መዝሙረ ዳዊት 53

1ለመዘምራን አለቃ፥ በማኽላት፥ የዳዊት ትምህርት።

2 # መዝ. 14፥1-5። ኣላዋቂ በልቡ፦ አምላክ የለም ይላል።

ረከሱ በበደላቸውም ጐሰቈሉ፥

በጎ ነገርን የሚያደርጋት የለም።#መዝ. 10፥4፤ 36፥2፤ ኢሳ. 32፥6፤ ኤር. 5፥12፤ ሮሜ 3፥10-12።

3 # መዝ. 11፥4፤ 102፥20። የሚያስተውል እግዚአብሔርንም የሚፈልግ እንዳለ ያይ ዘንድ

እግዚአብሔር ከሰማይ የሰው ልጆችን ተመለከተ።

4 # መዝ. 12፥2። ሁሉም በደሉ፥ አብረውም ረከሱ፥

አንድ እንኳ በጎን ነገር የሚያደርጋት የለም።

5 # መዝ. 27፥2፤ መዝ. 79፥6፤ ኢሳ. 9፥11። እንጀራ እንደሚበላ ሕዝቤን የሚበሉ

ግፍ አድራጊዎች ሁሉ አያውቁምን?

እግዚአብሔርንም አይጠሩትም።

6በዚያ የሚያስፈራ ሳይኖር እጅጉን ፈሩ፥

እግዚአብሔር የከበቡህን አጥንቶች በትኖአልና፥

እግዚአብሔር ንቆአቸዋልና አሳፈርሃቸው።

7 # መዝ. 85፥2። መድኃኒትን ከጽዮን ለእስራኤል ማን በሰጠ!

እግዚአብሔር የሕዝቡን ምርኮ በመለሰ ጊዜ፥

ያዕቆብ ደስ ይለዋል እስራኤልም ሐሤት ያደርጋል።

Currently Selected:

መዝሙረ ዳዊት 53: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ