Zwz Nduq 3
3
Mbaednduq Dij Goanz Hoak Loang Dij Sen
1Do'bo dij Sen Yez'hoahhuah chauq naeh, zawh do nguz gaengnaeh goix nyeuz daengzle. Dix daj goanz nyingz naeh hax: "Yuq ndaw oax sown Yizdenh inxnaeh, dij Sen go'maeg rawz goj mboq hawj su jin zaeh ix?" 2Goanz nyingz daj dix hax: "Maeg inxnaeh gaenqpiu go rawz goj hawj jin. 3Mizgaj go'maeg gaengnaeh mboq hawj jin. Dij Sen haeuz hoakzaqnaeh hax yaq: ‘Mboq hawj gaenqsu jin, mboq hawj gaenqsu lumh, yaj gaenqsu tai.’" 4Do nguz naeh daj puj nyingz hax: "Gaenq su jin, toj mboq rux tai gah. 5Dij Sen ruxndeq su jin go'maeg gaengnaeh, zaw su zoq aj, gaenqsu zoq daj dij Sen dungzlumj, ruxndeq hoak sowh rawz zawh sowh ndae, hoak sowh rawz zawh sowh ndog." 6Yaq puj nyingz leztaen go'maeg gaengnaeh, ndaw zaw nwh, maeg dix lez yawz, ingj jinvan, yaq ingj naengz rux hawj dij goanz byenq gvai. Dix ceu jin taeuq, zoq mbit maeg daeuj jin. Dix aeu hawj goanz po daj dix zaemh yuq naeh jin ndoij, po dix goj jin. 7Doiqdix jin maeg yaq, zaw paenqdix zoq aj, zoq ruxndeq hoakri ndangndiang. Paenqdix zoq aeu mbaw maeg'vowh maz yaz ndang.
8Taeng sowh gau miz laemz naeh, goanz gaengnaeh daj mijmez dix ruxnyinz hiang dij Sen Yez'hoahhuah yuq ndaw oax sown Yizdenh daeq. Doiqdix zoq gowx bae ndaw dowgmaex, mboq zawx taen naj dij Sen Yez'hoahhuah. 9Dij Sen Yez'hoahhuah zoq rongx Yaqdangz, daj dix hax: "Mawz yuq rawz?" 10Gaenqdix hoiz: "Gux yuq oax sown Yizdenh ruxnyinz hiang mawz, gaenqgux ndangndiang, gux mbu taeuq, gux zoq gowx mawz." 11Dij Sen Yez'hoahhuah hax: "Gawz haxdoq mawz mawz zawh ndangndiang ah? Zawh mboq zawh mawz jin go maeg gux saengq mawz mboq jinx jin naeh?" 12Yaqdangz hax: "Goanz nyingz mawz aeu hawj gux, hawj daj gux zaemh yuq naeh, dix aeu maeg go gaengnaeh hawj gux jin, gux zoq jin." 13Dij Sen Yez'hoahhuah daj goanz nyingz hax: "Mawz hoak gaeng saeh hoakzaqnaeh hoak?" Puj nyingz hax: "Do nguz gaengnaeh yai gux, gux zoq jin."
14Yaq dij Sen Yez'hoahhuah daj dij nguz hax:
"Mawz hoak sowh saeh naeh,
daengzle do ndaw rownz daj do ndaw bo mizgaj mawz zoah fah naek,
Gux hawj mawz aeu dongx daeq,
daengz zoh gaj vaenz gaj jin zoah namh.
15Gux hawj mawz daj puj nyingz dungzhwnq,
mbaedmawq luglan mawz daj luglan puj nyingz goj dungzhwnq.
Mbaedmawq luglan puj nyingz miz goanz ux hawj to mawz ndaej chaej,
mawz hawj oangjjeuj dix ndaej chaej."
16Yaq dij Sen Yez'hoahhuah daj puj nyingz hax:
"Gux hawj mawz zowngx lug chaej nyeuz mbaednduq lai,
ced lug chaej najngaemx-najlingz.
Mawz ceu po mawz, dix gvanx mawz."
17Yaq dij Sen Yez'hoahhuah daj Yaqdangz hax:
"Gaenqmawz biak kauq mijmez mawz,
jin maeg go gux saengq mawz mboq jinx jin naeh.
Cholaeng mawz mboq biak kauq gux,
namh zoq zoah fah,
mawz toj kux daengz zohgoanz, namh zux kwnj gaenqjin hawj mawz jin.
18Namh kwnj nyaj ndoagndaeg daj nam.
Mawz jin pyaek ndaw doangh.
19Mawz hoak gaengx towq lae yaijyoad, zux miz yowngh jin,
taj mawz daeuq dauh mwz ndaw namh zwzrawz zux gah.
Unj, gaenqmawz zawh daeq ndaw namh daeuj,
mawz mbaed nduq zawh aeu namh hoak,
mawz hoakrawz goj daeuq dauh mwz ndaw namh."
20Dij goanz dawj fax zawh luglan mijmez Yaqdangz nauq. Yaqdangz zoq nyaek minxzwh mijmez dix hoak Caqvaz. "Caqvaz" zawh hax: "Meh daengzle." 21Yaq dij Sen Yez'hoahhuah aeu naeng doihdo hoak ndangnungh hawj Yaqdangz daj mijmez dix nungh.
22Dij Sen Yez'hoahhuah hax: "Lez! Dij goanz daj gaenqraeuz dungzlumj ruxndeq hoak sowh rawz zawh sowh ndae, hoak sowh rawz zawh sowh ndog. Mboq hawj dix jin maeg go hawj dij goanz zaeu daengznauq naeh. Hoakzaqnaeh dij goanz zux mboq zaeu daengznauq." 23Yaq dij Sen Yez'hoahhuah daem dix ni ndaw oax sown Yizdenh. Dij Sen Yez'hoahhuah hax: "Dij goanz mbaednduq zawh aeu namh hoak; gux hawj dix aeu namh ndaem gaenqjin." 24Dij Sen Yez'hoahhuah daem dix bae yaq. Dij Sen hawj boangx jizluqboah naeh yuq oax sown Yizdenh baih tang'vaenz og naeh dawz, aeu remz hawj boangx jizluqboah naeh, sowh remz naeh rux og faez, gaj baih gaj rux baenq. Hoakzaqnaeh dij goanz zux mboq mwz haenz go maeg hawj dij goanz zaeu daengznauq naeh.
Currently Selected:
Zwz Nduq 3: ZHN
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2023, Peace Publishing Co. All rights reserved.
Zwz Nduq 3
3
Mbaednduq Dij Goanz Hoak Loang Dij Sen
1Do'bo dij Sen Yez'hoahhuah chauq naeh, zawh do nguz gaengnaeh goix nyeuz daengzle. Dix daj goanz nyingz naeh hax: "Yuq ndaw oax sown Yizdenh inxnaeh, dij Sen go'maeg rawz goj mboq hawj su jin zaeh ix?" 2Goanz nyingz daj dix hax: "Maeg inxnaeh gaenqpiu go rawz goj hawj jin. 3Mizgaj go'maeg gaengnaeh mboq hawj jin. Dij Sen haeuz hoakzaqnaeh hax yaq: ‘Mboq hawj gaenqsu jin, mboq hawj gaenqsu lumh, yaj gaenqsu tai.’" 4Do nguz naeh daj puj nyingz hax: "Gaenq su jin, toj mboq rux tai gah. 5Dij Sen ruxndeq su jin go'maeg gaengnaeh, zaw su zoq aj, gaenqsu zoq daj dij Sen dungzlumj, ruxndeq hoak sowh rawz zawh sowh ndae, hoak sowh rawz zawh sowh ndog." 6Yaq puj nyingz leztaen go'maeg gaengnaeh, ndaw zaw nwh, maeg dix lez yawz, ingj jinvan, yaq ingj naengz rux hawj dij goanz byenq gvai. Dix ceu jin taeuq, zoq mbit maeg daeuj jin. Dix aeu hawj goanz po daj dix zaemh yuq naeh jin ndoij, po dix goj jin. 7Doiqdix jin maeg yaq, zaw paenqdix zoq aj, zoq ruxndeq hoakri ndangndiang. Paenqdix zoq aeu mbaw maeg'vowh maz yaz ndang.
8Taeng sowh gau miz laemz naeh, goanz gaengnaeh daj mijmez dix ruxnyinz hiang dij Sen Yez'hoahhuah yuq ndaw oax sown Yizdenh daeq. Doiqdix zoq gowx bae ndaw dowgmaex, mboq zawx taen naj dij Sen Yez'hoahhuah. 9Dij Sen Yez'hoahhuah zoq rongx Yaqdangz, daj dix hax: "Mawz yuq rawz?" 10Gaenqdix hoiz: "Gux yuq oax sown Yizdenh ruxnyinz hiang mawz, gaenqgux ndangndiang, gux mbu taeuq, gux zoq gowx mawz." 11Dij Sen Yez'hoahhuah hax: "Gawz haxdoq mawz mawz zawh ndangndiang ah? Zawh mboq zawh mawz jin go maeg gux saengq mawz mboq jinx jin naeh?" 12Yaqdangz hax: "Goanz nyingz mawz aeu hawj gux, hawj daj gux zaemh yuq naeh, dix aeu maeg go gaengnaeh hawj gux jin, gux zoq jin." 13Dij Sen Yez'hoahhuah daj goanz nyingz hax: "Mawz hoak gaeng saeh hoakzaqnaeh hoak?" Puj nyingz hax: "Do nguz gaengnaeh yai gux, gux zoq jin."
14Yaq dij Sen Yez'hoahhuah daj dij nguz hax:
"Mawz hoak sowh saeh naeh,
daengzle do ndaw rownz daj do ndaw bo mizgaj mawz zoah fah naek,
Gux hawj mawz aeu dongx daeq,
daengz zoh gaj vaenz gaj jin zoah namh.
15Gux hawj mawz daj puj nyingz dungzhwnq,
mbaedmawq luglan mawz daj luglan puj nyingz goj dungzhwnq.
Mbaedmawq luglan puj nyingz miz goanz ux hawj to mawz ndaej chaej,
mawz hawj oangjjeuj dix ndaej chaej."
16Yaq dij Sen Yez'hoahhuah daj puj nyingz hax:
"Gux hawj mawz zowngx lug chaej nyeuz mbaednduq lai,
ced lug chaej najngaemx-najlingz.
Mawz ceu po mawz, dix gvanx mawz."
17Yaq dij Sen Yez'hoahhuah daj Yaqdangz hax:
"Gaenqmawz biak kauq mijmez mawz,
jin maeg go gux saengq mawz mboq jinx jin naeh.
Cholaeng mawz mboq biak kauq gux,
namh zoq zoah fah,
mawz toj kux daengz zohgoanz, namh zux kwnj gaenqjin hawj mawz jin.
18Namh kwnj nyaj ndoagndaeg daj nam.
Mawz jin pyaek ndaw doangh.
19Mawz hoak gaengx towq lae yaijyoad, zux miz yowngh jin,
taj mawz daeuq dauh mwz ndaw namh zwzrawz zux gah.
Unj, gaenqmawz zawh daeq ndaw namh daeuj,
mawz mbaed nduq zawh aeu namh hoak,
mawz hoakrawz goj daeuq dauh mwz ndaw namh."
20Dij goanz dawj fax zawh luglan mijmez Yaqdangz nauq. Yaqdangz zoq nyaek minxzwh mijmez dix hoak Caqvaz. "Caqvaz" zawh hax: "Meh daengzle." 21Yaq dij Sen Yez'hoahhuah aeu naeng doihdo hoak ndangnungh hawj Yaqdangz daj mijmez dix nungh.
22Dij Sen Yez'hoahhuah hax: "Lez! Dij goanz daj gaenqraeuz dungzlumj ruxndeq hoak sowh rawz zawh sowh ndae, hoak sowh rawz zawh sowh ndog. Mboq hawj dix jin maeg go hawj dij goanz zaeu daengznauq naeh. Hoakzaqnaeh dij goanz zux mboq zaeu daengznauq." 23Yaq dij Sen Yez'hoahhuah daem dix ni ndaw oax sown Yizdenh. Dij Sen Yez'hoahhuah hax: "Dij goanz mbaednduq zawh aeu namh hoak; gux hawj dix aeu namh ndaem gaenqjin." 24Dij Sen Yez'hoahhuah daem dix bae yaq. Dij Sen hawj boangx jizluqboah naeh yuq oax sown Yizdenh baih tang'vaenz og naeh dawz, aeu remz hawj boangx jizluqboah naeh, sowh remz naeh rux og faez, gaj baih gaj rux baenq. Hoakzaqnaeh dij goanz zux mboq mwz haenz go maeg hawj dij goanz zaeu daengznauq naeh.
© 2023, Peace Publishing Co. All rights reserved.