መዝሙረ ዳዊት 96

ከምርኮ በኋላ ቤት በተሠራ ጊዜ

1 # መዝ. 98፥1፤ ኢሳ. 42፥10። ለጌታ አዲስ መዝሙር ዘምሩ፥

ምድር ሁሉ፥ ለጌታ ዘምሩ።

2ለጌታ ዘምሩ ስሙንም ባርኩ፥

ዕለት ዕለትም ማዳኑን አውሩ።

3 # መዝ. 98፥4፤ 105፥1። ክብሩን ለአሕዛብ

ተኣምራቱንም ለሕዝቦች ሁሉ ንገሩ፥

4 # መዝ. 48፥2፤ 95፥3፤ 145፥3። ጌታ ታላቅ፥ ምስጋናውም ብዙ ነውና፥

ከአማልክትም ሁሉ በላይ የተፈራ ነውና።

5 # መዝ. 97፥7፤ 115፥4-8፤ ኢሳ. 40፥17፤ 1ቆሮ. 8፥4። የአሕዛብ አማልክት ሁሉ ጣዖቶች ናቸውና፥

ጌታ ግን ሰማያትን ሠራ።

6ክብርና ግርማ በፊቱ፥

ኃይልና ውበት በመቅደሱ ውስጥ ናቸው።

7የአሕዛብ ወገኖች፥ ለጌታ አቅርቡ፥

ክብርና ኃይልን ለጌታ አቅርቡ፥

8 # መዝ. 29፥2። ለስሙ የሚገባ ክብርን ለጌታ ስጡ፥

ቁርባን ያዙ፥ ወደ አደባባዮችም ግቡ።

9በቅድስናው ስፍራ ለጌታ ስገዱ፥

ምድር ሁሉ በፊቱ ትናወጥ።

10 # መዝ. 75፥4፤ 93፥1። በአሕዛብ መካከል፦ “ጌታ ነገሠ” በሉ።

እንዳይናወጥም ዓለሙን እርሱ አጸናው፥

አሕዛብንም በቅንነት ይፈርዳል።

11 # መዝ. 98፥7። ሰማያት ደስ ይበላቸው፥ ምድርም ሐሤትን ታድርግ፥

ባሕርና ሞላዋ ይናወጡ፥

12መስክና በእርሷም ያሉ ሁሉ ሐሤትን ያድርጉ፥

የዱር ዛፎችም ሁሉ በጌታ ፊት ደስ ይበላቸው፥

13 # መዝ. 98፥9። ይመጣልና፥ በምድር ላይ ሊፈርድ ይመጣልና፥

እርሱም ዓለምን በጽድቅ

አሕዛብንም በቅንነት ይፈርዳል።

Currently Selected:

መዝሙረ ዳዊት 96: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ከ
{{ምዕራፍ}}
ታዋቂ የመጽሐፍ ቅዱስ ጥቅሶች