ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Iwe, a pwal üreni, “Ngang ewe Kot mi Unusen Manaman. Kopwe upw o chomongola. Kopwe wiliti eu mwichen aramas, nge chomong mwicheichen aramas me king kana repwe pop senuk. Ewe fanü üa fen ngeni Apraham me Isaak üpwe pwal ngonuk me mwirimwirum kana.”

Mürin, ousipwe ütä o feila Petel pwe üpwe senätä eu rongen asor fän iten ewe Kot a aüselingaei lon ränin ai riaföü, a pwal etiei ekis meinisin ia üa feila ie.”

Iwe, Kot a kapas ngeni, “Itom Jakop, nge kosap chüen iteni Jakop, pwe kopwe le iteni Israel.” Iei mine a iteni Israel.

Iei mine Jakop a kapas ngeni chon leimwan me chokewe meinisin mi eti, “Oupwe pöütala ekewe uluulun anümwäl mi wor remi, oupwe pwal limetikemi o siwili üfemi.

Iwe, Kot a üreni Jakop, “Kopwe feila Petel o nonom ikenan. Iwe, kopwe senätä eu rongen asor ikenan fän itei ngang ewe Kot mi pwä ngonuk, lupwen ka sü seni Esau pwiüm we.”

Nge lupwen a arap ngeni än Rahel epwe mäla, a aita ngeni ewe ät Pen Oni , nge saman we a aita ngeni Peniamin .