ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Upepipa, Yesusdi tamupra adomon upu pepu. Roti kwaneng gam kuna deiyo ngeda, ada ne pua. Yuk ngebo ton gume. Ware nesala do yuma, ne tep moronengedi, ne damai yankamnenung nesalada, ataru di dipra doryankamre taru yumada, jen pio men putankamre. Tonda, ne tep teka tenepnenge nesala yumada, doryankamre taru yumada, me pio men putankamre.

Allah er Lek Sambaladi, gam kuna deiyo keca karerure. Nimi nong cap, nimi puto kusere ngeda, mambul keca pio gume. Ada nong men kupkamre keca pua. Nedi pepmasen upu yumada, Allah er Lek Sambaladi perure. Aupu tep, teka tenepmumyopda, gam kuna deiyo keca dororume. Aupuda, gam kuna deiyo upu kurure. Tali upu gume.

Nedi pepsene. Tali lyupmanto jen keca tep, ‘Kange deipra dopropkup’ tenen, pel dona meme. Angepu tenena gum dinin, neda Nimi Mi Sisa Utopu ngebodi, jen keca utopunge karepsetene kecada, karepsenepa doproprumyopda, amenda pio gam kunkamrume. ‘Angepu doproptepe’ tenen, pel donkamrume. Nimi Mi Sisa Utopu Ngebo tep nengeda, nun nai Allahdi er tep kange konum deipke,” Yesusdi pepu.

‘Ukupkamne,’ pepmasenada, tali tep men pepsene. Deiyoda, ne nai bo Allahdi utenerure. Ada, Allahdi, ware nesala do yuma, sundi, ‘Allah er Mi Sisadi lyepsetue’ tenen, ne mi tep teka tenepmengopda, ‘Tek sisi pio gam kunkamenge,’ tenerure. ‘Gam pio kunkameng’ tenen, ne Yesusdi sirya taru, anesala yumada, gam bukra deipnedi ereipkamne. Yesusdi awekmai nesala yuma tep pepu.

Asipetepipa Yesusdi, “Gume, Allahdi, ‘Ukunkamenge,’ teneamseu ngeda, yuk pel ton gume. Ada, erdi wepra deipseu ngebo tep, teka tenenkamrume. Sun kunkamrum ngeda, ange pua,” pepu.

Ware nesala do yuma, ne nai bo Allahdi karenere nesala yumada, ne tep teka tenepnengedi, ne damai yakankamnenge. ‘Er dipu lyepkamser’ tenen, ne damai yakankamneng nesala yumada, ‘Sunda ne song,’ pepra men tamkamne.

Yesusdi upepra asipetepupa, Simon Peterusdi tamupra pepu. “Gume, naie. Kan puda, nimi pio gam kuna deiyo upu talepra peseruma tep, wareto ngebo damai betepe do?

Im deiki di yau roti kwaneng, gam kuna deiyo ngeda, ada ne pua. Akwaneng pepmasenada, dopra jere ngeboda, nong depmarya peda, pio gam kunkamre. Domon upu deiki di, kwaneng pepmasenada, ne nong tepa. ‘Nesala ban-ban yuma lyepnepa, gam kunkamenge’ tenen, ne nong karepsene.” Yesusdi pepu.

Ware neng do yuma, ne dopra deipneu ngebo, ne nai bo Allahdi aneng tep, ‘Yesus teka tenenkamenge’ tenen, sun dipru men tamupyopda, ne tep teka men tenepnetenge. Allahdi weamu nesala yuma, sirya taruda, nedi gam bukra deipnedi ereipkamne.

Apepmasenada, tali tep gume. Deiyoda, Allah er im deiki roti utopu ngeda, ada yuk keca gume. Ada im deiki di tuai mutu yana kuramredi, nesala ban-ban yuma tep, gam kuna deiyo keca karerurya deiyo ngebo er pua. Erda roti kwaneng utopu kurur ngebo.” Yesusdi pepu.

Neda tali ngebo gume. Neda roti kwaneng gam kuna deiyo ngeda, ne pua. Yesusdi pepu.

Konum buki pangeda, Yesusdi aroti kwaneng jen keca pamu dopra erepudi, er nai Allah tep, “Telepe,” pepudi, er nyapu tep karepupa, sundi abukmai nesala yuma tep bokra karepi. Karepmaipa, bungmaidi, anesala sun putanmautopu dopra jenmai. Ange utopu, Yesusdi amekina butene peda, bokra karepupa, sun yumadi dopra jepi. Sun yumadi akeca dopra jenmaipane, konum boupkopda, Yesusdi er nyapu tep, “Sun anengdi kwal tapmang keca yuma dopda-dopda pepra, tenpaipu bupra deipkurume. Yambul tenpu peda ton tamna gume,” pepu.

Ukunmaupane, sundi co lase puto di bungmaidi, pamu bari kilometerto, tonda, ngantan bari kilometer utopu bei dinin, ila mungna mungmaua cadi, amokon neitamaipu tup kunmai. Mokon deiki banmaipane, Yesusdi mokon deiki yanipra beudi, sun kunmaiyai damai beupa, epi. Mokon deiki banmaua epi pangeda, ‘Isok do?’ tenen, kware weik kupupa lukdai. Kware weik kunmai dinin, Yesusdi sun tep upepu, “Gume, ne akununa cadi, sun kwar dangna yapso,” pepu.