መዝሙረ ዳዊት 54

1ለመዘምራን አለቃ፥ በበገናዎች፥ የዳዊት ትምህርት። 2#1ሳሙ. 23፥19፤ 26፥1።ዜፋውያን መጥተው ለሳኦል፦ እነሆ ዳዊት በእኛ ዘንድ ተሸሽጓል ብለው በነገሩት ጊዜ፥

3አቤቱ፥ በስምህ አድነኝ፥

በኃይልህም ፍረድልኝ።

4አቤቱ፥ ጸሎቴን ስማኝ፥

የአፌንም ቃል አድምጥ፥

5 # መዝ. 86፥14። እንግዶች ተነሥተውብኛልና፥

ጨካኞችም ነፍሴን ሽተዋታልና።

እግዚአብሔርን በፊታቸው አላደረጉትም።

6 # መዝ. 118፥7። እነሆ፥ እግዚአብሔር ይረዳኛል፥

ጌታም ለሕይወቴ ደጋፊ ነው።

7 # መዝ. 143፥12። ክፋትን ወደ ጠላቶቼ ይመልሳታል፥

በእውነትህም አጥፋቸው።

8በፈቃዴ እሠዋልሃለሁ፥

አቤቱ፥ መልካም ነውና ስምህን አመሰግናለሁ፥

9 # መዝ. 59፥11፤ 91፥8፤ 92፥12። ከመከራ ሁሉ አድኖኛልና፥

ዓይኔም የጠላቶቼን ውድቀት አይታለችና።

Currently Selected:

መዝሙረ ዳዊት 54: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ