Genesis 10
10
Ozondekurona zovazandu va Noa
(1Eku 1:5-23)
1Inḓa ozo ozondekurona zovazandu va Noa: OoSem na Ham na Jafet, mba kwata ovazandu kombunda yomupupo.
2Ovazandu va Jafet va ri ooGomer na Magog na Madai na Jawan na Tubal na Mesek na Tiras. 3Ovazandu va Gomer va ri ooAskenas na Rifat na Togarma. 4Ovazandu va Jawan va ri ooElisa na Tarsis, nozondekurona ze za ri Ovakiti nOvarodani. 5Owo va ri ooihe mukururume vovandu mbe tura momukuro na momakoverwa wokuvare; imba va ri ozondekurona za Jafet, nu va ri omihoko pekepeke momahi, otjimbumba atjihe aatji hungire eraka ratjo otjini.
6Ovazandu va Ham va ri ooKus na Engipte na Libya na Kanaan. 7Novazandu va Kus va ri ooSeba na Hawila na Sabta na Rama na Sabteka. Novazandu va Ragma va ri ooSeba na Dedan. 8Kus wa ri ihe ya Nimrod, ngwa ri omurumendu omutenga omunauvara. 9Eye wina wa ri omuyeve omunene komurungu wa Muhona. Ovandu opuyave zu okutja: “Omuyeve omunene komurungu wa Muhona tjimuna Nimrod.” 10Ovihuro ovitenga vyouhona we vya ri ovihuro oObabilon na Erea Akad na Kalne mehi ra Sinar. 11Okuza mehi ndi wa tjindira kOasirie, na katunga ooNinive na Rehobot-Ir na Kala, 12na Resen otjihuro otjinene tji tji ri pokati kooNinive na Kala.
13Nu Engipte wa ri ihe yOvaludi nOvaanami nOvalehabi nOvanaftuhi, 14nOvapatrosi nOvakasluhi, nOvakaftori mu mwa za Ovafilisti.
15Nu Kanaan wa ri ihe ya Sidon everi re, na Het, owo vari oihe mukururume wovandu mba mbari nomana wawo. 16Ovajebusi nOvaamori nOvagirgasi, 17nOvahevi nOvaarki nOvasini, 18nOvaarwadi nOvasemari nOvahamati. Nu tjazumba omihoko vyOvakanaan otji vya rimbara mehi. 19Nomuruko wa Kanaan wa uta okuza kOsidon, omuhunga wa Gerar, nga kOgasa, omuhunga Sodom na Gomora na Adma na Seboim nga kOlesa, 20Inḓa ozo ozondekurona za Ham otja komihoko vyazo nomaraka wazo nomahi wazo noviwaṋa vyazo.
21Nu wina Sem, ihe mukururume wozondekurona zovandu avehe va Heber, erumbi ra Jafet, wa kwata ovazandu. 22Ovazandu va Sem va ri ooElam na Asur na Arpaksad na Lud na Aram. 23Ovazandu va Aram va ri Us na Hul na Geter na Mesek. 24Nu Arpaksad wa ri ihe ya Selak, nu Selak wa ri ihe ya Eber. 25Nu Eber wa kwata ovazandu vevari, umwe wa rukirwe Peleg; orondu momayuva we ovature vehi otji va haṋika mouye, nomuangu we wa rukirwe Joktan. 26Ozondekurona za Joktan za ri: OoAlmodad na Selef na Hasarmawet na Jerak, 27na Hadoram na Usal na Dikla, 28na Obal na Abimael na Seba, 29na Ofir na Hawila na Jobab. Avehe mba va ri ovazandu va Joktan. 30Nomaturiro wawo ya ri okuza kOmesa nga kOsefa, kondundu yokomuhuka. 31Imba owo ovazandu va Sem otja kozonganda zawo nomaraka wawo, nomahi wawo nomihoko vyawo.
32Imbi ombi ri omihoko vyovazandu va Noa otja kozondekurona zawo noviwaṋa vyawo. Nu mu vyo omu mwa haṋika oviwaṋa avihe kombanda yehi, kombunda yomupupo.
Currently Selected:
Genesis 10: HRR-UNI
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Herero Revision Bible © Bible Society in Namibia, 2021.