Zwz Nduq 4
4
Gaizyinx Kaj Nongx Dix Tai
1 Yaqdangz daj mijmez dix Caqvaz zaemhyuq, Caqvaz zoq mizndang, zowngx daeuj maeng lug zaiz ux. Caqvaz hax: "Yez'hoahhuah gumx gux, hawj gux ndaej maeng lug zaiz ux," zoq nyaek hoak Gaizyinx, "Gaizyinx" zawh hax: "Ndaej yaj." 2Doaklaeng Caqvaz daeuq zowngx Yaqboah goanz nongx zaiz Gaizyinx naeh. Doaklaeng Yaqboah loah'ej zawh puj dawzmbej, Gaizyinx loah'ej zawh puj hoak gaengx. 3Gvaq ndaej ndauj ux, Gaizyinx aeu kaeujpyaek dix mwz mbud Yez'hoahhuah mbangj. 4Yaqboah goj aeu dij mbej dix lug nduq gaenqnaeh mwz mbud Yez'hoahhuah mbangj, goj aeu yuz dij mbej mwz mbud Yez'hoahhuah mbangj. Yez'hoahhuah lezzoah Yaqboah daj gaenqdix aeu maz mbud naeh. 5Gaj dix lez mboq ndaej Gaizyinx daj gaenqdix aeu maz mbud naeh. Baenzzaqnaeh, Gaizyinx zoq najkawq, ndaw zaw dix jih taeuq. 6Yez'hoahhuah zoq daj Gaizyinx hax: "Mawz baenzrawz jih? Baenzrawz najkawq? 7Jixzawh mawz hoak hoj, gux hoakrawz lez mboq zoah mawz mux? Jixzawh mawz hoak mboq hoj, sowh gaenq hoakloang naeh zoq yuq baegdu biab taj, dix ceu gvanx mawz, gaj mawz yauq gvanx dix oaj."
8Daeklaeng Gaizyinx daj nongx zaiz dix Yaqboah hax: "Raeuz bae haenz naz daeq ej." Gau paenqdix yuq ndaw naz naeh, Gaizyinx zoq kaj nongx dix tai.
9Yaq Yez'hoahhuah zoq cham Gaizyinx: "Nongx mawz Yaqboah yuq rawz?" Gaenqdix yaeng: "Mboq ruxndeq. Gaenqgux zawh dawz nongx gux raj?" 10Yez'hoahhuah hwt dix: "Mawz hoak gaeng saeh? Nongx mawz lowd dix doak bae ndaw namh, dix menq haej menq rongx gux. 11Gau mawz kaj dix naeh, lowd dix doak bae ndaw namh. Daeq gannaeh mwz, gux hawj namh mang mawz: 12daengz mawz ndaem raeh ndaem naz, raehnaz mawz goj mboq kwnj kaeujpyaek. Mawz zwz ux bae dih ux, mboq miz dih rawz yuq ndaej ndowj." 13Yaq Gaizyinx zoq daj Yez'hoahhuah hax: "Hoakzaqnaeh fah gux naek gvaq, gux gaemx mboq ndaej gah. 14Mawz lez! Mawz daem gux ni inxnaeh, hawj gux mboq ndaej taen naj mawz. Gux mboq miz rownz, zwz ux bae dih ux, gawz cha mex gux, gawz goj rux kaj gux." 15Gaj Yez'hoahhuah haxdoq Gaizyinx: "Mboq, gawz kaj mawz, gawz zoq boiz jiat mingh." Hoakzaqnaeh Yez'hoahhuah yuq naengnowx Gaizyinx mai gaenq ux, haxdoq daenh, mboq hawj gawz kaj dix. 16Doaklaeng Gaizyinx zoq ni doqnaj Yez'hoahhuah, mwz ndaw Noahdowh ndowj, dihnaeh yuq haenz Yizdenh baih tang'vaenz og naeh.
17 Gaizyinx daj mijmez dix zaemh yuq, zoq mizndang, zowngx daeuj maeng Yixnoah. Gaizyinx daengj longq ux, aeu minxzwh lug zaiz dix nyaek longq naeh hoak Yixnoah. 18Yixnoah miz Yixnah, Yixnah miz Mixfuqyaqliq, Mixfuqyaqliq miz Maxtuxsaxliq, Maxtuxsaxliq miz Lazmowh. 19Lazmowh raep song goanz mijmez, miz goanz rongx hoak Yaqdaq, miz goanz ux rongx hoak Cixlaz. 20Yaqdah miz Yaqbaq, luglan Yaqbah zawh puj zowngx doihdo, yuq ndaw zangjpungh ndowj. 21Nongx zaiz Yaqbah rongx hoak Yaeuhbah. Luglan Yaeuhbah zawh puj baeuq naeuz daj qen nyenz. 22Cixlaz miz Tuxbah Gaizyinx, luglan Tuxbah Gaizyinx zawh puj dup kang puj dup liak. Tuxbah Gaizyinx miz goanz nongx nyingz ux, minxzwh hoak Nahmax.
23Miz vaenz ux, Lazmowh daj song goanz mez dix hax:
"Yaqdah, Cixlaz, su biak gux hax,
mijmez Lazmowh aj, su caqsiq biak:
Gux kaj goanz haiq gux naeh,
gux kaj maeng dup zoah gux naeh.
24Gawz kaj Gaizyinx zux hawj boiz jiat mingh,
gawz kaj gux, hawj dix boiz jiatsip-jiat mingh."
Saiqtowh Daj Yixnoahsowq
25Gvaq Gaizyinx kaj Yaqboah ndaej ji bi ux yaq, Yaqdangz daj Caqvaz zaemh yuq, Caqvaz daeuq zowngx maeng lug zaiz ux, Caqvaz hax: "Gaizyinx kaj Yaqboah, dij Sen daeuq hawj gux maeng lug zaiz ux dang Yaqboah." Dix zoq nyaek minxzwh maeng naeh hoak Saiqtowh. "Saiqtowh" zawh hax: "Hawj yah." 26Saiqtowh miz goanz lug zaiz ux, nyaek minxzwh hoak Yixnoahsowq.
Daeq zwz naeh maz, dij goanz zux aeu Yez'hoahhuah hoak dij Sen maengx dix.
Currently Selected:
Zwz Nduq 4: ZHN
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2023, Peace Publishing Co. All rights reserved.
Zwz Nduq 4
4
Gaizyinx Kaj Nongx Dix Tai
1 Yaqdangz daj mijmez dix Caqvaz zaemhyuq, Caqvaz zoq mizndang, zowngx daeuj maeng lug zaiz ux. Caqvaz hax: "Yez'hoahhuah gumx gux, hawj gux ndaej maeng lug zaiz ux," zoq nyaek hoak Gaizyinx, "Gaizyinx" zawh hax: "Ndaej yaj." 2Doaklaeng Caqvaz daeuq zowngx Yaqboah goanz nongx zaiz Gaizyinx naeh. Doaklaeng Yaqboah loah'ej zawh puj dawzmbej, Gaizyinx loah'ej zawh puj hoak gaengx. 3Gvaq ndaej ndauj ux, Gaizyinx aeu kaeujpyaek dix mwz mbud Yez'hoahhuah mbangj. 4Yaqboah goj aeu dij mbej dix lug nduq gaenqnaeh mwz mbud Yez'hoahhuah mbangj, goj aeu yuz dij mbej mwz mbud Yez'hoahhuah mbangj. Yez'hoahhuah lezzoah Yaqboah daj gaenqdix aeu maz mbud naeh. 5Gaj dix lez mboq ndaej Gaizyinx daj gaenqdix aeu maz mbud naeh. Baenzzaqnaeh, Gaizyinx zoq najkawq, ndaw zaw dix jih taeuq. 6Yez'hoahhuah zoq daj Gaizyinx hax: "Mawz baenzrawz jih? Baenzrawz najkawq? 7Jixzawh mawz hoak hoj, gux hoakrawz lez mboq zoah mawz mux? Jixzawh mawz hoak mboq hoj, sowh gaenq hoakloang naeh zoq yuq baegdu biab taj, dix ceu gvanx mawz, gaj mawz yauq gvanx dix oaj."
8Daeklaeng Gaizyinx daj nongx zaiz dix Yaqboah hax: "Raeuz bae haenz naz daeq ej." Gau paenqdix yuq ndaw naz naeh, Gaizyinx zoq kaj nongx dix tai.
9Yaq Yez'hoahhuah zoq cham Gaizyinx: "Nongx mawz Yaqboah yuq rawz?" Gaenqdix yaeng: "Mboq ruxndeq. Gaenqgux zawh dawz nongx gux raj?" 10Yez'hoahhuah hwt dix: "Mawz hoak gaeng saeh? Nongx mawz lowd dix doak bae ndaw namh, dix menq haej menq rongx gux. 11Gau mawz kaj dix naeh, lowd dix doak bae ndaw namh. Daeq gannaeh mwz, gux hawj namh mang mawz: 12daengz mawz ndaem raeh ndaem naz, raehnaz mawz goj mboq kwnj kaeujpyaek. Mawz zwz ux bae dih ux, mboq miz dih rawz yuq ndaej ndowj." 13Yaq Gaizyinx zoq daj Yez'hoahhuah hax: "Hoakzaqnaeh fah gux naek gvaq, gux gaemx mboq ndaej gah. 14Mawz lez! Mawz daem gux ni inxnaeh, hawj gux mboq ndaej taen naj mawz. Gux mboq miz rownz, zwz ux bae dih ux, gawz cha mex gux, gawz goj rux kaj gux." 15Gaj Yez'hoahhuah haxdoq Gaizyinx: "Mboq, gawz kaj mawz, gawz zoq boiz jiat mingh." Hoakzaqnaeh Yez'hoahhuah yuq naengnowx Gaizyinx mai gaenq ux, haxdoq daenh, mboq hawj gawz kaj dix. 16Doaklaeng Gaizyinx zoq ni doqnaj Yez'hoahhuah, mwz ndaw Noahdowh ndowj, dihnaeh yuq haenz Yizdenh baih tang'vaenz og naeh.
17 Gaizyinx daj mijmez dix zaemh yuq, zoq mizndang, zowngx daeuj maeng Yixnoah. Gaizyinx daengj longq ux, aeu minxzwh lug zaiz dix nyaek longq naeh hoak Yixnoah. 18Yixnoah miz Yixnah, Yixnah miz Mixfuqyaqliq, Mixfuqyaqliq miz Maxtuxsaxliq, Maxtuxsaxliq miz Lazmowh. 19Lazmowh raep song goanz mijmez, miz goanz rongx hoak Yaqdaq, miz goanz ux rongx hoak Cixlaz. 20Yaqdah miz Yaqbaq, luglan Yaqbah zawh puj zowngx doihdo, yuq ndaw zangjpungh ndowj. 21Nongx zaiz Yaqbah rongx hoak Yaeuhbah. Luglan Yaeuhbah zawh puj baeuq naeuz daj qen nyenz. 22Cixlaz miz Tuxbah Gaizyinx, luglan Tuxbah Gaizyinx zawh puj dup kang puj dup liak. Tuxbah Gaizyinx miz goanz nongx nyingz ux, minxzwh hoak Nahmax.
23Miz vaenz ux, Lazmowh daj song goanz mez dix hax:
"Yaqdah, Cixlaz, su biak gux hax,
mijmez Lazmowh aj, su caqsiq biak:
Gux kaj goanz haiq gux naeh,
gux kaj maeng dup zoah gux naeh.
24Gawz kaj Gaizyinx zux hawj boiz jiat mingh,
gawz kaj gux, hawj dix boiz jiatsip-jiat mingh."
Saiqtowh Daj Yixnoahsowq
25Gvaq Gaizyinx kaj Yaqboah ndaej ji bi ux yaq, Yaqdangz daj Caqvaz zaemh yuq, Caqvaz daeuq zowngx maeng lug zaiz ux, Caqvaz hax: "Gaizyinx kaj Yaqboah, dij Sen daeuq hawj gux maeng lug zaiz ux dang Yaqboah." Dix zoq nyaek minxzwh maeng naeh hoak Saiqtowh. "Saiqtowh" zawh hax: "Hawj yah." 26Saiqtowh miz goanz lug zaiz ux, nyaek minxzwh hoak Yixnoahsowq.
Daeq zwz naeh maz, dij goanz zux aeu Yez'hoahhuah hoak dij Sen maengx dix.
© 2023, Peace Publishing Co. All rights reserved.