ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

आबु पाड़ी आबु ची जे होड़ परमेसर के दुलारीयाकु हुंकू लःअय जामा बात मिलाव केते भलाई के आगुयाय, माने कि हिनी लःअय जे हुनी आला उदेस्य मोताबिक राअः तादकुआय।

ईङ के पका बिसवास एदनाअ ची ना दो मराईन ना जिनगी, ना सिरमादूत चाहे राराईजकु, ना नहाअः चाहे हिजोआ बेरा, आउर ना जहान सवांग, ना उसूल, ना गड़हा आउर ना दुनिया रेनअः एटाअ जिनीस आबु के परमेसर आला दुलार तरअः अलगे दाड़ी किबुआय, जे आबु के आबु आली परभु ख्रीस्त ईसु रे एदनाआ।

आतमा होः आबु आला अबड़ बेरा आबु के गाति ऊबुआय। आबु नोःआँ काबु पाड़ीआ ची आबु के एता लकान बि-बिनती चाही, बकिर पबितर आतमा आबु लःअय भोकराव-भोकराव परमेसर हेनाःड बिनतीयाय जे बबखनाव तरअः बाहरी एदनाआ।

हिना लःअय आबु नोःआँ बात रेनअः बारे एतान कंहड़ीयाबु? जदि परमेसर आबु पखा एदानिया, दो आबु आली बिरोधी ओके हुयाव सकाआय?

हिना लःअय जे ईसु ख्रीस्त रे एदान कुआ हुंकू तेंग रे डांड़ रेनअः हुकूम कनोआँ। एता लःअय ची हुंकू होड़ो रेनअः मोताबिक कोवान बकिर आतमा रेनअः मोताबिक चलाआकु।

होड़ो रे मन ललगाव दो मराईन हेके, बकिर आतमा रे मन लगाव दो जिनगी आउर सानती हेके।

बकिर नोःआँ जामा बात रे आबु के दुलार लिबुआय, सहजे गी हुनी तरअः पुरा-पुरी जिताआबु।

ईङ समझाईंग ची आबु रे जे महिमा दिसतारोः वाला एदनाआ, होना रअः बराबईर रे नोःआँ बेरा रेनअः बिपाईत एतान होः कनोआँ।

ओके आबु के ख्रीस्त आला दुलार तरअः अलगे दाड़ी किबुआय? ना बिपाईत, ना संकट, ना स-सताव, ना भुखमरी, ना रांगेःग-तेंताङ, ना जोखिम ना तलवाईर?

परमेसर जे आबु आला मन के जजाचाँव वाला पड़ीआय, ची पबितर आतमा आला बिचार एतान एदनाआ? एता लःअय ची पबितर आतमा पबितर होड़कु लःअय परमेसर आला मरजी मोताबिक आरजीयाय।

एता लःअय ची जे परमेसर आला आतमा रेनअः आगवाई रअः मोताबिक चलाआकु, हुंकू परमेसर आलकु होपोन हेके।

एता लःअय ची होड़ो रेनअः मोताबिक चलाअ वाला होड़, होड़ो रेनअः बात रे मन लगायाकु। बकिर जे आतमा रेनअः मोताबिक जिवीडोआकु हुंकू आतमा रेनअः बात रे चलाआकु।

हुनी अपन होपोन तेके होः बलिदान एमोअ लःअय काय पछली नेना, परमेसर आबु लःअय ईसु के सोंपाव किदयाय। दो नुमिन एम के तरअः एतान हुनी आबु के अपन होपोन ते लोः जामा जिनीस बकसिस रे एरे एमेआ?

पबितर आतमा खुदे आबु आला आतमा लो: मिलाव केते गोवाही एमेआय ची आबु परमेसर आलकु होपोन हेके। जदि आबु हुनी आलकु होपोन हेके दो आबु हुनी आली हकदार हेके। जदि आबु ख्रीस्त लो: महिमा नानम लःअय दुख सहायाबु दो परमेसर आली हकदार आउर ख्रीस्त लो: हकदार हेके।

एता लःअय ची होड़ो रे मन लगाव दो परमेसर तरअः बैर हेके, एता लःअय ची नोकान मन ना दो परमेसर आला कनहुन रे ताहिनोआ आउर ना ताही दाड़ी कोआ।

एता लःअय ची जे परमेसर सिरजाव लअः होना जामा, ढ़ेर नेल आसरा रे परमेसर आलकु होपोनकु आला दिसतारोः रेनअः होरा नेल दाय।

एता लःअय ची परमेसर सिरजाव लअः समुचा नहाअः जगुत जजनमाव बाथा लकान रे केंहराअ आउर छटपटाअ ताना।