መጽሐፈ ሲራክ 51

የሲራክ ልጅ የኢያሱ ጸሎት

1አቤቱ ንጉሥ ሆይ! እገዛልሃለሁ፤

አቤቱ! አምላኬና መድኀኒቴ አመሰግንሃለሁ፤ በስምህም እታመናለሁ፤

2ረድተኸኛልና፥ ሰውረኸኝማልና፥

ሰውነቴንም ከሞት አድነኸዋልና፥ ከአንደበት የነገር ሥራ ወጥመድም አድነኸኛልና፥

ሐሰትንም ከሚሠሩአት ከብዙ ሰዎች ምላስ አድነኸኛልና፥

በጠላትነትም ከተነሡብኝ ሰዎች ፊት የምትረዳኝና የምትሰውረኝ ሆነሃልና።

3እንደ ቸርነትህ ብዛት መጠን፥ ስለ ስምህም አዳንኸኝ፥

ይበሉ ዘንድ ያዘጋጁትን እንደሚያመሰኩ እንደዚሁ ባገኘችኝ በመከራዬ ብዛት ሰውነቴን ፈለጓት።#ምዕ. 51 ቍ. 3 ላይ ግሪክ ሰባ. ሊ. “ሊበሉኝ ተዘጋጅተው ከነበሩ ጥርሶችም እንደ ምሕረትህ ብዛት መጠን ስለ ስምህ አዳንኸኝ ፤ ሕይወቴንም ከሚፈልጓት ሰዎች እጅና ከአገኘኝ ብዙ መከራ አወጣኸኝ” ይላል።

4ቋያ እንደ ከበበው፥

በእሳት መካከልም እንደማይቃጠል፥#ምዕ. 51 ቍ. 4 ላይ ግሪክ ሰባ. ሊ. “በሁሉም በኩል ከከበበኝ የእሳት ወጥመድ እኔም ካላቀጣጠልሁት እሳት መካከል” ይላል።

5ከታችም ከመቃብር ሆድ፥

ከረከሰ አንደበትም፥ ከሐሰት ቃልም፥ አዳንኸኝ፤

6ወደ ንጉሥ በሚያጣላ ዐመፀኛ አንደበት፥ ሰውነቴ ወደ ሞት ደረሰች፤

ሕይወቴም ለመቃብር ደረሰች።

7በዙሪያዬም ከበቡኝ፤ የሚረዳኝም አጣሁ፤

የሚያድነኝ ሰው እንዳለ ብዬ ተመለከትሁ፥ ግን ማንም አልነበረም።

8አቤቱ ይቅርታህን ዐሰብሁ፥

ዓለም ከተፈጠረ ጀምሮ የነበረ ሥራህን ዐሰብሁ፤

አንተን ተስፋ የሚያደርጉ ሰዎች፥

ከጠላታቸውም የምታድናቸው ብፁዓን ናቸውና።

9ልመናዬንም ከምድር ወደ ላይ ከፍ ከፍ አደረግሁ፤

ከሞትም እድን ዘንድ ጸለይሁ።

10አባቴና ጌታዬ እግዚአብሔርንም፥#ግሪክ ሰባ. ሊ. “የጌታዬን አባት እግዚአብሔርን” ይላል።

ረዳት በሌለበት፥ ትዕቢተኞች በተነሡበት ወራት

በመከራዬ ጊዜ አትለየኝ አልሁት።

11ስምህንም ለዘለዓለም አመሰግናለሁ፤

እገዛልሃለሁ፤ ምስጋናህንም እናገራለሁ፤ ልመናዬንም ሰማኸኝ።

12ከሞትም አዳንኸኝ፤ መከራ ከሚመጣበት ቀንም አዳንኸኝ፥

ስለዚህ ነገር እገዛልሃለሁ፥ አመሰግንሃለሁም።

አቤቱ ስምህንም አመሰግናለሁ።

13እኔ ሕፃን ሳለሁ ሳልሳሳት ጥበብን መረመርኋት፤

በጸሎቴም መረጥኋት።

14በቤተ መቅደስም ስለ እርስዋ ለመንሁ፤

ለዘለዓለምም እመረምራታለሁ።

15ፍሬዋም እንደ ተክል ፍሬ በዛ፤

ልቡናዬም በእርስዋ ደስ አለው፤

እግሬም በእውነት ቆመች፤

ከሕፃንነቴም ጀምሬ ፍለጋዋን ተከተልሁ።

16በጆሮዬም ፈጽሜ አደመጥኋት፤ መረጥኋትም፤

እኔም ብዙ ጥበብን አገኘሁ።

17በእርሷም ከፍ ከፍ አልሁ፤

ጥበብን የሰጠኝን እግዚአብሔርንም አመሰግነዋለሁ።

18አደርጋትም ዘንድ ዐሰብሁ፤

ለበጎ ነገርም ቀናሁ፤ አላፍርምም።

19ሰውነቴም በእርሷ ተበረታታች፤

በሥራዬም ተራቀቅሁ፤ እጆችንም ወደ ላይ አነሣሁ፤

ለድንቁርናዬም አለቀስሁላት።

20ሰውነቴንም ወደ እርሷ አቀናሁ፤ በንጽሕናም አገኘኋት፤

ልቡናዬንም ከመጀመሪያ ጀምሮ ከእርስዋ ጋራ አጸናሁ፤

ስለዚህም እግዚአብሔር አልጣለኝም።

21ሰውነቴም ለእርስዋ ታወከች፤ መረመረቻትም፤

ስለዚህም መልካም ሀብትን ገንዘብ አደረግሁ።

22እግዚአብሔርም አንደበትን ዋጋ አድርጎ ሰጠኝ፤

በእርስዋም አመሰግነዋለሁ።

23እናንት አላዋቂዎች፥ ወደ እኔ ቅረቡ፤

በጥበብ ቤትም ትኖራላችሁ።

24እንዴት አጣችኋት? እስኪ ንገሩኝ!

ሰውነታችሁስ ፈጽማ እንደ ምን ተጠማች?

25አፌን ከፍቼ፥ “ያለ ዋጋ ገንዘብ አድርጓት” ብዬ ተናገርሁ።

26አንገታችሁን ዝቅ አድርጉ፤ ቀንበሯንም ተሸከሙ፤

ሰውነታችሁም ጥበብን ትቀበል፤

እርስዋን ማግኘት ቅርብ ነውና።

27እነሆ፥ ጥቂት ደክሜ በእርሷ ብዙ ዕረፍትን እንዳገኘሁ፥

በዐይናችሁ ተመልከቱ።

28 # ግሪክ ሰባ. ሊ. “በብዙ ብር ትምህርትን አግኙ ፤ በእርስዋም ብዙ ወርቅ ታገኛላችሁ” ይላል። ከብዙ ብር ይልቅ ጥበብን ምረጧት፤

ቍጥር ከሌለው ከወርቅም ይልቅ ገንዘብ አድርጓት።

29ሰውነታችሁም በቸርነቱ ደስ ይበላት፤

እርሱንም ማመስገንን አትፈሩ።

30በጊዜው ዋጋችሁን ይሰጣችሁ ዘንድ፥

ጊዜው ሳይደርስ ሥራችሁን ሥሩ።

የሲራክ ጥበብ ተፈጸመ።

Currently Selected:

መጽሐፈ ሲራክ 51: አማ2000

ማድመቅ

ያጋሩ

ኮፒ

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ስለ የአማርኛ መጽሐፍ ቅዱስ (ሰማንያ አሃዱ) ተጨማሪ ይወቁ

መጽሐፈ ሲራክ 51

ከ
{{ምዕራፍ}}
ታዋቂ የመጽሐፍ ቅዱስ ጥቅሶች

መጽሐፍ ቅዱስ:

አማርኛ

ሥሪት: የአማርኛ መጽሐፍ ቅዱስ (ሰማንያ አሃዱ) - አማ2000