መዝሙረ ዳዊት 37

1የዳዊት መዝሙር።

# ምሳ. 3፥31፤ 23፥17፤ 24፥1፤ 19። በክፉዎች ላይ አትቅና፥

ዓመፃንም በሚያደርጉ ላይ አትቅና፥

2 # መዝ. 90፥5-6፤ 102፥12፤ 103፥15-16፤ ኢዮብ 14፥2፤ ኢሳ. 40፥7። እንደ ሣር ፈጥነው ይደርቃሉና፥

እንደ ለመለመ ቅጠልም ይረግፋሉና።

3 # መዝ. 128፥1-2። በጌታ ታመን፥ መልካምንም አድርግ፥

በምድርም ተቀመጥ፥ ታምነህም ተሰማራ።

4 # ምሳ. 10፥24። በጌታ ደስ ይበልህ፥

የልብህንም መሻት ይሰጥሃል።

5 # መዝ. 55፥23፤ ምሳ. 3፥5፤ 16፥3። መንገድህን ለጌታ አደራ ስጥ፥

በእርሱም ታመን፥ እርሱም ያደርግልሃል።

6 # ጥበ. 5፥6፤ ኢሳ. 58፥10። ጽድቅህን እንደ ብርሃን።

ፍርድህንም እንደ ቀትር ያመጣዋል።

7በጌታ ጽና በተዕግሥትም ጠብቀው።

መንገዱም በቀናችለትና በሚያደባ ሰው አትቅና።

8ከቁጣ ራቅ መዓትንም ተው፥

እንዳትበድል አትቅና።

9 # መዝ. 25፥13፤ ምሳ. 2፥21፤ ኢሳ. 57፥13። ክፉ አድራጊዎች ይጠፋሉና፥

በጌታ ተስፋ የሚያደርጉ ግን እነርሱ ምድርን ይወርሳሉ።

10ጥቂት ጊዜ ቆይቶ፥ ክፉ አድራጊ አይኖርም፥

ትፈልገዋለህ ቦታውንም አታገኝም።

11 # ማቴ. 5፥5። ገሮች ግን ምድርን ይወርሳሉ፥

በብዙም ሰላም ደስ ይላቸዋል።

12ክፉ በጻድቁ ላይ ያደባል፥

ጥርሱንም በእርሱ ላይ ያንገጫግጫል።

13 # መዝ. 2፥4፤ 59፥9፤ ጥበ. 4፥18። ጌታ ግን ይሥቅበታል፥

ቀኑ እንደሚደርስ አይቶአልና።

14 # መዝ. 11፥2፤ 57፥5፤ 64፥4። ክፉዎች ሰይፋቸውን መዘዙ፥

ቀስታቸውንም ገተሩ

ድሀውንና ችግረኛውን ይጥሉ ዘንድ፥

ልበ ቅኖችንም ይወጉ ዘንድ፥

15ሰይፋቸው ወደ ልባቸው ይግባ፥

ቀስታቸውም ይሰበር።

16 # ምሳ. 15፥16፤ 16፥8። በጻድቅ ዘንድ ያለው ጥቂት ነገር

ከብዙ ክፉዎች ሀብት ይበልጣል።

17የክፉዎች ንድ ትሰበራለችና፥

ጌታ ግን ጻድቃንን ይደግፋቸዋል።

18የንጹሓንን ቀኖች ጌታ ያውቃል፥

ርስታቸውም ለዘለዓለም ትሆናለች፥

19በክፉ ዘመንም አያፍሩም፥

በራብ ዘመንም ይጠግባሉ።

20 # ጥበ. 5፥14። ክፉዎቸ ግን ይጠፋሉ፥

የጌታ ጠላቶች እንደ መስክ ውበት፥

እንደ ጢስም ተንነው ይጠፋሉ።

21ክፉ ይበደራል አይከፍልምም፥

ጻድቅ ግን ይራራል ይሰጣልም።

22እርሱን የሚባርኩት ምድርን ይወርሳሉና፥

የሚረግሙት ግን ይጠፋሉ።

23 # ምሳ. 20፥24። መንገዱን በወደደ ጊዜ፥

የሰው አካሄድ በጌታ ይጸናል።

24ቢወድቅም አይጣልም፥

ጌታ እጁን ይዞ ይደግፈዋልና።

25 # ኢዮብ 4፥7፤ ሲራ. 2፥10። ጐለመስሁ አረጀሁም፥

ጻድቅ ሲጣል፥ ዘሩም እህል ሲለምን አላየሁም።

26ሁልጊዜ ይራራል ያበድርማል፥

ዘሩም በበረከት ይኖራል።

27 # መዝ. 34፥14-16፤ አሞጽ 5፥14። ከክፉ ሽሽ፥ መልካምንም አድርግ፥

ለዘለዓለምም ትኖራለህ።

28ጌታ ፍርድን ይወድዳልና፥

ቅዱሳኑንም አይጥላቸውምና፥

ለዘለዓለምም ይጠብቃቸዋል

ለንጹሓንም ይበቀልላቸዋል፥

የክፉዎች ዘር ግን ይጠፋል።

29 # መዝ. 25፥13፤ ምሳ. 2፥21፤ ኢሳ. 57፥13። ጻድቃን ምድርን ይወርሳሉ፥

በእርሷም ለዘለዓለም ይኖራሉ።

30 # ምሳ. 10፥31። የጻድቅ አፍ ጥበብን ያናገራል፥

አንደበቱም ፍርድን ይናገራል።

31 # መዝ. 40፥9፤ ዘዳ. 6፥6፤ ኢሳ. 51፥7፤ ኤር. 31፥33። የአምላኩ ሕግ በልቡ ውስጥ ነው፥

በእርምጃውም አይሰናከልም።

32ክፉ ጻድቁን ይመለከተዋል፥

ሊገድለውም ይወድዳል።

33ጌታ ግን በእጁ አይተወውም፥

በፍርድም እንዲሸነፍ አይፈቅድም።

34 # መዝ. 31፥24። በጌታ ተስፋ አድርግ፥ መንገዱንም ጠብቅ፥

ምድርንም ትወርስ ዘንድ ከፍ ከፍ ያደርግሃል፥

ክፉዎችም ሲጠፉ ታያለህ።

35 # መዝ. 92፥8-9፤ ኢሳ. 2፥13፤ ሕዝ. 31፥10-11። ክፉን በጭቆና ከፍ ከፍ ብሎ

እንደ ሊባኖስ ዝግባም ለምልሞ አየሁት።

36ብመለስ ግን አጣሁት፥

ፈለግሁት ቦታውንም አላገኘሁም።

37 # ምሳ. 23፥18፤ 24፥14። ቅንነትን ጠብቅ፥ ጽድቅንም እይ፥

ለሰላም ሰው ተተኪ ይወጣለታልና።

38በደለኞች በአንድነት ይጠፋሉ፥

የክፉዎቸ ዘር ይጠፋል።

39 # መዝ. 9፥10፤ ኢሳ. 25፥4። የጻድቃን መድኃኒታቸው በጌታ ዘንድ ነው፥

በመከራቸውም ጊዜ መጠጊያቸው እርሱ ነው።

40ጌታ ይረዳቸዋል፥ ያድናቸዋልም፥

ከከፉዎችም እጅ ያወጣቸዋል፥

ያድናቸዋልም፥ በእርሱ ታምነዋልና።

Currently Selected:

መዝሙረ ዳዊት 37: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ስለ መጽሐፍ ቅዱስ - (ካቶሊካዊ እትም - ኤማሁስ) ተጨማሪ ይወቁ

መዝሙረ ዳዊት 37

ከ
{{ምዕራፍ}}
ታዋቂ የመጽሐፍ ቅዱስ ጥቅሶች

Bible:

አማርኛ

Version: መጽሐፍ ቅዱስ - (ካቶሊካዊ እትም - ኤማሁስ) - መቅካእኤ