መጽሐፈ መዝሙር 61

የመማጠኛ ጸሎት

1አምላክ ሆይ! ጩኸቴን አድምጥ፤

ጸሎቴንም ስማ።

2ተስፋ ቈርጬ ሳለ

ከሩቅ አገር ወደ አንተ እጮኻለሁ፤

ከእኔ በላይ ወደ አለው

ከፍተኛ አምባ ምራኝ።

3አንተ ጠባቂዬና ከጠላቶቼ የምከለልብህ

ብርቱ መጠጊያዬ ነህ።

4በሕይወቴ ዘመን ሁሉ በቤትህ እንድኖርና

በጥበቃህ ሥር

መጠለያ እንዳገኝ ፍቀድልኝ።

5አምላክ ሆይ! ስእለቴን ሰማህ፤

አንተን ለሚፈሩ ሰዎች ያዘጋጀኸውን በረከት

ለእኔም ሰጠኸኝ።

6በንጉሡ ዕድሜ ላይ ብዙ ዓመቶች ጨምርለት፤

ለብዙ ዘመንም እንዲኖር አድርገው!

7አምላክ ሆይ! በፊትህ ለዘለዓለም እንዲነግሥ አድርገው፤

በዘለዓለማዊው ፍቅርህና በታማኝነትህ ጠብቀው።

8ለአንተ የተሳልኩትን በየቀኑ በማቅረብ

ዘወትር የምስጋና መዝሙር እዘምርልሃለሁ።

Currently Selected:

መጽሐፈ መዝሙር 61: አማ05

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ስለ አማርኛ አዲሱ መደበኛ ትርጉም ተጨማሪ ይወቁ