Hogusra 6
6
1Egi wauinena, jaja wankshigra ma hihagregi worohaxji harena, egi hinug‐wahirera wawagarni hirena,
2Maura hinigwahira wankshig‐nanka hinug‐wahirera wajairena hajara phinera, egi wakhanag hirena harnaj wauinena hisha giphinega.
3Egi Jehowa wena: Naxirag harnira inke manegus wankshig‐nagre wawiunja uxjinikjanena, wankshigra ro waunanke esge, nunige hamb warninera ma hogihishanaga kerepananup‐hashanaha wankshig‐inekjanena.
4Hambananka eja wankshig‐xete manegi nankshana, hijairaxji jaja Maura hinigwahira wankshig‐nanka hinugwahirera wakhanag‐hiregi egi ninkjang wagarninena, ninkjang she‐e rokana jijerena e s’ii waish’ag hirena.
5Egi Maura hajarna manegi wankshigra howowongra rokananagra egi harnaj wowewi warninera egi warogu warninera harnaj najgeja howaji hoishib washoshishigrashana hererena.
6Egi Jehowa hikibarna wankshig ma hihagregi unra, egi najgerategshana.
7Egi Jehowa wena: Wankshigra waura maisinsh wahakje ma hihagreginagra, wankshigra egi wanoijgera egi washa kikurutira egi ahuirassa wangregi herera, hiakibarna wawau harnihera.
8Egi Noah najojaine hikiena jehowa jowehieja.
9De‐e Noah hokijhu harnira herena: Noah wang phisha herena egi Mau nakewesha wankshighoi eja, egi Noah Maura hakishu maniankshana.
10Egi Noah dani hinig‐hina, Shem egi Ham egi Japhet.
11Egi mara hishge shishigshana Maura jowehieja, egi mara wigishanara hoixjina.
12Egi Maura mara horuxujshana egi horuxujre, shishigshana, rora harnaj woshgara shishig hirege ma hihagregi.
13Egi Maura Noah wagena: Rora harnaj hosheja harninera joweharegi jina, mara wigishanara hoixji hirena, egi horuxujre maisinsh wahakjanena mara wakishu.
14Wajra hisha kik’une na shokawa jhu hiuanje, hakohihi hiaje waj‐eja, egi rogra egi jangra shokawa hoixiriaje.
15Egi deshesge rakjena: Waj‐anka hoserejra nab‐horushaj nubra hogihi‐dani kjena egi harujera nab‐horushaj nubra kerepana‐saja kjena, egi hohankshira nab‐horushaj nubra kerepana‐dani kjena.
16Wajra hirohamb jhu‐rakjena egi nab‐horushaj nubra hishankira wangeja gihas rakjena. Egi waj‐eja jhirobra ruhieja rakerekjena, egi hakohi mainja herejhu‐rarnaga egi hakohi wangeja hinup jhuanaga egi wangeja hakohi hidaui jhu‐rakjena.
17Egi horuxujre, ne nexji managre hihagra ninja hakjanena, rora harnaj jarnaga niamb‐ankhi maxi‐khuhanegi nagre, maisinsh hirekjege, egi jarnaga washara harnaj ma hihagregi nagre d’airekjanena.
18Eshi ne rohira horeishankira ninkhinkjanena, egi waj‐eja horakewekjanena ne‐nineanaga egi hinig‐waraga hijawinaga egi hinig‐waraga hijawi‐wahirera wakishu.
19Egi washa niambra rora harnaj, howajehira harnaj nupshana waj‐eja woshuaje, niamb wakishu uanje, wang hiranaga egi hinug.
20Ahuirassa howajehira, egi jera howajehira, egi washa kikuruti manegi herera howajehira, howajehira harnaj nupshana hiranijirekjena, niamb warnianje.
21Egi warujra jarnaga ruj‐hirekjera harningiaje egi sto warujgusaje, egi raijera egi ruj‐hirekjera.
22Noah shesgehina, Maura jasge hishira shesgehina.
Currently Selected:
Hogusra 6: WIN
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Published by the American Bible Society in 1907.