Aposkạmi 23
23
1Pạul do maraṅ bạisiren hoṛko secʼ beṅgetʼkateye menkeda, “E ińren boehako, iń do teheń hạbicʼ bhage hudiste Isor samaṅre ińakʼ dạyikiń manao ạguakada.” 2Noa katha ańjomkate maraṅ naeke Ananiạs do sorre teṅgo akanko mocare thapaye lạgitʼe hukumatʼkoa. 3#Mat 23.27,28 Unre Pạul do Ananiạse metadea, “E phạsiạra, Isor hõ ame thapamea. Ạn lekate ińakʼ bicạr lạgitʼ am do onḍem duṛupʼ akana, menkhan daleń reakʼem hukumetʼte amge coṅ ạn mam rạputʼetʼkan.”
4Pạul ṭhen teṅgo akanko doko menkeda, “Am do Isorren maraṅ naekeyem bemanot edekana?”
5 #
Exo 22.28
Unre Pạule menkeda, “E boehako, bạń baḍaekan tahẽkana uni doe maraṅ naekekana. Ariń baḍae lekhan ona katha do bạń menkea, ente sonot sostorre ol menakʼa, ‘am jạtren mukhiyạ reaṅ bạṛicʼ do alom roṛa.’ ”
6 #
Apos 26.5; Php 3.5 Ona bạisiren mitʼ dol do Sạdukiko ar eṭakʼ dol do Phạrusi menakʼkoa menteye baḍaeketʼ khan Pạul do maraṅ bạisi talare ãṭ aṛaṅteye menkeda, “E boehako, iń do mitʼṭen Phạrusi hoṛ kạnạń ar Phạrusikoren hoponge. Ińakʼ bicạr do hoyokʼ kana, ente ińiń pạtiạukʼ kana, gocʼko do arhõko jiwetʼ beredokʼa.” 7Uniyakʼ noa katha iạte Phạrusi ar Sạdukiko talare jhogṛa ehopʼena. Onate maraṅ bạisiren hoṛ doko hạṭińena, 8#Mat 22.23; Mrk 12.18; Luk 20.27 ente Sạdukikoko mena, “Gocʼko do ar bako jiwetʼ beredokʼa.” Ona chaḍa arhõko mena, serma goḍetko hõ bạnukʼkoa, jãhãn jiuko hõ bạnukʼkoa; menkhan Phạrusiko do noa sanamakʼgeko pạtiạuakʼa.
9Unre maraṅ gulmal hoyena ar Phạrusi dolren adom sostor baḍaeko doko teṅgoyente ạḍiko rapṭa rạpṭiyena. Onkoko menkeda, “Ale do nui hoṛakʼ jãhãn dosge bale ńametʼtaea. Hoedaṛeakʼa jãhãn jiu se sermaren goḍet do uni sãoteye galmarao akada.”
10Ona jhogṛa do nonka sạrdi idiyena je, maraṅ subedar doe botorena ente onko do Pạulko or cirạ botejea. Uni do palṭonkoe hukumatʼkoa jemon senkate hoṛkoakʼ ti khon Pạulko chingạu ạguiyete palṭon gaṛteko idiye.
11Dosar hilokʼ ńindạ Probhu Isor do Pạul ṭhen teṅgoyenteye metadea, “Dil joṅme, Jerusalemre cetʼleka iń reaṅ goham emakatʼ onkage Romre hõ ińakʼ goha emokʼ hoyokʼtama.”
Pạul goje reakʼko soṛojontroyetʼ
12Ado dosar hilokʼ setakʼ bela Jihudiko do mitʼṭecʼko soṛojontrokeda ar Pạul ạuriko goje hạbicʼ cetʼge bako jom ńũiya menteko kiriạyena. 13Onko do pongel khon hõ bạ̃ṛti hoṛko tahẽkana. 14Onko do maraṅ naekeko ar Jihudiren murubbiko ṭhen senkateko menkeda, “Pạul ạurile goje hạbicʼ cetʼge bale joma mentele kiriyạ akana. 15Ńitokʼ ape ar maraṅ bạisiren hoṛko noa babotre arhõ mońj okocʼte tojbija mente ape samaṅre Pạul ạguiye lạgitʼ maraṅ subedar ṭhen khobor kolpe. Ar nonḍe ạuriye seṭerokʼrege uni goje lạgitʼ sapṛao akanle tahena.”
16Menkhan Pạul miseratren hopontetʼ do noa soṛojontro reakʼ katha ańjomkate palṭonkoakʼ gaṛteye calaoena ar ona katha Pạule baḍae ocokedea. 17Unre Pạul do mitʼṭen subedar hohowadeteye metadea, “Nui koṛa do maraṅ subedar ṭhen idiyem. Uni ṭhen thoṛa katha roroṛteakʼ menakʼtaea.”
18Unre subedar do uni koṛa maraṅ subedar ṭhene idikedea are metadea, “Pạul ińe hohowạdińte nui koṛa am ṭhen ạguiye reakʼe metadińạ, ente uni do am ṭhen thoṛa roroṛteakʼ menakʼtaea.” 19Maraṅ subedar do tire sapʼkate mitʼ secʼe idikedeteye metadea, “Cetʼ mitạńem meneda?”
20Uni koṛa doe menkeda, “Jihudikoko goṭa akada, Pạul reaṅ mońj okocʼte tojbij lạgitʼ gapa arhõ maraṅ bạisite idiye lạgitʼko nehõrama. 21Am do onkoakʼ katha alom senakʼa, ente pongel khon hõ bạ̃ṛti hoṛ do Pạul lạgitʼ tãṛãkʼ akan menakʼkoa. Noko hoṛ do Pạul ạuriko goje hạbicʼ cetʼge bako jom ńũiya menteko kiriạ akana. Arko sapṛao akana ar am ṭhen khon kathako ńel hohorkana.”
22Maraṅ subedar do uni koṛa noa menkateye bidạkadea, “Am do noa katha ińem baḍae ocoakadiń ona do okoe ṭhen hõ alom lạiya.”
Pạul Kạsạriạteye kol ocokʼkan
23Maraṅ subeder do acʼren barea subedar hohowatʼkinteye metatʼkinạ, “Bar sae palṭon, eaegel aswariko ar barsae borlom palṭonko teheń ńindạ are baja okte Kạisạriạte calakʼ lạgitʼ ben sapṛao dohokoa. 24Ar Pạul hõ sadom ben bebostaea jemon napaete disạm cakʼlaoyicʼ Pheliks ṭhenpe idi seṭer daṛeae.”
25Maraṅ subedar do noa ciṭhiye olkeda:
26“Iń do Klạudius Lusius, maraṅ disạm cakʼlaoyicʼ Pheliks ṭhen noa ciṭhiń oletʼkana. Ińakʼ johar ataṅtińme.
27“Jihudiko do nui hoṛ sapʼkateko gojekan tahẽkana, menkhan iń do ińren palṭonko idikate uniyiń bańcao ạgukedea, enteń baḍaekeda uni do mitʼṭen Romi hoṛ kanae. 28Ar baḍae sanakedińa cedakʼko dusiyede kana mente. Onate uni do onkoakʼ maraṅ bạisireń idikedea. 29Ariń baḍaekeda, onkoakʼ dhorom reakʼ ạn-ạriko babotre uniko dusikedea, menkhan gocʼ ocokʼ se hajotre bhorao ocokʼ leka jãhãn dos do bạnukʼtaea. 30Ar uni upạrte soṛojontro reakʼ kathań baḍaeketʼ khan iń do am ṭheniń kolkedea. Ar okoe uniko dusiyedekan onko hõń hukumatʼkoa jemon nuiakʼ dos reaṅko lạiyam.”
31Unre maraṅ subedarakʼ hukum leka Pạul do ńindạge ako sãote Antipatris nagraha hạbicʼko idikedea. 32Ar dosar hilokʼ onko do aswariko sãote Pạulko kolkedete palṭon gaṛteko ruạṛ calaoena. 33Ar aswariko do Kạisạriạreko seṭeren khan ciṭhi do disạm cakʼlaoyicʼko emadea ar Pạul hõ uniyakʼ tireko jimạkadea. 34Disạm cakʼlaoyicʼ do ciṭhiye paṛhaoketʼ khan Pạul oka jaegaren hoṛ kanae menteye kulikedea. Ar Pạul do Kilikiạ disạmren hoṛ kanae menteye baḍaeketʼ khan uni doe menkeda, 35“Okoe hoṛko amko dusiakatʼme onko nonḍeko hecʼlen tayom iń do amakʼ kathań ańjoma.” Tayomte uni do Herod rajakʼ hajotre Pạul horhoye lạgitʼe hukumatʼkoa.
Currently Selected:
Aposkạmi 23: SBT
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Santali Bible © Bangladesh Bible Society, 2021.