ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Anangu, ninamupʼa lagizo iphya, naro ni kwamba, mwimwi henzanani. Na henzanani dza nirivyomuhenza mimi. Muchihenzana, atʼu osi andamanya kukala, mwimwi mu anafunzi angu.”

Ndo mimi Bwana wenu na Mwalimu wenu, nidzimogesa magulu phapha, na mwimwi namwi bee nimogesane magulu dza vivyo. Gaga godzigahenda ni mufano nidzimupʼa kwa hata namwi muhende dza vivi vyodzimuhendera.

Jeso achimuudzidza achimwamba, “Kʼumanya chicho nichihendacho vivi, ela hurira tu uwe undakudzachimanya.”

Ninamwambira jeri-jeri, mugulwa muhumiki tsʼiye mubomu kuchira tajiriwe, na ahumwaye tsʼiye mubomu kuchira yiye amuhumaye.

Baha mwimwi muchikala mundagahenda maneno gago, mana, mudziima munagamanya vivi.”

Ndo Jeso waunuka, achivula valore achiriika kʼanda, achihwala mukumbuuwe achidzifunga chununi. Chisha, achitiya madzi kʼaraini, achanza kwaogesa anafunzie magulu, na kwahakusa na uo mukumbuu okala udzidzifunga.