Iyohaichish 12

12. Iyohaichish.

Shinotcha rekte esapane guru orota, Sheminit gusu Dabid kara Iyohaichish.

1AA Utarapa, kashiobiuki wa en kore; ashkanne guru tane isam ruwe ne gusu ne na;

Ainu poho tumugeta so-ne an guru aokere nisa ruwe ne.

2Aun utara tura ohap uwepekere:

Chiinrarakka patoi newa tu keutum o wa itak ruwe ne.

3Ehoba anak ne obitta no okai chiinrarakka patoi isamka,

Porobe ye parumbe otuye kusu ne.

4Nei utara ene itak-hi:— Parumbe ani annokara ash kusu ne;

Patoi anak chi korobe ne: un nishpane guru nen ne ruwe he an? ani itak.

5Otek-sak utara aeiwende, irapokkari utara anuwapte gusu,

Tane ku hopuni kusu ne, ari an itak ani Ehoba ye kusu ne;

Orun nei utara hussa chiukosamba guru Shinuma kashiobiuki kusu ne na.

6Ehoba korʼitak anak ne ashkanne itak ne;

Toitoi abe sokot oshiketa aturu-sakte shirokani;

Arawan-shuine apekashnure shirokani korachi ne ruwe ne.

7Aa Ehoba, Aokai anak ne nei utara shikkashima,

Tane wano otusashuishiri pakno ne yakka nei utara E koshiratki kusu ne na.

8Ainu poho tumugeta wen-ikikip ayairire chiki

Wen utara shikapneka no apkash kusu ne ruwe ne na.

Currently Selected:

Iyohaichish 12: AINU

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ከ
{{ምዕራፍ}}
ታዋቂ የመጽሐፍ ቅዱስ ጥቅሶች