መዝሙረ ዳዊት 29

1ከድንኳን በሚወጣበት ጊዜ፥ የዳዊት መዝሙር።

የአምላክ ልጆች ሆይ፥ ለጌታ አምጡ።

ክብርንና ምስጋናን ለጌታ አምጡ።

2 # መዝ. 68፥35፤ 96፥7-9። የስሙን ክብር ለጌታ አምጡ፥

በቅድስናው ስፍራ ለጌታ ስገዱ።

3የጌታ ድምፅ በውኆች ላይ፥

የክብር አምላክ አንጐደጐደ፥

አምላክ በብዙ ውኆች ላይ።

4 # መዝ. 46፥7፤ 77፥18-19፤ ኢዮብ 37፥4፤ ኢሳ. 30፥30። የጌታ ድምፅ በኃይል ነው፥

የጌታ ድምፅ በታላቅ ክብር የተሞላ ነው።

5የጌታ ድምፅ ዝግባን ይሰብራል፥

ጌታ የሊባኖስን ዝግባ ይቀጠቅጣል።

6እንደ ጥጃ ሊባኖስን#29፥6 የሊባኖስን ተራራዎች፥

እንደ ጎሽ ጥጃ ስርዮንን#29፥6 የሔርሞን ተራራ ያዘልላቸዋል።

7የጌታ ድምፅ የእሳቱን ነበልባል ይቈርጣል።

8የጌታ ድምፅ ምድረ በዳውን ያናውጣል፥

ጌታ የቃዴስን ምድረ በዳ ያናውጣል።

9የጌታ ድምፅ ዋላዎችን ያጠነክራቸዋል፥

ጫካዎቹንም ይገልጣል፥

ሁሉም በመቅደሱ፦ ምስጋና ይላል።

10 # ባሮክ 3፥3። ጌታ የጥፋት ውኃን ሰብስቦአል፥

ጌታ ለዘለዓለም ንጉሥ ሆኖ ይቀመጣል።

11 # መዝ. 68፥36። ጌታ ለሕዝቡ ኃይልን ይሰጣል፥

ጌታ ሕዝቡን በሰላም ይባርካል።

Currently Selected:

መዝሙረ ዳዊት 29: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ስለ መጽሐፍ ቅዱስ - (ካቶሊካዊ እትም - ኤማሁስ) ተጨማሪ ይወቁ