ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Yaneruixawa espiritu uiku serese, nyãse uxari hambeu kua nyenga purangawaa ainta supe kuaita pirasuawaita, umundu ixe hambeu arama ainta supe kuaita prezuwaita uyurawa kuri ainta, haxari arama aintaumaa kuaita sesaimawaita, hayurawa arama kuaita upurarawaita. Hambeu arama ainta usikana yaneruixawa rangawa umunya arama turusu purangawaa.

Maa Jesus usuaxara ae umbeu ixupe: —Kuxima aintaumpinima, rerikute remunya benditu neruixawa Deus supe, rerikute repuraki ixupenyu panye sui.

Maa Jesus umbeu ixupe: —Yawe aintaumpinima kuxima, tikuri sikue kuaita miraita pão resewarantu.

Asui teresemu Jesus Espiritu Santu irumu uyuiri Jurdão sui, asui Espiritu urasu ae kampu kiti.

Asui Jesus usuaxara, umbeu ixupe: —Kuxima aintaumbeu yuiri, teresikari reganani neruixawa Deus.

Asui Yurupari umbawa rire uputari uganani ae panye ugananisawa irumu uyuiri isui ate amu ara kuri.

Asui Yurupari usupiri ae iwate kiti umukame umaa arama yepe viaji kutara panye tuixawaita rendawa aintamiraita yuiri panye mundu upe. Asui Yurupari unyee ixupe: —Haxari kuri aintaruixawa arama inde haxari kuri inde arama panye aintamaa purangawaa nyãse seyaraita ainta, asui hamee kuri ixupe ae awa haputariwaa. Neyara kuri ainta panye remunya rame ixe arama benditu. Maa Jesus usuaxara ae umbeu ixupe: —Kuxima aintaumpinima, rerikute remunya benditu neruixawa Deus supe, rerikute repuraki ixupenyu panye sui.

Asui urasu ae, Jeruzalẽ kiti uxari upuamu templu rakapira rese asui umbeu ixupe: —Deus raira rame inde repuri templu sui, Nyãse kuxima aintaumpinima, uxari kuri ianjuita aintausaru inde. Aintaumukaturu kuri inde aintaipu irumu yawaite renupa neipi ita rese. Asui Jesus usuaxara, umbeu ixupe: —Kuxima aintaumbeu yuiri, teresikari reganani neruixawa Deus.