Die Vastydperk & Paasfees

Simon van Sirene kan maklik misgekyk word, omdat hy net in drie verse in die Evangelies kortliks genoem word. Maar Simon se verhaal demonstreer hoe die kruis van Jesus ‘n mens se lewe verander en toekoms kan beïnvloed. 

Hierdie 40 dae oordenkings neem jou op ’n lewensveranderende reis terug na daardie heilige oomblik waar die lyding van Christus en die alledaagse lewe van ’n onbekende man mekaar raakloop.

Vreemdeling   Tot   Volgeling

Byna almal stem saam dat hierdie wêreld gebroke is. Wat as daar egter 'n oplossing is? Hierdie 7-dag Paasfees leesplan begin met die unieke ervaring van die dief aan die kruis en oorweeg waarom die enigste werklike antwoord op gebrokenheid gevind word in die teregstelling van 'n onskuldige man: Jesus, die Seun van God.

Die Man aan die Kruis in die Middel: 'n 7-dag Paasfees leesplan

Jimi le Roux herinner ons dat ons te verlore is om onsself te red, te sondig om “regverdig” genoem te word. God moet ons red. Hy doen dit dan aan die kruis deur Jesus Christus. Christus het gekom om aan die kruis soos ’n vervloekte te sterf. Dis óns vloek wat Hóm op die kruis getref het. Omdat Christus ons vloek gedra het, kan ons nou God se seën beleef. Hý is ons geregtigheid en ons redding is altyd, altyd genade!

Geregtigheid in Christus

‘n Reis deur die Psalms saam met Jesus

Soms laat moeilike seisoene ons dink: “Ek weet nie eers meer wie ek is of waarheen ek op pad is nie.” Swaarkry kan ’n ruimte word waar ons God ontmoet, sy stem helderder hoor, en stadig begin om meer soos Jesus te word.

Gedurende die Lydenstyd stap ons saam met Jesus op sy pad na die kruis, nie net deur die verhale in die Evangelies nie, maar ook deur die Psalms, die gebede waarmee Jesus self grootgeword het.

Wys my die weg: Lydenstyd vir Tieners

Jy kan dit nie koop nie, jy kan dit nie verdien nie... Waarvan praat ons? Ons praat oor verlossing. Jesus het ons almal se skuld betaal toe Hy aan die kruis op Golgota gesterf het. Die laaste ding wat Hy gesê het, was: “Dit is nou afgehandel!” (Johannes 19:30, NLV). Angus Buchan kom herinner ons vandag dat ons ons verlossing gratis ontvang het en dat ons skuld betaal is. Al wat ons moet doen, is om dankie te sê en om vir ander van Jesus te gaan vertel.

Dit is afgehandel!

Vir die volgende 40 dae gaan ons nou saam met Jesus stap. Ons gaan leer oor hoe baie God ons liefhet — so lief dat Hy selfs vir ons sy seun Jesus gestuur het. 

Psalm 121 sê dat God altyd na ons kyk, dag en nag. Hy raak nie moeg nie en Hy vergeet nie van jou nie.

Mosaiek  Lydenstydgids Gr 4 & 5 - 2026

Vir die volgende 40 dae gaan ons nou saam met Jesus stap. Ons gaan leer oor hoe baie God ons liefhet — so lief dat Hy selfs vir ons sy seun Jesus gestuur het. Psalm 121 sê dat God altyd na ons kyk, dag en nag. Hy raak nie moeg nie en Hy vergeet nie van jou nie.

Wys My Die Weg - Lydenstydreis Vir Graad 6 & 7

God is genadig. Daarom gryp Hy van die begin af in mense se lewens in. Sonder dat ons dit verdien, soek Hy ons op om ons te oorrompel met sy liefde en goedheid. Dit is presies waaroor die kruis van Jesus handel. Dit vertel in een woord alles oor sy liefde vir ons ten spyte van ons sondige keuses.

'n Paasfees vol liefde

Wat beteken ‘n lydingservaring vir jou? Hoe sou jy dit in ‘n paar woorde beskryf? 

Vir Jesus was dit ‘n reis van lyding en sterfte op pad na opstanding. Vir ons as gelowiges is lyding ‘n reis om Hom te ken en die krag van sy opstanding te ondervind deur te deel in sy lyding, en só aan Hom gelyk te word in sy dood.
 
Tydens hierdie reis deur Lydenstyd, bring ons 40 dae deur met die vrae wat Jesus in die laaste dae van sy lewe gevra het. 