TITUS 3:9
TITUS 3:9 Afrikaans 1983 (AFR83)
Maar jy moet jou nie inlaat met dwase strydvrae en geslagsregisters en met getwis en stryery oor die wet van Moses nie, want dit is nutteloos en sinloos.
TITUS 3:9 Bybel vir almal (ABA)
Julle moenie soos dwase met ander mense stry en spog oor wie julle voorouers was nie. Julle moet ook nie oor wette twis nie, want wanneer julle dit doen, sal julle niemand help nie, dit beteken niks.
TITUS 3:9 Afrikaans 1933/1953 (AFR53)
Maar vermy dwase strydvrae en geslagsregisters en twis en stryery oor die wet, want dit is nutteloos en doelloos.
TITUS 3:9 Die Bybel 2020-vertaling (AFR20)
Vermy egter onsinnige dispute en geslagsregisters en stryery en haarklowery oor die wet, want dit is nutteloos en sinloos.
TITUS 3:9 Contemporary Afrikaans Bible 2023 (CAB23)
Maar vermy dwase vrae en geslagsregisters en twis en twis oor die wet; want hulle is nutteloos en ydel.
TITUS 3:9 Die Boodskap (DB)
Titus, nog ’n stukkie persoonlike raad aan jou: moenie in argumente betrokke raak met ander mense wat probeer om ons geloof belaglik te maak nie. Vermy ook ’n stryery met diegene wat sê dat net ware Israeliete deur God gered sal word as hulle oor die nodige geslagsregisters beskik om dit te bewys. Moet ook nie jou tyd mors om met ander te stry oor hoe ons die wet van Moses moet probeer hou nie. Al hierdie gesprekke en argumente help net mooi niks nie. Dis ’n mors van kosbare tyd.