MARIKO 11
11
Yesu eingia Yerusalemu kwa ngazo
(Mat. 21:1-11; Luk. 19:28-40; Yoh. 12:12-19)
1Igheri vekizengelela Yerusalemu hafuhi na Berfage na Betania, hala hantu hehotane na ntuvi ya mizeituni, akatuma veri he varateri vakwe, 2akavati, “Tongani he kala kamuzi keho mozya henyu, aho mwekiingia heko, hala indi munevona ndama ya njoe yechungiwe, yesinaveka mntu narini, muichungue munietie. 3Na mntu ekimuti, ‘Hanini mweketa huvo?’ muti, ‘Mfumwa einda, naye hala indi eneihundua wa aha.’” 4Vakatonga vakavona ndama ya njoe yechungiwe he nzia mbaha, he mvera chanze; vakaichungua. 5Kumwe he vala veimuke hala vakavati, “Muchunguiani iyo ndama ya njoe?” 6Vakavavwira sa vuntu Yesu evaazere, navo vakavakundija. 7Vakamtwaia Yesu ila ndama ya njoe, vakatandisha suke javo heyo, akaikaa wanga heyo. 8Vantu vajinki vakatandisha suke javo nzieni, kumwe matambi a miti veakwahue he mighunda. 9Vala vantu verongore na vala vezie nyuma vakalonza vekiti, “Hosiana, mwenye lutelwedi ni ula eza he izina la Mfumwa; 10weinkiwe lutelwedi na vula vufumwa vwa vava wetu Davidi vweneza, vubumijwe. Hosiana uko wanga.”
11Akaingia Yerusalemu mhaka ndeni he nyumba ya mtaso; ekinarerehe vyose myondo yose, kila e chahemagheri, akafuma, akatonga Betania hamwe na vala ikumi na veri.
Mkuu wesigerire
(Mat. 21:18-19)
12Hala yavo chaheyavo ekinafume Betania akasikia nza. 13Akavona mkuu weho hae, wena mahungo, akaswi iti kana enevona kintu hewo; ekifika asivone kintu esire mahungo du, ambu seki igheri lawo la ntunda. 14Akagharusha, akauti, “Kuvokia yoo na kae na kae, mntu asirela ntunda hewe.” Varateri vakasikia.
Yesu ezerija nyumba ya mtaso
(Mat. 21:12-17; Luk. 19:45-48; Yoh. 2:13-22)
15Vakafika Yerusalemu naye akaingia he nyumba ya mtaso, akavoka kuvakinya vala vekitaghija na kuzorania he nyumba ya mtaso, akakubunua meza ja vala vekikoranya fedha, na vichumbi vya vala vekitaghija nziva; 16neri asukundije mntu kutika kintu he nyumba ya mtaso. 17Akacheja, akati, “Tekiandikwe iti, ‘Nyumba yangu ineitangwa nyumba ya kuombia he vaisanga vose? Mira unywi mwaighosha mpanga ya vareghumba.’” 18Vabaha va vatasi na vaandiki vakasikia iyo mburi, vakaenda nzia ya kumkomia, ambu vemfoleke, ni hala luvungano lwose vemakie he michejire yakwe. 19Hekinaoke chahemagheri akafuma he muzi.
Nzinya ya mwitikijo
(Mat. 21:20-22)
20Aha chaheyavo vekivecha, vakavona ula mkuu waoma kufuma he kikolo. 21Petro akakumbuka mburi yawo, akati, “Rabi, rereha ula mkuu waurara waoma.” 22Yesu akagharusha, akamti, “Mwitikije Mrungu. 23Kididi nimutio, Ye enevwira ntuvi ii: ‘Ng’oleka utaghwe noko he bahari,’ ekisatatanya he ngoro, mira ekiitikija iti icho eteta kineoka; kineremwokia huvo. 24Heicho nimutio, Chochose mwetanja mwekiomba, itikijani iti muneviinkwa, navyo vinemuokia. 25Igheri lose mwekiimuka mwekiomba, shighieni kakicha muna kintu na mntu; nesa Vava wenyu wa uko wanga amushighie na unywi mateshanyo enyu. [ 26Mira kakicha unywi mwekisashighia, neri Vava wenyu wa uko wanga tekamushighie mateshanyo enyu.”]
Nzinya yakwe Yesu ivwijwa
(Mat. 21:23-27; Luk. 20:1-8)
27Vakafika wa Yerusalemu; hala ekivechavecha he nyumba ya mtaso, akaziiwa ni vabaha va vatasi, na vaandiki, na vaghosi. 28Vakamti, “Ni kwa nzinya ani weronga nayo ivi? na niani ekunkie ii nzinya ya kuketa ivi?” 29Yesu akavati, “Nimuvwija mburi mwe, na unywi munigharushe, niho nami nenemuvwira ni kwa nzinya ani neronga ivyo. 30M’batizo wakwe Yohane wefumie uko wanga kana ni he vantu? Nigarushani.” 31Vakavwijana venye na venye, vekiti, “Kakicha twekiti, ‘Wefumie uko wanga,’ eneti, ‘Hanini ra mwekisamwitikija?’ 32Kana twekiti, ‘Wefumie he vantu,’” vakafoleka vantu; ambu vantu vose vevonie cha idi iti Yohane ne mroti. 33Vakamgharusha Yesu, vakati, “Tetumanyije.” Yesu akavati, “Neri mi sikamuvwire unywi ni kwa nzinya ani neronga ivyo.”
Currently Selected:
MARIKO 11: CHSUNT67
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Chasu New Testament © Bible Society of Tanzania, 1967.
MARIKO 11
11
Yesu eingia Yerusalemu kwa ngazo
(Mat. 21:1-11; Luk. 19:28-40; Yoh. 12:12-19)
1Igheri vekizengelela Yerusalemu hafuhi na Berfage na Betania, hala hantu hehotane na ntuvi ya mizeituni, akatuma veri he varateri vakwe, 2akavati, “Tongani he kala kamuzi keho mozya henyu, aho mwekiingia heko, hala indi munevona ndama ya njoe yechungiwe, yesinaveka mntu narini, muichungue munietie. 3Na mntu ekimuti, ‘Hanini mweketa huvo?’ muti, ‘Mfumwa einda, naye hala indi eneihundua wa aha.’” 4Vakatonga vakavona ndama ya njoe yechungiwe he nzia mbaha, he mvera chanze; vakaichungua. 5Kumwe he vala veimuke hala vakavati, “Muchunguiani iyo ndama ya njoe?” 6Vakavavwira sa vuntu Yesu evaazere, navo vakavakundija. 7Vakamtwaia Yesu ila ndama ya njoe, vakatandisha suke javo heyo, akaikaa wanga heyo. 8Vantu vajinki vakatandisha suke javo nzieni, kumwe matambi a miti veakwahue he mighunda. 9Vala vantu verongore na vala vezie nyuma vakalonza vekiti, “Hosiana, mwenye lutelwedi ni ula eza he izina la Mfumwa; 10weinkiwe lutelwedi na vula vufumwa vwa vava wetu Davidi vweneza, vubumijwe. Hosiana uko wanga.”
11Akaingia Yerusalemu mhaka ndeni he nyumba ya mtaso; ekinarerehe vyose myondo yose, kila e chahemagheri, akafuma, akatonga Betania hamwe na vala ikumi na veri.
Mkuu wesigerire
(Mat. 21:18-19)
12Hala yavo chaheyavo ekinafume Betania akasikia nza. 13Akavona mkuu weho hae, wena mahungo, akaswi iti kana enevona kintu hewo; ekifika asivone kintu esire mahungo du, ambu seki igheri lawo la ntunda. 14Akagharusha, akauti, “Kuvokia yoo na kae na kae, mntu asirela ntunda hewe.” Varateri vakasikia.
Yesu ezerija nyumba ya mtaso
(Mat. 21:12-17; Luk. 19:45-48; Yoh. 2:13-22)
15Vakafika Yerusalemu naye akaingia he nyumba ya mtaso, akavoka kuvakinya vala vekitaghija na kuzorania he nyumba ya mtaso, akakubunua meza ja vala vekikoranya fedha, na vichumbi vya vala vekitaghija nziva; 16neri asukundije mntu kutika kintu he nyumba ya mtaso. 17Akacheja, akati, “Tekiandikwe iti, ‘Nyumba yangu ineitangwa nyumba ya kuombia he vaisanga vose? Mira unywi mwaighosha mpanga ya vareghumba.’” 18Vabaha va vatasi na vaandiki vakasikia iyo mburi, vakaenda nzia ya kumkomia, ambu vemfoleke, ni hala luvungano lwose vemakie he michejire yakwe. 19Hekinaoke chahemagheri akafuma he muzi.
Nzinya ya mwitikijo
(Mat. 21:20-22)
20Aha chaheyavo vekivecha, vakavona ula mkuu waoma kufuma he kikolo. 21Petro akakumbuka mburi yawo, akati, “Rabi, rereha ula mkuu waurara waoma.” 22Yesu akagharusha, akamti, “Mwitikije Mrungu. 23Kididi nimutio, Ye enevwira ntuvi ii: ‘Ng’oleka utaghwe noko he bahari,’ ekisatatanya he ngoro, mira ekiitikija iti icho eteta kineoka; kineremwokia huvo. 24Heicho nimutio, Chochose mwetanja mwekiomba, itikijani iti muneviinkwa, navyo vinemuokia. 25Igheri lose mwekiimuka mwekiomba, shighieni kakicha muna kintu na mntu; nesa Vava wenyu wa uko wanga amushighie na unywi mateshanyo enyu. [ 26Mira kakicha unywi mwekisashighia, neri Vava wenyu wa uko wanga tekamushighie mateshanyo enyu.”]
Nzinya yakwe Yesu ivwijwa
(Mat. 21:23-27; Luk. 20:1-8)
27Vakafika wa Yerusalemu; hala ekivechavecha he nyumba ya mtaso, akaziiwa ni vabaha va vatasi, na vaandiki, na vaghosi. 28Vakamti, “Ni kwa nzinya ani weronga nayo ivi? na niani ekunkie ii nzinya ya kuketa ivi?” 29Yesu akavati, “Nimuvwija mburi mwe, na unywi munigharushe, niho nami nenemuvwira ni kwa nzinya ani neronga ivyo. 30M’batizo wakwe Yohane wefumie uko wanga kana ni he vantu? Nigarushani.” 31Vakavwijana venye na venye, vekiti, “Kakicha twekiti, ‘Wefumie uko wanga,’ eneti, ‘Hanini ra mwekisamwitikija?’ 32Kana twekiti, ‘Wefumie he vantu,’” vakafoleka vantu; ambu vantu vose vevonie cha idi iti Yohane ne mroti. 33Vakamgharusha Yesu, vakati, “Tetumanyije.” Yesu akavati, “Neri mi sikamuvwire unywi ni kwa nzinya ani neronga ivyo.”
Chasu New Testament © Bible Society of Tanzania, 1967.