मरकुस परिचय
परिचय
मरकुस के द्वारा लिखौ भयौ सुभ समाचार, नये नियम की किताबन में ते एक है। जा किताब में ईसू मसीह के जीबन के बारे में बतायौ गयौ है। मत्ती, मरकुस, लूका और यूहन्ना की इन चार किताबन कूं सुभ समाचार कैहतैं, जाकौ मतलब है खुस खबरी। जि चारों सुभ समाचार ईसू मसीह के सुरग में उठा लये जाबे के बाद में मत्ती, मरकुस, लूका और यूहन्ना नें लिखे हैं। सुभ समाचार के अनुसार मरकुस की किताब चारों सुभ समाचारन में सबनते छोटी है। कछू बिसबास करतैं कै चार सुभ समाचारन में मरकुस रचित सुभ समाचार सबनते पैहले लिखौ गयौ है। जि ईसू मसीह के जनम के 65-70 साल के बाद लिखौ गयौ है। कछू बिद्वानन कौ मानबो है कै जि रोम देस में लिखौ गयौ है। जाकौ उद्देस्य मांके भरोसौ करबे बारेन कूं उत्साहित करबे कौ है।
मरकुस कूं वाके दूसरे नाम मार्क जॉन केऊ नाम ते जानों जातो। जि भेजे भये चेला पौलुस और बनरबास की सेबा यात्रा में बिनके संग हतो। पर बू यात्रा पूरी कर पायौ (प्रेरितों के काम 13:13)। जाई बजैह ते पौलुस नें अपनी दूसरी सेबा यात्रा में संग लै जाबे ते मनें कर दई। जाके बाद मरकुस नें बनरबास के संग सेबा यात्रा करी (प्रेरितों के काम 15:37–39)। मरकुस भेजे भये चेला पतरस कौ घनिस्ट मित्र हतो (1 पतरस 5:13)। मरकुस नें ईसू मसीह के जीबन के बारे में अपनी आँखन ते कछू नांय देखौ हतो, चौंकि बू वाके संग नांय हतो। कछू बिद्वानन कौ मानबों है कै मरकुस नें पतरस ते जानकारी लैके जि सुभ समाचार लिखौ है। जा किताब में मरकुस ईसू मसीह की सिछा और अन्त के समै के बारे में कही बातन के बारे में जादा ध्यान दै रयौ है।
रूपरेखा
मरकुस कौ परिचय (अध्याय 1:1–13) तक
ईसू मसीह की गलील में सेबा के बारे में (अध्याय 1:14—8:21) तक
ईसू मसीह की येरूसलेम यात्रा के बारे में (अध्याय 8:22—10:52) तक
ईसू मसीह कौ येरूसलेम में समै, मरबे के बाद जीबित होबे के बारे में (अध्याय 11:1—16:8) तक
Currently Selected:
मरकुस परिचय: BRAJ
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
NonCommercial-NoDerivatives 4.0 International (CC BY-NC-ND 4.0)