ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

عیسی اَیِنِش واتَه: « اَ نونی کن زندَگی بَبَخشستی اَزیمَه. هر کم چمن وَربا اَنشتا آنیَب و هر کم بَمن ایمان بوعَرِ هرگز تِشیش آنیَبن.

خدا روحَه کن زندَگی دَرِ؛ جَندَک اَصلا نییَشا زندَگی بَدرِ. گَفِنی کن اَز شِمَرا واتِمَه روح و زِندَگیَه.

هَردَ چی ایی را کن هیچ آرَب کار مَکَرَ، بَلکَم هَردَ چی ایی خونه کار بکَرَ کن تا زَیرونَه زندَگی بَمَندیه، هَردَچی ایی کن اینسانی زوعَه بَه شمَه آرَدا. اِمی خونه کن خدا، هَه آستامونیه دَدَ، اینسانی زوعَه سَر مهر تَایید ژِشَه.»

اِمی خونه کن خواست چمن دَدَ اِمه کن هر کم زوعَه دَیَسه و بَی ایمان بوعَرِ زَیرونَه زندگی بِدارِ، و اَز دیوون کَردِ روجیکا اَی زَندَ آمَکَرد.»

عیسی اَیِنِش جواب دوعَه: «خدا کار اِمَه کن، اَ کَسی سَردِرِ کن رَونَه آکَردَشه ایمان بوعَرَ.»

گِردِ اَیِنی کن ددَ بَمن دَرِ، چمن وَر بومَنَه؛ و اَکَن چمن وَربا، اَز هرگز اَی رَد نِمَکرد.

شَمعون پِطروس جواب داشَه: «آقا چیکی وَر بشَم؟ زَیرونَه زندَگی گَفن، اِشتِه وَریکارَ.

اَزیمَه اَ زِندَ نون کن آستامونیکا ویرمَه. اَگَم کَسی اِم نونیکا بَرِ تا ابد زِندَ بَمَندیَه. نونی کن اَز دَرِم تا دِنیا زندَگی بدارِ، چمن جَندکَ.»

هیچ‌ کَس نیَشا چمن وَر با غَیراَز اَ کن، دَدَ کن بَمن رَونَه آکردشَه، اَی چمن طَرَف دَراکِنِه، و اَز دیوون کَردِ روجیکا اَی زندَ آمکَرد.

اِمی خونه کن خدا نون، هَیَه کن آستامونیکا ویرَرا و بَه دِنیا زندَگی دَرِ.»

اَزاَ نونیمَه کن زندَگی بَبخشستی.

اَموقه عیسی نونون پِگَتِش و شکرکَردِ بَه دوملَه، اَیِنی کن نشت بینَه چَوون دلَکا رَسَت کَردِشَه و هِنتَه مایون نی هِنترَ کَردِش و هَرکَمی هَرچَنَه کن اَپیش بَه بَی آداشونَه. وَقتی کن جَماعَت هَردِشونَه و سیر آبین، عیسی اِشتَن شاگِردِنِش واتَه: « خِردَ نونِنی کن مَندَیه گرد آکَرَ تا چی ایی هیچ آمَبو.»

وَقتی کن حِدود، شَش کیلیومتر پارو ژَشون بَ، عیساشون ویندَ کن دَیرا سَریکا کا گَل ژِ و لاتیکَکا کا نِزِک آبِه، پس ترسستینَ. ولی عیسی اَینِش واتَه: «اَزیمَه؛ مَترسه.»