Eksodus Ondjiukisiro
Ondjiukisiro
Ena ndi Eksodus ri heya kutja omatjindiro. Oro ri serekarera omatjindiro wozondekurona za Jakob mOengipte, mu vari otja ovakarere, kehi yomananeno wa Moses na Aron.
Embo ndi rina otupa tune: (1) Orupa orutenga ohunga nonguturiro yOvaisrael koukarere. (2) Orupa orutjavari ohunga nouyenda kondundu Sinai. (3) Orupa orutjatatu ohunga nomerikutiropamwe wa Muhona kuna otjiwaṋa tja Israel kondundu Sinai. Nu pondundu ndji opa yandjera omatwako we omurongo. (4) Orupa orutjaine ohunga nerakiza nda yandja okuzikamisa nokutunga poṋa pomerikotameneno wOvaisrael novapristeri, okutja oyondji Ondanda yOmahakaeneno.
Kombanda yaavihe, embo ndi ri handjaura imbi Muhona mbya tjita, otja tjaa kutura Ovaisrael koukarere wOvaengipte nomuano mbwe ve mema okurira otjiwaṋa tje nomaundjiro woruyaveze. Omundu ohongora membo ndi o Moses, ngwari omurumendu Muhona ngwa toorora okunana otjiwaṋa tje okuza mOengipte. Norupa orutjiukwa membo ndi Omatwako Omurongo (20:1-17).
Omakutiro womambo
Ovaisrael mave kuturwa koukarere mOengipte (1:1—15:21)
a. Oukarere mOengipte (1:1-22)
b. Ongwatero ya Moses (2:1—4:31)
c. Omairo wa Moses na Aron ku Farao (5:1—11:10)
d. Opaska nomatjindiro (12:1—15:21)
Okuza pOmuronga wOtuu nga pondundu Sinai (15:22—18:27)
Omatwako Omurongo nomerikutiropamwe (19:1—24:18)
Ondanda yOmahakaeneno nomerikotameno (25:1—40:38)
Currently Selected:
Eksodus Ondjiukisiro: HRR-UNI
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Herero Revision Bible © Bible Society in Namibia, 2021.