Ioane 6
6
PENE VI - 6
Nga tangata e rima tausani i angaiia: ko Iesu akaarikiia: te uriia e te Iesu aaere anga na runga i te kare: tona kopapa e tona toto te kai no te rangi mai: manganui tei maitu: te tuatua a Petero ma.
1E #Mata 14:15; Mare 6:35; Luka 9:10,12#6:1 Te Mataiti o te Mesia 32MURI akera, ano aturā Iesu ki tetai pae i te roto i Galilea, koia te roto i Tiberia ra. 2E aerenga maata oki tei aru mai iaia, no te mea kua kite ratou i te akairo tana i rave i te aronga makimaki ra. 3Aere aturā Iesu ki runga i tetai maunga, noo iora ki raro ma tana au pipi. 4#Levi 23:5,7; Deu 16:1; Ioa 2:13; 5:1Kua vaitata te pasa, e oroa na te ngati Iuda ra.
5 #
Mata 14:14; Mare 6:35; Luka 9:12 Akara akera te mata o Iesu, e kite atura aia e, e aerenga tangata maata te aere maira kiaia ra, kua karanga atura kia Philipa, Eiea tatou ka oko ei i te kai, ei angai anga i teia aronga? 6I akapera atura aia i te timata anga iaia; kua kite oki aia uaorai i tana ravenga. 7Kua tuatua mairā Philipa, #Nume 11:21,22Kia rua ua atu rai anere i te #6:7 15 Keneti.denari ei oko i te manga, kare ua e rava kia taki tai ungaungā kai i te tangata okotai. 8Kua tuatua maira iaia tetai pipi ana ra, ko Anederea te taeake o Simona Petero, 9Tera ake tetai tamaiti, e rima ana manga kerite, e rua oki ika; #2 Ari 4:43eaa ra te reira e ravaʼi i teianei aronga maata? 10Kua karanga aturā Iesu, Ka akatakoto aere ana i te au tangata ki raro. E manganui oki te mātā i taua ngai ra: kua takoto aere iora te au tangata ki raro, e rima paa tausani kia tatau. 11Kua rave akerā Iesu i nga manga ra; akameitaki atura, apai atura ki te au pipi, e na te au pipi i tua atu na te aronga i noo ki raro ra; e kua tua katoa atura i te ika, e kua iu anake iora ratou. 12E pangia rava akera ratou, kua karanga atura aia ki tana au pipi, Ka akaputu ana i te ungaungā kai mea riki i toe ra, eiaa tetai vaʼi e akarukeia. 13Kua akaputuputu iora ratou, e ki akera nga tapora raungauru ma rua, i te toenga i taua ngai manga kerite e rima ra, ko tei toe i taua aronga i kai ra.
14E kite akera taua au tangata ra i te akairo ta Iesu i rave ra, kua na ko akera, #Gene 49:10; Deu 18:15,18; Mata 11:3; Ioa 1:21; 4:19,25; 7:40Ko taua peroveta mou rai teia, ko te ka aere mai ki te ao nei. 15Te kite rā Iesu i to ratou manako, ka tiki mai iaia e kave e akaariki, oki akaou atura aia ki runga i te maunga, koia anake ra. 16#Mata 14:23; Mare 6:47E aiai akera, aere atura tana au pipi ki taatai. 17E tae atura ki runga i tetai pai, akatere atura ki Kaperenauma. Kua poiri rava, kare akerā Iesu i tae mai kia ratou. 18E peke atura taua roto ra i te matangi viviki. 19Oe ua atura ratou e rua ngauru ma rima setadia, e e toru ngauru oki, kite maira ratou ia Iesu i te aere ua anga na runga i te kare, e vaitata iora aia ki te pae pai: kua mataku akera ratou. 20Kua karanga atura aia ki ratou, Ko au teia; auraka e mataku. 21Rekareka atura ratou iaia i te aere anga ki runga i te pai: tapae atura ratou i reira ra i te enua ta ratou e oe ra.
22E ao akera, ko te au tangata i topa i te pae roto ra, kua kite ratou e, kare a Iesu i aere katoa ki runga i te boti i te aereanga o te au pipi ra, ko ratou anake ra tei akatere, okotai ua oki mea boti i tae mai i reira: 23(E puke boti ke ra no Tiberia mai tei tapae mai i vaitata i taua ngai ta ratou i kaikai ra, ka akameitaki ei te Atu ra:) 24E kia akara akera taua aronga ra e, kare a Iesu i reira, ma tana au pipi katoa ra, kake katoa atura ratou ki runga i te pai, oe atura ki Kaperenauma, i te kimi anga ia Iesu. 25E kite atura ratou iaia i tetai pae roto ra, kua karanga atura ratou kiaia, E Rabi, i naea mai koe i ko nei? 26Kua tuatua mairā Iesu ki ratou, Tika, tika tikai taku e karanga atu kia kotou, Kare i to te mea i kite kotou i te au akairo ra, te kimi nei ra kotou iaku, no te mea kua kai kotou i te manga, e pangia akera. 27Auraka e angaanga i te kai pe ua, #Ioa 6:54; Ioa 4:14ko te kai ra te ka tika i te vairanga, e tae ua atu ki te ora mutu kore ra, ko ta te Tamaiti a te tangata e oronga mai na kotou ra: #Mata 3:17; 17:5; Mare 1:11; 9:7; Luka 3:22; 9:35; Ioa 1:38; 5:27; 8:18; Anga 2:22; 2 Pete 1:17koia oki tei akonoia e te Atua Metua ra. 28Kua ui atura ratou kiaia, Eaa ta te Atua angaanga i anoano kia rave matou? 29Kua tuatua mairā Iesu kia ratou, na ko maira, #1 Ioa 3:23Teia ta te Atua angaanga i anoano, kia akarongo kotou iaia i tana i tono mai. 30Kua karanga atura ratou kiaia, #Mata 12:38; 16:1; Mare 8:11; 1 Kori 1:22Eaa taau akairo e rave, kia akara atu matou, ka akarongo atu ei matou ia koe? eaa taau ravenga? 31#Exo 16:15; Nume 11:7; Nehe 9:15; 1 Kori 10:3I kaikai ana to matou ai metua i te māna i te medebara ra; ko tei tataia ra e, #Sala 73:24,25“I o mai ana aia i te kai no te rangi na ratou ei kaikai anga.” 32Kua tuatua mairā Iesu kia ratou, Tika, tika tikai taku e karanga atu kia kotou, Kare a Mose i oronga mai i te kai no te rangi na kotou; kua oronga maira taku Metua i te kai tikai o te rangi na kotou. 33Tera ta te Atua kai, ko tei eke mai mei te rangi, e ko tei oronga mai i te ora no to te ao. 34#Ioa 4:15Kua karanga atura ratou kiaia, E te Atu, eiaa koe tivata i te oronga mai i taua kai ra na matou. 35Kua tuatua mairā Iesu kia ratou, #Ioa 6:48,58Ko au te kai ora; #Ioa 4:14; 7:37ko te aere mai kiaku nei, kare rava ïa e pongi; ko te akarongo mai iaku nei, kare rava ïa e kaki vai. 36#Ioa 6:26,64Kua karanga atu na ra oki au kia kotou, Kua kite kotou iaku, e kare kotou i akarongo. 37#Ioa 6:45Ko ta taku Metua i oronga mai noku ra, ka tae mai ïa kiaku nei; #Mata 24:24; Ioa 10:28,29; 2 Timo 2:19; 1 Ioa 2:19e ko te aere mai kiaku nei, kare rava ïa e kopaeia e au. 38I eke mai nei oki au mei te rangi mai, e akono #Ioa 4:34i to tei tono mai iaku nei anoano, #Mata 26:39; Ioa 5:30auraka i toku uaorai anoano. 39Teia oki to te Metua anoano, to tei tono mai iaku nei, #Ioa 10:26; 17:12; 18:9kia kore au e ngere i tetai i tana i oronga mai noku ra, kia akatu akaouia e au kia tae ki te rā openga ra. 40Ko teia oki to tei tono mai iaku nei anoano, #Ioa 6:27,47,54; Ioa 3:15,16; Ioa 4:14ko te kite i te Tamaiti e te akarongo iaia ra, ei ora mutu kore tona: e naku aia e akatu akaou kia tae ki te rā openga ra. 41Kua urutoe iora te ngati Iuda iaia, koia i tuatua e, Ko au te kai no te rangi mai. 42Kua na ko akera ratou, #Mata 13:55; Mare 6:8; Luka 4:22Kare ainei teia ko Iesu, te Tamaiti a Iosepha#6:42 Tikaanga - kare e koma i muri ake i te tuatua Iosepha., ra, tei kite katoa oki tatou i tona metua tane, e te metua vaine ra? eaa akera aia i tuatua mai ei e, I eke mai nei au mei te rangi mai? 43Kua tuatua mairā Iesu kia ratou, na ko maira, Auraka na kotou e urutoe ua. 44#Ime 1:4; Ioa 6:65#6:44 Tei tata ia Peʼe 1:4. Kua akaata ia i ko nei e ko Ime 1:4.Kare te tangata e tae mai kiaku nei, mari ra kia akatae mai te Metua ko tei tono mai iaku nei iaia; e naku aia e akatu akaou kia tae ki te rā openga ra. 45#Isa 54:12; Iere 31:34; Mika 4:2; Ebe 8:10; 10:16Kua tataia oki i roto i te au peroveta ra e, “Ka ope takiri ratou i te apiiia e te Atua.” #Ioa 6:37E teianei, ko te akarongo e te apiiia e te Metua ra, ko te ka tae mai ïa kiaku nei. 46#Ioa 1:18; 5:37Kare ra e tangata i kite i te Metua, #Mata 11:27; Luka 10:22; Ioa 1:18; 7:29; 8:19mari ra ko to ko mai i te Atua ra, kua kite aia i te Metua ra. 47Tika, Tika tikai taku e karanga atu kia kotou, #Ioa 3:16,18,36; Ioa 6:40Ko te akarongo mai iaku nei, e ora mutu kore tona. 48#Ioa 6:33,35Ko au te kai e oraʼi. 49#Ioa 6:31I kai ana to kotou ui metua i te māna i te medebara ra, e mate atura. 50#Ioa 6:51,58Ko te kai teia no te rangi mai, kia kaikai ua te tangata i te reira, e kia kore rava e mate. 51Ko au te kai ora, ko #Ioa 3:19tei eke mai mei te rangi: ko te ka kai i teianei kai, ka tika ïa i te ora anga e tuatau ua atu: #Ebe 10:5,10ko taku kai e oronga atu, ko toku ïa kopapa, ko taku ïa e oronga atu ei ora no to te ao. 52#Ioa 7:48; 9:16; 10:19Kua taumāro anake iora te ngati Iuda ratou ratou uaorai, na ko akera, #Ioa 6:8,9Eaa e tikaʼi i teianei tangata kia oronga mai i tona kopapa ei kai? 53Kua tuatua mairā Iesu kia ratou, Tika, tika tikai taku e karanga atu kia kotou, #Mata 26:26,28Kia kore kotou e kai i te kopapa o te Tamaiti a te tangata nei, e kia kore oki kotou e inu i tona toto, kare ïa e ora i roto ia kotou. 54#Ioa 6:27,40,68; 4:14Ko te kai i toku kopapa, e te inu i toku nei toto, e ora mutu kore tona; e naku aia e akatu akaou kia tae ki te rā openga ra. 55E kai tikai oki toku kopapa, e e vai inu tikai toku toto. 56Ko te kai i toku kopapa, e te inu i toku toto, #1 Ioa 3:24; 4:15,16ka noo tika ïa i roto iaku, e ka noo au i roto iaia. 57Mei te Metua oki e ora ra, ko tei tono mai iaku nei, e te ora nei oki au i te Metua ra: koia katoa te kai iaku nei, ka ora ïa iaku. 58#Ioa 6:49,50,51Ko te kai teia no te rangi mai: kare ra mei te māna i kaingaia e to kotou ui metua ra, mate atura oki ratou: ko te kai i teianei kai, ka tika ïa i te ora anga e tuatau ua atu. 59I roto i te sunago te tuatua anga aia i taua tuatua nei, i te apii anga i Kaperenauma ra.
60 #
Mata 11:6; Ioa 6:66 E manganui tana aronga pipi i akarongo i taua tuatua nei, i na ko e, E tuatua rikarika teia, ka kitea ra iaia? 61Te kite rā Iesu ki roto iaia ra e, te koumuumu ra tana au pipi i taua tuatua ra, kua tuatua maira kia ratou, Te maitu na kotou i te reira? 62#Mare 16:19; Ioa 3:13; Anga 1:9; Ephe 4:8Naringa paa kotou e kite ana i te Tamaiti a te tangata i te oki akaou anga ki runga i te ngai tana i noo i muatangana? 63#2 Kori 3:6No te vaerua te ora, kare o te kopapa e puapinga: te tuatua taku e karanga atu kia kotou, e vaerua ïa, e e ora tei te reira. 64#Ioa 6:36Kare ra tetai papaki o kotou nei i akarongo. #Ioa 2:24,25; 13:11Kua kite oki a Iesu mei muatangana mairai i te aronga kare i akarongo, e te tangata e pikikaa kiaia ra. 65Kua karanga atura aia, No reira i #Ioa 6:44,45karanga atu ei au kia kotou e, kare rava te tangata e tae mai kiaku nei, kia kore e orongaia mai te tae e taku Metua ra.
66 #
Ioa 6:60
Akaruke maira tetai papaki pipi ana i reira ra e manganui, kare maira i aru akaou iaia ra. 67Kua tuatua mairā Iesu ki te ngauru ma rua ra, Ka aere katoa ainei kotou? 68Kua karanga aturā Simona Petero kiaia, E te Atu, ka aere tika matou kiaai ra? #Anga 5:20tei ia koe te tuatua o te ora mutu kore ra. 69#Mata 16:16; Mare 8:29; Luka 9:20; Ioa 1:49; 12:27Kua akarongo akenei oki matou, e kua kite oki matou e, ko koe te Mesia, te Tamaiti a te Atua ora ra. 70Kua tuatua mairā Iesu kia ratou, #Luka 6:13Kare aina kua iki au ia kotou tino ngauru ma rua ra? #Ioa 13:27e e diabolo rai tetai o kotou nei. 71Ko Iuda Ikariota a Simona tana i tuatua ra: no te ngauru ma rua oki aia ra, koia rai te tangata e pikikaa atu iaia ra.
Currently Selected:
Ioane 6: CIMB
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
The Holy Bible in Cook Islands Maori, Reprinted from the edition of 1888 © United Bible Societies, 1972.