ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Okhuba ndalabira mushialo shiosi shiaMisiri eshilo shieneshio, nikhupa abeekulanda bosi abomushialo shiaMisiri, kata babandu kata bemiruko; ne ndalakhalaka eshiina nimbakuuma abanyasaye bosi baMisiri; nisie OMWAMI. Ne amalasile ako kalamubeela eshilolelo shieenywe khunzu etsia mulabamwo; ne olwa endola amaIasile ndalamubirakhwo, ne shililabaho linyasio khwinywe okhumumulula ta, olwa ekhupa eshialo shiaMisiri.

Inyanga yino nayo yilamubeela eshiitsulilo, ne mulachilindanga yibeetsenje lisabo liOMWAMI; munzibulo tsieenywe tsiosi mulachilindanga yibe lisabo khulwa lilako elirahwaho ta.

Olwa abaana beenywe balimureebanga bari Eshisina shiobukhalabani buno nishiina khwinywe? Mulaboolanga muri Nibwo omusango kwapasaka yOMWAMI, okhuba yabira khutsinzu tsiabaana baIsiraeli muMisiri, olwa yakhupa abaMisiri, nahonokosia tsinzu tsieefwe. Abandu nabo nibabunamin emirwe nibamwinamila OMWAMI.