee 'n wit keursteen, en op dié steen 'n nuwe naam geskrywe wat niemand ken nie, behalwe hy wat dit ontvang.
DIE OPENBARING 2:17 Die Bybel 2020-vertaling (AFR20)
“ ‘Laat dié wat ore het, luister na wat die Gees aan die gemeentes sê. Aan wie oorwin, sal Ek van die verborge manna gee, en Ek sal vir hom 'n wit klippie gee, ja, 'n klippie waarop 'n nuwe naam gegraveer is, en wat niemand anders ken nie, behalwe die een wat dit ontvang.’ ”
DIE OPENBARING 2:17 Contemporary Afrikaans Bible 2023 (CAB23)
Wie 'n oor het, laat hom hoor wat die Gees aan die gemeentes sê; Aan hom wat oorwin, sal Ek gee om van die verborge manna te eet, en Ek sal hom 'n wit steen gee, en op die steen 'n nuwe naam geskrywe wat niemand ken nie, behalwe hy wat dit ontvang.
DIE OPENBARING 2:17 Die Boodskap (DB)
Maak oop julle ore. Luister mooi na wat die Heilige Gees vir julle sê. Wie die wenpaal haal, sal beloon word. Ek sal vir hom gee van die hemelse brood wat weggesteek is. Ek sal ook vir hom ’n wit klippie gee. Op die klippie is ’n naam geskryf wat net vir hom bedoel is. Niemand, behalwe die een wie se klippie dit is, sal weet wat die naam is nie.
DIE OPENBARING 2:17 Nuwe Lewende Vertaling (NLV)
Elkeen wat kan hoor, moet luister wat die Gees aan die gemeentes sê. Aan elkeen wat aanhou oorwin, sal Ek van die weggesteekte manna gee, asook ’n wit steentjie met ’n nuwe naam op gegraveer wat niemand anders ken nie behalwe die een wat dit ontvang het.