ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

“Mimi ninamurichira reri, na reri yangu nimupʼayo kʼayinga dza reri yilaviwayo ni atʼu a dunia. Ndo mutsʼiyugike mwenu myoyoni, hebu kukala aoga.

Jeso achimuudzidza achimwamba, “Mimi ndimi njira, ujeri na uzima. Kʼakuna aidimaye kudza kwa Baba photsʼinichirira mimi.

Jeso waamba anafunzie, “Mutsʼiyugike mwenu myoyoni. Mwimwi mukuluphireni Mulungu, na nikuluphirani mimi nami.

ela yiye Mwavizi, yaani Roho wa Mulungu, ariye Baba Mulungu undamuhuma adze kwenu kwa dzina rangu, undakudzamufunza chila chitʼu, na amukumbikize gosi gomwambira.

“Aphokeraye malagizo gangu na kugatuwa, ndiye anihenzaye. Na anihenzaye mimi, undahenzwa ni Baba, nami nindamuhenza na kudzonyesa lwazu-lwazu kwakwe.”

Nami nindamuvoya Baba Mulungu, naye undamupʼa Mwavizi munjine, yendakudzakala namwi hata kare na kare. Mwavizi yiye ni Roho wa Mulungu wa ujeri, na atʼu a dunia kʼaaidima kumuphokera, mana, kʼaamona, na kʼaamumanya. Ela mwi munamumanya, mana, unasagala kati yenu, na undakala mwenu ndani.

Ndo chochosi chondavoya kwa dzina rangu, nindachihenda, kwa hata ubomu wa Baba wonyeswe kuchirira mimi Mwanawe. Kwa vivyo, muchinivoya chochosi kwa dzina rangu, mino nindachihenda.”

Jeso waenderera kugomba achiamba, “Anangu, mwimwi muchikala munanihenza, bee mundagatuwa malagizo gangu.

Kuuka kwangu bee ni kwa kwendamubambanyira phatʼu, mana, nyumbani mwa Baba muna makalo manji. Kala maneno gago tsʼi ga jeri, ningari tsʼimwambirire ninendamubambanyira phatʼu.

Na nichendamubambanyira makalo, nindauya nidze nimuhwale, kwa hata namwi mukakale phondakala mimi.

Tʼomasi achimuuza vivi, “Aa! Bwana, ko wendako tu sino kʼahukumanya. Hʼaya yo njira ya kuhufisako hundayimanyadze?”