መዝሙረ ዳዊት 79

1የአሳፍ መዝሙር።

# 2ነገ. 25፥9-10፤ ሰቆ.ኤ. 1፥10። አቤቱ፥ አሕዛብ ወደ ርስትህ ገቡ፥

ቅዱሱን መቅደስህንም አረከሱ፥

ኢየሩሳሌምንም አፈራረሱአት።

2 # ኤር. 7፥33። የባርያዎችህንም በድኖች ለሰማይ ወፎች መብል አደረጉ፥

የጻድቃንህንም ሥጋ ለምድር አራዊት፥

3 # 1መቃ. 7፥17፤ ኤር. 14፥16። ደማቸውንም በኢየሩሳሌም ዙሪያ እንደ ውኃ አፈሰሱ፥

የሚቀብራቸውም አጡ።

4 # መዝ. 44፥14፤ 80፥7፤ 123፥3-4፤ ኢዮብ 12፥4፤ ዳን. 9፥16፤ ሶፎ. 2፥8። ለጎረቤቶቻችንም ስድብ ሆንን፥

በዙሪያችንም ላሉ መሳቂያና መሳለቂያ።

5 # መዝ. 13፥2፤ 44፥24፤ 89፥47፤ ዘዳ. 4፥24። አቤቱ፥ እስከ መቼ ለዘለዓለም ትቈጣለህ?

ቅንዓትህም እንደ እሳት ይነድዳል?

6 # መዝ. 14፥4፤ ኤር. 10፥25። በማያውቁህ አሕዛብ ላይ፥

ስምህንም በማይጠሩ መንግሥታት ላይ መዓትህን አፍስስ፥

7ያዕቆብን በልተውታልና፥

መኖርያውንም ባድማ አድርገዋልና።

8 # መዝ. 142፥7። የቀደመውን በደላችንን አታስብብን፥

ምሕረትህ በቶሎ ታግኘን፥

እጅግ ተዋርደናልና።

9 # ሕዝ. 20፥44፤ 36፥22። አምላካችንና መድኃኒታችን ሆይ፥ እርዳን፥

ስለ ስምህ ክብር፥ አቤቱ፥ ታደገን፥

ስለ ስምህም ኃጢአታችንን አስተሰርይልን።

10 # መዝ. 42፥4፤ 115፥2፤ ኢዩ. 2፥17። አሕዛብ፦ “አምላካቸው ወዴት ነው?” ለምን ይበሉ፥

የፈሰሰውን የባርያዎችህን ደም በቀል

በዐይኖቻችን ፊት አሕዛብ ይወቁ።

11 # መዝ. 102፥21። የእስረኞች ጩኸት ወደ ፊትህ ይግባ፥

እንደ ክንድህም ታላቅነት ሊገደሉ የተፈረደባቸውን አድን።

12 # መዝ. 89፥51-52። አቤቱ፥ የተዘባበቱብህን መዘባበታቸውን

ለጎረቤቶቻችን ሰባት እጥፍ በብብታቸው ክፈላቸው።

13እኛ ሕዝብህ ግን፥ የማሰማርያህም በጎች፥

ለዘለዓለም እናመሰግንሃለን፥

ለልጅ ልጅም ምስጋናህን እንናገራለን።

Currently Selected:

መዝሙረ ዳዊት 79: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ስለ መጽሐፍ ቅዱስ - (ካቶሊካዊ እትም - ኤማሁስ) ተጨማሪ ይወቁ