ትንቢተ ሕዝቅኤል 21
21
በባቢሎን የእግዚአብሔር ሰይፍ
1የእግዚአብሔርም ቃል ወደ እኔ እንዲህ ሲል መጣ፦ 2“የሰው ልጅ ሆይ! ስለዚህ ትንቢት ተናገር፤ ፊትህን ወደ ኢየሩሳሌም አቅና፤ ወደ መቅደሶችም ተመልከት፤ በእስራኤልም ምድር ላይ ትንቢት ተናገር። 3ለእስራኤልም ምድር እንዲህ በል፦ እግዚአብሔር እንዲህ ይላል፦ እነሆ በአንቺ ላይ ነኝ፤ ሰይፌንም ከሰገባው እመዝዘዋለሁ፤ ጻድቁንና ኃጥኡን ከአንቺ ዘንድ አጠፋለሁ። 4እኔም ጻድቁንና ኃጥኡን ከአንቺ ዘንድ ስለማጠፋ፥ ስለዚህ ሰይፌ ከደቡብ ጀምሮ እስከ ሰሜን ድረስ በአለ በሥጋ ለባሽ ሁሉ ላይ ከሰገባው ይመዘዛል። 5ሥጋ ለባሹም ሁሉ እኔ እግዚአብሔር ሰይፌን ከሰገባው እንደ መዘዝሁ ያውቃል፤ እርሱም ደግሞ አይመለስም። 6ስለዚህ አንተ የሰው ልጅ ሆይ! ወገብህን በማጕበጥ አልቅስ፤ በፊታቸውም ምርር ብለህ አልቅስ። 7እነርሱም፦ ስለ ምን ታለቅሳለህ? ቢሉህ አንተ እንዲህ በላቸው፦ ስለሚመጣው ወሬ ነው፤ ልብም ሁሉ ይቀልጣል፤ እጆችም ሁሉ ይዝላሉ፤ ሥጋና መንፈስ ሁሉ ይደክማል፤ ከጕልበትም እዥ ይፈስሳል፤ እነሆ ይመጣል፤ ይፈጸማልም፥” ይላል ጌታ እግዚአብሔር።
8የእግዚአብሔርም ቃል ወደ እኔ እንዲህ ሲል መጣ፦ 9“የሰው ልጅ ሆይ! እግዚአብሔር እንዲህ ይላል ብለህ ትንቢት ተናገር፤ ሰይፍ ሰይፍ የተሳለች፥ የተሰነገለችም ሁኚ። 10ወግተሽ ትገድሊ ዘንድ፥ ታብረቀርቂም ዘንድ ተሳዪ፤ ትገድሊም ዘንድ፥ ዕንጨቱንም ሁሉ ትጥዪ ዘንድ ጨክኚ፤#ዕብ. “ይገድል ዘንድ ተስሎአል ፤ ያብረቀርቅም ዘንድ ተሰንግሎአል ፤ እኛስ ደስ ይለናል ፤ የልጄን በትር እንደ ዛፍ ሁሉ ንቆታል” ይላል። 11በእጁም ይይዛት ዘንድ ለአርበኛ ተሰጠች፤ ሰይፍ በገዳይ እጅ እንድትሰጥ ተሳለችና ተዘጋጀች። 12የሰው ልጅ ሆይ! በሕዝቤ ላይ ነውና፥ በእስራኤልም አለቆች ሁሉ ላይ ነውና ጩኽ፤ ዋይም በል፤ እነርሱ ከሕዝቤ ጋር ለሰይፍ ተሰጥተዋል፤ ስለዚህ እጅህን ጽፋ። 13እውነት ሆኖአልና፤ የራቁ ሕዝቤ ምን ሆኑ? የሉምና፥ ይላል ጌታ እግዚአብሔር። 14ስለዚህ አንተ የሰው ልጅ ሆይ! ትንቢት ተናገር፤ እጅህን በእጅህ ላይ አጨብጭብ፤ የተገደሉ ሰዎች ሰይፍ ሦስት ጊዜ ይደጋግም፤ ይኸውም የታላቅ ግድያ ሰይፍ ነው፤ ያስደነግጣቸዋልም።#“ያስደነግጣቸዋል” የሚለው በዕብ. የለም። 15ልባቸው እንዲቀልጥ፥ መሰናክላቸውም እንዲበዛ የሚገድለውን ሰይፍ በበሮቻቸው ሁሉ ላይ አድርጌአለሁ፤ ወዮ! ያብረቀርቅ ዘንድ ተሰንግሏል፤ ይገድልም ዘንድ ተስሏል። 16ፊትህ ወደ አቀናው ወደ ቀኝ ወይም ወደ ግራ ሂድ። 17እኔ ደግሞ እጄን በእጄ ላይ አጨበጭባለሁ፤ መዓቴንም እልካለሁ፤ እኔ እግዚአብሔር ተናግሬአለሁ።”
18የእግዚአብሔርም ቃል ወደ እኔ እንዲህ ሲል መጣ፦ 19“አንተም የሰው ልጅ ሆይ! የባቢሎን ንጉሥ ሰይፍ የምትገባባቸው ሁለት መንገዶችን አድርግ፤ ሁለቱም ከአንዲት ምድር ይውጡ፤ ምልክትንም አድርግ፤ በከተማዪቱ መንገድ ራስ ላይም አድርገው። 20ሰይፍ ወደ አሞን ልጆች ሀገር፥ ወደ ራባት፥ ወደ ይሁዳም፥ ወደ ኢየሩሳሌምም፥ በመካከልዋ ይገባ ዘንድ መንገድን አድርግ። 21የባቢሎን ንጉሥ ምዋርቱን ያምዋርት ዘንድ፥ በትሩን#ዕብ. “ፍላጾችን” ይላል። ያነሣ ዘንድ፥ ጣዖቱንም ይጠይቅ ዘንድ በሁለት መንገዶች ራስ ላይ ይቆማል። 22የቅጥሩን ማፍረሻ ያደርግ ዘንድ፥ አፍንም በጩኸት ይከፍት ዘንድ፥ በውካታም ድምፅን ከፍ ያደርግ ዘንድ፥ የቅጥሩን ማፍረሻ በበሮች ላይ ያደርግ ዘንድ፥ አፈርን ይደለድል ዘንድ፥ ምሽግም ይሠራ ዘንድ የኢየሩሳሌም ምዋርት በቀኝ እጁ ውስጥ ነበረ። 23እርሱ በፊታቸው ምዋርትን ያምዋርታል፤ ኀጢአታቸውንም ዐስቦ ሰባት ሱባዔ ይቈጥርባቸዋል።#“ሰባት ሱባዔ ይቈጥርባቸዋል” የሚለው በዕብ. እና በግሪክ የለም።
24“ስለዚህ ጌታ እግዚአብሔር እንዲህ ይላል፦ ኀጢአታችሁን ስለ ዐሰባችሁ፥ መተላለፋችሁም ስለ ተገለጠ፥ ኀጢአታችሁም በሥራችሁ ሁሉ ስለ ታየ፥ እናንተም ስለ ታሰባችሁ፥ በእርሱ ትያዛላችሁ። 25አንተም ቀንህና የኀጢአትህ ቀጠሮ ጊዜ የደረሰብህ፥ ርኩስ ኀጢአተኛ የእስራኤል አለቃ ሆይ! 26ጌታ እግዚአብሔር እንዲህ ይላል፦ መጠምጠሚያውን አውልቅ፤ ዘውዱንም አርቅ፤ ይህ እንዲህ አይሆንም፤ የተዋረደውን ከፍ አድርግ፤ ከፍ ያለውንም አዋርድ። 27ባድማ፥ ባድማ፥ ባድማ አደርጋታለሁ፤ ፍርድ ያለው እስኪመጣ ድረስ ይህች ደግሞ አትሆንም፤ ለእርሱም እሰጣታለሁ፤#ግእዝ “ጌጋየ ወአበሳ ወኀጢአተ እሬስዮ ላቲ” ይላል።
28“አንተም የሰው ልጅ ሆይ! ጌታ እግዚአብሔር ስለ አሞን ልጆችና ስለ ስድባቸው እንዲህ ይላል ብለህ ትንቢት ተናገር፤ ሰይፍ ሰይፍ ለመግደል ተመዝዞአል፤ ጨርሶም ያርድ ዘንድ ተሰንግሎአል በል። 29በተገደሉት ኀጢአተኞች አንገት ላይ ያኖሩህ ዘንድ ከንቱ ራእይን ሲያዩልህ፥ በሐሰት ምዋርትም ሲናገሩልህ፥ በኀጢአታቸው ቀጠሮ ጊዜ ቀናቸው ደረሰ። 30ወደ ሰገባውም መልሰው፤ በተፈጠርህባት ስፍራ አትደር፤ በተወለድህባትም ምድር እፈርድብሃለሁ። 31ቍጣዬንም አፈስስብሃለሁ፤ በመዓቴም እሳት አናፋብሃለሁ፤ ማጥፋትንም ለሚያውቁ ለጨካኞች ሰዎች እጅ አሳልፌ እሰጥሃለሁ። 32ለእሳት ማገዶ ትሆናለህ፤ ደምህም በምድር መካከል ይፈስሳል፤ ደግሞም አትታሰብም፤ እኔ እግዚአብሔር ተናግሬአለሁና።”#ምዕ. 21 ከቍ. 30 እስከ 32 አንዳንድ ዘርእ በአንስታይ አንቀጽ ያነብባል።
Currently Selected:
ትንቢተ ሕዝቅኤል 21: አማ2000
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
ትንቢተ ሕዝቅኤል 21
21
በባቢሎን የእግዚአብሔር ሰይፍ
1የእግዚአብሔርም ቃል ወደ እኔ እንዲህ ሲል መጣ፦ 2“የሰው ልጅ ሆይ! ስለዚህ ትንቢት ተናገር፤ ፊትህን ወደ ኢየሩሳሌም አቅና፤ ወደ መቅደሶችም ተመልከት፤ በእስራኤልም ምድር ላይ ትንቢት ተናገር። 3ለእስራኤልም ምድር እንዲህ በል፦ እግዚአብሔር እንዲህ ይላል፦ እነሆ በአንቺ ላይ ነኝ፤ ሰይፌንም ከሰገባው እመዝዘዋለሁ፤ ጻድቁንና ኃጥኡን ከአንቺ ዘንድ አጠፋለሁ። 4እኔም ጻድቁንና ኃጥኡን ከአንቺ ዘንድ ስለማጠፋ፥ ስለዚህ ሰይፌ ከደቡብ ጀምሮ እስከ ሰሜን ድረስ በአለ በሥጋ ለባሽ ሁሉ ላይ ከሰገባው ይመዘዛል። 5ሥጋ ለባሹም ሁሉ እኔ እግዚአብሔር ሰይፌን ከሰገባው እንደ መዘዝሁ ያውቃል፤ እርሱም ደግሞ አይመለስም። 6ስለዚህ አንተ የሰው ልጅ ሆይ! ወገብህን በማጕበጥ አልቅስ፤ በፊታቸውም ምርር ብለህ አልቅስ። 7እነርሱም፦ ስለ ምን ታለቅሳለህ? ቢሉህ አንተ እንዲህ በላቸው፦ ስለሚመጣው ወሬ ነው፤ ልብም ሁሉ ይቀልጣል፤ እጆችም ሁሉ ይዝላሉ፤ ሥጋና መንፈስ ሁሉ ይደክማል፤ ከጕልበትም እዥ ይፈስሳል፤ እነሆ ይመጣል፤ ይፈጸማልም፥” ይላል ጌታ እግዚአብሔር።
8የእግዚአብሔርም ቃል ወደ እኔ እንዲህ ሲል መጣ፦ 9“የሰው ልጅ ሆይ! እግዚአብሔር እንዲህ ይላል ብለህ ትንቢት ተናገር፤ ሰይፍ ሰይፍ የተሳለች፥ የተሰነገለችም ሁኚ። 10ወግተሽ ትገድሊ ዘንድ፥ ታብረቀርቂም ዘንድ ተሳዪ፤ ትገድሊም ዘንድ፥ ዕንጨቱንም ሁሉ ትጥዪ ዘንድ ጨክኚ፤#ዕብ. “ይገድል ዘንድ ተስሎአል ፤ ያብረቀርቅም ዘንድ ተሰንግሎአል ፤ እኛስ ደስ ይለናል ፤ የልጄን በትር እንደ ዛፍ ሁሉ ንቆታል” ይላል። 11በእጁም ይይዛት ዘንድ ለአርበኛ ተሰጠች፤ ሰይፍ በገዳይ እጅ እንድትሰጥ ተሳለችና ተዘጋጀች። 12የሰው ልጅ ሆይ! በሕዝቤ ላይ ነውና፥ በእስራኤልም አለቆች ሁሉ ላይ ነውና ጩኽ፤ ዋይም በል፤ እነርሱ ከሕዝቤ ጋር ለሰይፍ ተሰጥተዋል፤ ስለዚህ እጅህን ጽፋ። 13እውነት ሆኖአልና፤ የራቁ ሕዝቤ ምን ሆኑ? የሉምና፥ ይላል ጌታ እግዚአብሔር። 14ስለዚህ አንተ የሰው ልጅ ሆይ! ትንቢት ተናገር፤ እጅህን በእጅህ ላይ አጨብጭብ፤ የተገደሉ ሰዎች ሰይፍ ሦስት ጊዜ ይደጋግም፤ ይኸውም የታላቅ ግድያ ሰይፍ ነው፤ ያስደነግጣቸዋልም።#“ያስደነግጣቸዋል” የሚለው በዕብ. የለም። 15ልባቸው እንዲቀልጥ፥ መሰናክላቸውም እንዲበዛ የሚገድለውን ሰይፍ በበሮቻቸው ሁሉ ላይ አድርጌአለሁ፤ ወዮ! ያብረቀርቅ ዘንድ ተሰንግሏል፤ ይገድልም ዘንድ ተስሏል። 16ፊትህ ወደ አቀናው ወደ ቀኝ ወይም ወደ ግራ ሂድ። 17እኔ ደግሞ እጄን በእጄ ላይ አጨበጭባለሁ፤ መዓቴንም እልካለሁ፤ እኔ እግዚአብሔር ተናግሬአለሁ።”
18የእግዚአብሔርም ቃል ወደ እኔ እንዲህ ሲል መጣ፦ 19“አንተም የሰው ልጅ ሆይ! የባቢሎን ንጉሥ ሰይፍ የምትገባባቸው ሁለት መንገዶችን አድርግ፤ ሁለቱም ከአንዲት ምድር ይውጡ፤ ምልክትንም አድርግ፤ በከተማዪቱ መንገድ ራስ ላይም አድርገው። 20ሰይፍ ወደ አሞን ልጆች ሀገር፥ ወደ ራባት፥ ወደ ይሁዳም፥ ወደ ኢየሩሳሌምም፥ በመካከልዋ ይገባ ዘንድ መንገድን አድርግ። 21የባቢሎን ንጉሥ ምዋርቱን ያምዋርት ዘንድ፥ በትሩን#ዕብ. “ፍላጾችን” ይላል። ያነሣ ዘንድ፥ ጣዖቱንም ይጠይቅ ዘንድ በሁለት መንገዶች ራስ ላይ ይቆማል። 22የቅጥሩን ማፍረሻ ያደርግ ዘንድ፥ አፍንም በጩኸት ይከፍት ዘንድ፥ በውካታም ድምፅን ከፍ ያደርግ ዘንድ፥ የቅጥሩን ማፍረሻ በበሮች ላይ ያደርግ ዘንድ፥ አፈርን ይደለድል ዘንድ፥ ምሽግም ይሠራ ዘንድ የኢየሩሳሌም ምዋርት በቀኝ እጁ ውስጥ ነበረ። 23እርሱ በፊታቸው ምዋርትን ያምዋርታል፤ ኀጢአታቸውንም ዐስቦ ሰባት ሱባዔ ይቈጥርባቸዋል።#“ሰባት ሱባዔ ይቈጥርባቸዋል” የሚለው በዕብ. እና በግሪክ የለም።
24“ስለዚህ ጌታ እግዚአብሔር እንዲህ ይላል፦ ኀጢአታችሁን ስለ ዐሰባችሁ፥ መተላለፋችሁም ስለ ተገለጠ፥ ኀጢአታችሁም በሥራችሁ ሁሉ ስለ ታየ፥ እናንተም ስለ ታሰባችሁ፥ በእርሱ ትያዛላችሁ። 25አንተም ቀንህና የኀጢአትህ ቀጠሮ ጊዜ የደረሰብህ፥ ርኩስ ኀጢአተኛ የእስራኤል አለቃ ሆይ! 26ጌታ እግዚአብሔር እንዲህ ይላል፦ መጠምጠሚያውን አውልቅ፤ ዘውዱንም አርቅ፤ ይህ እንዲህ አይሆንም፤ የተዋረደውን ከፍ አድርግ፤ ከፍ ያለውንም አዋርድ። 27ባድማ፥ ባድማ፥ ባድማ አደርጋታለሁ፤ ፍርድ ያለው እስኪመጣ ድረስ ይህች ደግሞ አትሆንም፤ ለእርሱም እሰጣታለሁ፤#ግእዝ “ጌጋየ ወአበሳ ወኀጢአተ እሬስዮ ላቲ” ይላል።
28“አንተም የሰው ልጅ ሆይ! ጌታ እግዚአብሔር ስለ አሞን ልጆችና ስለ ስድባቸው እንዲህ ይላል ብለህ ትንቢት ተናገር፤ ሰይፍ ሰይፍ ለመግደል ተመዝዞአል፤ ጨርሶም ያርድ ዘንድ ተሰንግሎአል በል። 29በተገደሉት ኀጢአተኞች አንገት ላይ ያኖሩህ ዘንድ ከንቱ ራእይን ሲያዩልህ፥ በሐሰት ምዋርትም ሲናገሩልህ፥ በኀጢአታቸው ቀጠሮ ጊዜ ቀናቸው ደረሰ። 30ወደ ሰገባውም መልሰው፤ በተፈጠርህባት ስፍራ አትደር፤ በተወለድህባትም ምድር እፈርድብሃለሁ። 31ቍጣዬንም አፈስስብሃለሁ፤ በመዓቴም እሳት አናፋብሃለሁ፤ ማጥፋትንም ለሚያውቁ ለጨካኞች ሰዎች እጅ አሳልፌ እሰጥሃለሁ። 32ለእሳት ማገዶ ትሆናለህ፤ ደምህም በምድር መካከል ይፈስሳል፤ ደግሞም አትታሰብም፤ እኔ እግዚአብሔር ተናግሬአለሁና።”#ምዕ. 21 ከቍ. 30 እስከ 32 አንዳንድ ዘርእ በአንስታይ አንቀጽ ያነብባል።
