ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

एता लःअय ची अधरम बड़हाअ रअः चलते होड़कु आला पेरेम घटाव कोआ। बकिर जे आखरी जगुत खातिर दोहोयाय, हिनी के उधार भेटाव कोआ।

गोटा दुनिया रे सिरमा राईज रअः नोःआँ बेस खभाईर रअः परचार केआकु, जेकर से ची जामा जाईत रे नोःआँ रअः गोवाही भेटाअः, आउर हिमीन रे अंत हीःग कोआ।

आपे-आपे लड़ाई हेतरअ हुमाअ उपड़ीङोअ रेनअः खभाईर आयुमेआपे दो नोःआँ रे आलपे हदियाव कोअ, एता लःअय ची नोःआँ दो हुयाअः गी एदनाआ, बकिर निआँ अंतोः वाला नलागे।

जाईत-जाईत रअः बिरोध रे जाईत बिरिःड कोआकु, आउर राईज एटाअ राईज रअः बिरोध रे बिरिःड कोआकु। ठाँव-ठाँव रे आकाल, आउर भुईंडोल हुयाव एका कोआ। नोःआँ जामा दुख बिपाईत रेनअः सुरू गी हुयाव कोआ।

सिरमा आउर धरती टगाव जुनोः, बकिर ईङ आला कंहड़ी एरे टागाआ।

एता लःअय ची ढेर होड़कु ईङ आला नुमू रे हीःग कोआकु आउर कंहड़ी केआकु, ईङ ख्रीस्त हेके, आउर हुंकू ढेरकु के बहकाव किकुआकु

“हिमीन बेरा होड़ आपे के सःब ची केते मुरुक सताव केपेआकु, आउर गोएःग केपेआकु। ईङ आला नुमू रअः चलते जामा जाईत आपे के घींड़ कोआकु। तब ढेर होड़ ठोकोर जोम केआकु, आउर हुंकू हुनी-नुई के सःब चिकु केआकु, आउर एटाअकु हुनी-नुई के घींड़ कोआकु। ढेर झुठा आगमजानी दिसतार कोआकु, आउर ढेर होड़कु के बहकाव किकुआकु

ईसु हुंकू के उतारा एमा लिकुआय, “चौंचित ताहिन पे, आपे के ओके होः आलकु बहकाव केपे।

हिना लःअय आपे तेयार ताहिन पे, एता लःअय ची जे बेरा आपे हुनी हिजोअ रअः कापे सोंचाव तआ हिमीन बेरा मनवा होपोन हीःग कोआय।

हिना लःअय आपे चौंचित ताहिन पे, एता लःअय ची आपे कापे पड़ीताना ची आपे आली परभु ओका हिला हिजोई एदानिया।

“होना हिला के ओके होः काकु पड़ीआ, ना सिरमादूतकु आउर ना होपोन गी, परमेसर भाईर पड़ीआय।

एता लःअय ची हिमीन बेरा झुठा ख्रीस्त आउर झुठा आगमजानीकु दिसतार कोआकु, आउर चिनहा आउर छकरित कामी केआकु आउर मुरुक बड़े-बड़े काम कामी केआकु, हुयाव सकाअ होले निबाड़ लिनकु केहोः बहकाव किकुआकु।

जे नूह बेरा हुयाव ताहिनेना, हिना लकान मनवा होपोन रअः हिजोअ बेरा हुयाव कोआ। जलप्रलय हुयाअः तरअः पहिल रे नूह जहाज रे देजोः जगुत होड़कु जोम नु, आउर बिहायोः केनाकु। जब तक जलप्रलय का हीःग ताहिना आउर होना जामाकु के काय तु इदी लिकुआ जगुत, ओके केहोः नोःआँ रअः पता का ताहिना। हिकान गी मनवा होपोन रअः हिजोअ बेरा हुयाव कोआ।