መዝሙረ ዳዊት 3

1ከልጁ ከአቤሴሎም ፊት በሸሸ ጊዜ የዳዊት መዝሙር።

2አቤቱ፥ የሚያስጨንቁኝ ምንኛ በዙ!

በኔ ላይ የሚቆሙት ብዙ ናቸው።

3 # መዝ. 71፥11። ብዙ ሰዎች ነፍሴን፦

አምላክሽ አያድንሽም አልዋት።

4 # መዝ. 7፥11፤ 18፥3፤ 62፥7-8፤ ዘዳ. 33፥29፤ ኢሳ. 60፥19። አንተ ግን፥ አቤቱ፥ ጋሻዬ ነህ፥

ክብሬና ራሴንም ቀና የምታደርገው አንተ ነህ።

5በሙሉ ድምጽ ወደ ጌታ እጮሃለሁ፥

ከተቀደሰ ተራራውም ይሰማኛል።

6 # መዝ. 4፥9፤ ምሳ. 3፥24። እኔ ተኛሁ አንቀላፋሁም፥

ጌታም ደግፎኛልና ነቃሁ።

7የሚከቡኝን አእላፍ ሕዝብ አልፈራም።

8 # መዝ. 58፥7። ተነሥ፥ አቤቱ፥ አምላኬ ሆይ፥ አድነኝ፥

አንተ የጠላቶቼን መንጋጋ መትተሃልና፥

የክፉዎችንም ጥርስ ሰብረሃልና።

9 # መዝ. 28፥9፤ ዮናስ 2፥10። ማዳን የጌታ ነው፥

በረከትህም በሕዝብህ ላይ ነው።

Currently Selected:

መዝሙረ ዳዊት 3: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ