ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Anɨtu kako Towahuno hweho. Oso'no a'amu Anɨtuye yofe woho'noma'mo loso sohwo kako Anɨtuye Towahuno'nji nohumahwosi kako honɨngkano nto'nohinomo unɨngkamontonoho. Oso yahinoso Anɨtuye yofe ho'nomayo'ne nefoho.

Oso sɨkuno hiso umo'nɨmonte'no kilohe hiso olohonta nto i'mofapohoho. A'amu fihwo kako ngko Anɨtuye yofe woho'noma'mo nehopi loso sohwo kako ole uyɨmontonoho. Kako Anɨtuye Towahuno'nji nohumahwosi Towahuno huhwo sohwo Anɨtuye yofe ho'nomayo'ne honɨngkano neso utɨhwahonɨngkuhwosi oso hwo inɨngkohwoso'no kako Anɨtuye yofe nehopi woho'noma'montonoho. Nje Mpohwo kako a'amu oso yahino so'njo somne'no umo'nɨngkohoho.

I oso'no a'amu fihwo kako olo mijo uyɨme loso noso'manji kako apa'no mijo'no mumo'nonehoho. O'o, olo mijo uyɨme loso nonɨngkuhwosi kakoe sɨmeho mo'mo mijolɨmo hopa imo'nɨngkuhwoso'no oso mijo hiso ne'no swapɨwo'nɨngkuhwosi kakoe songo ne'no humayoso ne'nohino hweho.

Jisas kako oso a'mu simo ulɨmento, Anɨtu kako a'amumo yo'mayo wopɨngoso uyone so'ntnne'no, Ngko mijo ntape. Wanɨmo kiloheso sohwo'nnontnne'no kɨko huno nto'no kiyontentesi kɨko ngkimo mijo'no jomo ntohojo'no ngko mijo songo ne'no humayo'ne kijapm'mnesohilo.

Ose syofɨsyahonɨngkɨhwoni Jisas nalɨmento, Nje wosopayoso olenoho. Nje Mpohwo nɨhwatɨmentiso sohwoe hunomo tɨfi inɨngkayo'ne syohoso nje wosopayofoho. Oso syoho hiso wesojwao'monnoho. Oso syohoso wosopayo pa'nyo yokumpohn'nyo ntapɨwo'nɨngkisofoho.

Ose ulahonɨngki a'musi ulɨmento, Hwe Engofo, kɨko mijo ifanyoso ane hwosoho. Olo mijimo loso kengo mo'mta'angofoho. Oseso oso mijo songo ne'no humayoso ntɨ'mta'ni woma'monnto.

Ose ulahonɨngki a'musi ulɨmento, Ngko huno ole niyohoho. Anɨtu kako ole nalɨmento, Ngko sekumo sefo'mayo'ne uhwosopo'mentohe sohumo sekuyepono uhwatɨmonnoho. Oso a'amu huhwo sohumne'no Kɨlaisɨyoho lɨwo'nɨngkuhwonefoho. Kako nopɨhwoso'no kako yo'mayo yo'mayo so'no wolonetɨhwamontonoho. Ose ulahonɨngki Jisas ulɨmento, Olo ngko olo huhwo'nyoho. Ngko kɨko'nji hungkuno lalokuhwoyosofo. Ose ulɨmentisofoho.

Sekwo nopɨkuji olo hwe lohwo uhwonɨmno. Kako yo'mayo yo'mayo ngko hohonta imote so'no ntohoho. Oso hwe Anɨtu uhwatɨmnoho nalɨmentiso Kɨlais sohwolɨkeno.