መጽሐፈ መዝሙር 63

እግዚአብሔርን መፈለግ

1እግዚአብሔር ሆይ! አንተ አምላኬ ነህ፤

አንተን ለማግኘት በብርቱ እናፍቃለሁ፤

ሁለንተናዬ አንተን ይመኛል፤

ውሃ በማጣት ደርቆ እንደ ተሰነጣጠቀ መሬት

ነፍሴ አንተን ተጠማች።

2በመቅደስህ ውስጥ አንተን ተመለከትኩ፤

ኀይልህንና ክብርህንም አየሁ።

3ዘለዓለማዊው ፍቅርህ ከሕይወት እንኳ

የሚሻል ስለ ሆነ አመሰግንሃለሁ።

4በሕይወቴ ዘመን ሁሉ አመሰግንሃለሁ፤

ለጸሎትም እጆቼን ወደ አንተ እዘረጋለሁ።

5ሰው መልካም ምግብ በልቶ እንደሚጠግብ

ነፍሴ በአንተ ትረካለች፤

ስለዚህ የምስጋና መዝሙር በደስታ እዘምርልሃለሁ።

6በመኝታዬም ሆኜ አስታውስሃለሁ፤

ሌሊቱንም ሁሉ የአንተን ነገር አስባለሁ።

7አንተ ረዳት ስለ ሆንከኝ በጥበቃህ ሥር ተጠልዬ፥

በደስታ እዘምራለሁ።

8ወደ አንተ እጠጋለሁ፤

ቀኝ እጅህም ቀና አድርጎ ይደግፈኛል።

9እኔን ለመግደል የሚፈልጉ ሁሉ

ወደ ሙታን ዓለም ይወርዳሉ።

10በሰይፍ ይገደላሉ፤

ሬሳቸውንም ቀበሮዎች ይበሉታል።

11እግዚአብሔር ድልን ስለሚያጐናጽፈው

ንጉሡ ደስ ይለዋል፤

በእግዚአብሔር ስም የሚምሉ ሁሉ

እግዚአብሔርን ያመሰግናሉ፤ የሐሰተኞች አንደበት ግን ይዘጋል። #1ሳሙ. 23፥14።

Currently Selected:

መጽሐፈ መዝሙር 63: አማ05

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ስለ አማርኛ አዲሱ መደበኛ ትርጉም ተጨማሪ ይወቁ