ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Yesu yabagambira ati Ninyowe byokulya byobwomezi: anyakuija namberendi talirumwa njara, nanyakunyikiriza talikwatwa iroho na kake.

Omwoyo nugwo guleta obwomezi; omubiri tigunyina mugaso: ebigambo ebimbagambire nubwo bwomezi.

Mutakole’ra byakulya ebihwaho, rundi mukole’re ebyokulya ebikiikaraho okuhika obwomezi obutahwaho, Omwana womuntu ebyalibaha: baitu Isitwe, nuwe Ruhanga, amutaireho ogu akokuro’raho.

Isenyowe ekyagonza nikyo kinu, wena anyakurora Omwana, namuikiriza, atunge obwomezi obutahwaho; nanyowe ndimuimukya ha kiro kya hampero.

Yesu yagarukamu nabagambira ati Gunu nugwo mulimo gwa Ruhanga, okuikiriza ogu ouyatumire.

Bona Isenyowe abampa baliija namberendi; anyakuija namberendi tindimubingira aheru na kake.

Simoni Petero yamugambira ati Mukama watu Turagenda hali oha? Oyina ebigambo ebyobwomezi obutahwaho.

Ninyowe byokulya ebyomire ebyarugire omu iguru: omuntu wena obwalya ha byokulya ebi, alyomera ebiro nebiro: ego, nebyokulya ebindihayo nugwo mubiri gwange, obwobwomezi Bwensi.

Busaho muntu asobora okuija namberendi, Isenyowe ayantumire obwatamucundal nanyowe ndimuimukya ha kiro kya hampero

Baitu ebyokulya bya Ruhanga nibyebi ebiruga omu iguru, ebiretera Ensi obwomezi.

Ninyowe byokulya byobwomezi.

Kandi Yesu yakoma emigati; obuyamazire okusima yagigabira bali bali abaikalire; nukwo nencu nkokubagondeze. Obubaigusire yagambira abegeswabe ati Musoroze oburagilika obusigaireho, haleke okubura ekintu.

Kandi obubamazire okugoya esitadyo nkamakumi abiri muitano, rundi amakumi asatu, barora Yesu nagendera ha nyanja, nai’ra haihi obwato: batina. Baitu yabagambira ati Ninyowonu; mutatina.