KEJADIAN 21
21
Ishak Kiyos
1Yahweh Kiberkat Sara begei de ya Kiurok ru Kibeh dikdij ma de ya Kijanji nu kek. 2Jadi, Sara kimakok lalu kiperyos numom kenon keral mase Abraham ya kiengrak. Hal ajeh belaku ku mase de ya bipetetap ya Jenang. 3Abraham kisebot muh ikenon ajeh Ishak. 4Mase iumur ya lapan arik, Abraham kisunat Ishak kena begei ma de biperintah ya Jenang. 5Umur Abraham 100 tahut mase Ishak kiyos.
6Sara kiurok, “Jenang ya Kibeh eng ngleklog ru ngkerakmik. Jap-jap sengoi de ceringai tentang hal ajeh doh naileklog besama ru eng.” 7Lalu kiurok nij, “Pek mong numom pen entem de kibual nu Abraham, ‘Sara doh kipermem kenon.’ Tapi, eng ya ngperyos numom kenon keral ha kek ku mase kiengrak.”
Hagar ru Ismael Biperet
8Ishak ya guraknak ru kaha-wes imennem. Ku arik sanget ajeh kiwes imennem, Abraham kibeh caknak entoi.
9Tapi ku arik caknak entoi ajeh, Sara kineng Ismael kinyeh ha Ishak ikenon. Ismael ajeh kenon Abraham ru Hagar mai Mesir. 10Lalu Sara kiurok nu Abraham, “Peretloh kerdor de bipehambe ajeh ru peretloh ikenon keral kerana kenon keral ju kerdor de bipehambe ajeh pek buleh kiwares harta iapak begei kenon keral eng Ishak!”
11Hal ajeh ihad kipesusah sengik Abraham kerana Ismael pen kenon kek juga. 12Tapi Jenang Kiurok nu Abraham, “Wesloh agok susah sengik ha hambe hek Hagar ru ikenon ajeh. Behloh ma de ya bihod ya Sara kerana had kenon-cenok ju Ishak talehloh de doh bikira sebegei kenon-cenok hek. 13Eng juga doh Ngog kenon-cenok de jeoi nu kenon hambe ajeh supaye naijadi nanek bangse, kerana kek pen kenon hek juga.”
14Ku ipepegelap huper, Abraham kiog caknak ru nanek bekas getek de biisi teu nu Hagar. Abraham kidek arap ajeh ku celod Hagar ru kior ubai et ju kenjeh. Ubai pen baiet ru baicip nu padag guron Bersyeba. 15Bile teu ku kateh bekas getek ajeh ya dij, Hagar kiwes ikenon ajeh ku kerop semak. 16Lalu kek kigei lebeh kurang 100 meter ju tempat ajeh kerana kiurok ku kateh isengik, “Eng pek lalu ngha-neng kenon eng kidat.” Lalu kek kijap ru ihad kuat.
17Telas ajeh Jenang Kicerngai jengnam Ismael, lalu malikat Jenang kiurok ju serga nu Hagar, “Yama hasusah sengik, Hagar? Wesloh agok sengoh kerana Jenang ya Kicerngai suara jengnam kenon hek. 18Etloh nu kenon hek ru tulogloh berkos kek supaye kijinjeg. Eng doh Ngpejadi kenon-cenok Ismael nanek bangse de entoi.”
19Telas ajeh Jenang Kibeh Hagar kibakek nanek perigi. Kek pen kiet kiisi ibekas getek ya teu lalu kek kiog ngeknut nu ikenon ajeh.
20Jenang Kilindog Ismael ru kek ya guraknak. Kek kigei ku padag guron Paran ru kijadi numom pemanah de beryas. 21Hagar kipermek Ismael ru numom kerdor Mesir.
Jenanji antare Abraham ru Raja Abimelekh
22Ku nanek arik, Raja Abimelekh ru Pikhol ipanglime aska baihol nu Abraham. Raja Abimelekh kiurok, “Jenang Kitulog hek ku dikdij ma de ya habeh. 23Hunen, biarloh Jenang Kijadi saksi, ru besumpahloh hek doh pek hatipu eng, kekenon eng, atao kenon-cenok eng. Begei de ya ngbeh bor nu hek, behloh begei ajeh juga nu eng ru nu tik de hagei sebegei mai aseg adeh.”
24Abraham kiurok, “Eng ngbesumpah.”
25Tapi telas ajeh Abraham kirarok nu Raja Abimelekh tentang perigi de ya birampas ya hambe-hambe raja ajeh. 26Raja Abimelekh kiurok, “Eng pek ngpanei bok imai de bahbeh hal ajeh. Hek pen pek hapasal nu eng. Adehloh kali petame ngcerngai tentang hal ajeh.”
27Abraham kiog memerip ikor dombe ru lembu nu Raja Abimelekh, ru baibeh nanek jenanji. 28Telas ajeh Abraham kicerlah tujoh ikor kenon dombe ikenan nij ju idombe. 29Raja Abimelekh kitanya nu kek, “Yama habeh begei ajeh?”
30Abraham kiberlag, “Terimaloh tujoh ikor kenon dombe adeh sebegei tanda jenaku hal adeh: Engloh de cekcop perigi adeh.” 31Jadi, tempat ajeh bigelar Bersyeba#21:31 Bersyeba: Muh adeh imaksod, perigi sumpah atao perigi tujoh. kerana ku pajehloh ubai beh nanek jenanji ya sumpah.
32Telas baibeh jenanji ku Bersyeba, Raja Abimelekh ru Pikhol ipanglime aska ajeh, baijog nu lengrik mai Filistin. 33Lalu Abraham kicet nubatag keneng jehuk tamariska ku Bersyeba. Ku pajehloh kisembah Yahweh Jenang de lei ditehjeh. 34Telas ajeh Abraham kigei liu sebegei mai aseg ku lengrik mai Filistin.
Currently Selected:
KEJADIAN 21: AEH
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
KEJADIAN 21
21
Ishak Kiyos
1Yahweh Kiberkat Sara begei de ya Kiurok ru Kibeh dikdij ma de ya Kijanji nu kek. 2Jadi, Sara kimakok lalu kiperyos numom kenon keral mase Abraham ya kiengrak. Hal ajeh belaku ku mase de ya bipetetap ya Jenang. 3Abraham kisebot muh ikenon ajeh Ishak. 4Mase iumur ya lapan arik, Abraham kisunat Ishak kena begei ma de biperintah ya Jenang. 5Umur Abraham 100 tahut mase Ishak kiyos.
6Sara kiurok, “Jenang ya Kibeh eng ngleklog ru ngkerakmik. Jap-jap sengoi de ceringai tentang hal ajeh doh naileklog besama ru eng.” 7Lalu kiurok nij, “Pek mong numom pen entem de kibual nu Abraham, ‘Sara doh kipermem kenon.’ Tapi, eng ya ngperyos numom kenon keral ha kek ku mase kiengrak.”
Hagar ru Ismael Biperet
8Ishak ya guraknak ru kaha-wes imennem. Ku arik sanget ajeh kiwes imennem, Abraham kibeh caknak entoi.
9Tapi ku arik caknak entoi ajeh, Sara kineng Ismael kinyeh ha Ishak ikenon. Ismael ajeh kenon Abraham ru Hagar mai Mesir. 10Lalu Sara kiurok nu Abraham, “Peretloh kerdor de bipehambe ajeh ru peretloh ikenon keral kerana kenon keral ju kerdor de bipehambe ajeh pek buleh kiwares harta iapak begei kenon keral eng Ishak!”
11Hal ajeh ihad kipesusah sengik Abraham kerana Ismael pen kenon kek juga. 12Tapi Jenang Kiurok nu Abraham, “Wesloh agok susah sengik ha hambe hek Hagar ru ikenon ajeh. Behloh ma de ya bihod ya Sara kerana had kenon-cenok ju Ishak talehloh de doh bikira sebegei kenon-cenok hek. 13Eng juga doh Ngog kenon-cenok de jeoi nu kenon hambe ajeh supaye naijadi nanek bangse, kerana kek pen kenon hek juga.”
14Ku ipepegelap huper, Abraham kiog caknak ru nanek bekas getek de biisi teu nu Hagar. Abraham kidek arap ajeh ku celod Hagar ru kior ubai et ju kenjeh. Ubai pen baiet ru baicip nu padag guron Bersyeba. 15Bile teu ku kateh bekas getek ajeh ya dij, Hagar kiwes ikenon ajeh ku kerop semak. 16Lalu kek kigei lebeh kurang 100 meter ju tempat ajeh kerana kiurok ku kateh isengik, “Eng pek lalu ngha-neng kenon eng kidat.” Lalu kek kijap ru ihad kuat.
17Telas ajeh Jenang Kicerngai jengnam Ismael, lalu malikat Jenang kiurok ju serga nu Hagar, “Yama hasusah sengik, Hagar? Wesloh agok sengoh kerana Jenang ya Kicerngai suara jengnam kenon hek. 18Etloh nu kenon hek ru tulogloh berkos kek supaye kijinjeg. Eng doh Ngpejadi kenon-cenok Ismael nanek bangse de entoi.”
19Telas ajeh Jenang Kibeh Hagar kibakek nanek perigi. Kek pen kiet kiisi ibekas getek ya teu lalu kek kiog ngeknut nu ikenon ajeh.
20Jenang Kilindog Ismael ru kek ya guraknak. Kek kigei ku padag guron Paran ru kijadi numom pemanah de beryas. 21Hagar kipermek Ismael ru numom kerdor Mesir.
Jenanji antare Abraham ru Raja Abimelekh
22Ku nanek arik, Raja Abimelekh ru Pikhol ipanglime aska baihol nu Abraham. Raja Abimelekh kiurok, “Jenang Kitulog hek ku dikdij ma de ya habeh. 23Hunen, biarloh Jenang Kijadi saksi, ru besumpahloh hek doh pek hatipu eng, kekenon eng, atao kenon-cenok eng. Begei de ya ngbeh bor nu hek, behloh begei ajeh juga nu eng ru nu tik de hagei sebegei mai aseg adeh.”
24Abraham kiurok, “Eng ngbesumpah.”
25Tapi telas ajeh Abraham kirarok nu Raja Abimelekh tentang perigi de ya birampas ya hambe-hambe raja ajeh. 26Raja Abimelekh kiurok, “Eng pek ngpanei bok imai de bahbeh hal ajeh. Hek pen pek hapasal nu eng. Adehloh kali petame ngcerngai tentang hal ajeh.”
27Abraham kiog memerip ikor dombe ru lembu nu Raja Abimelekh, ru baibeh nanek jenanji. 28Telas ajeh Abraham kicerlah tujoh ikor kenon dombe ikenan nij ju idombe. 29Raja Abimelekh kitanya nu kek, “Yama habeh begei ajeh?”
30Abraham kiberlag, “Terimaloh tujoh ikor kenon dombe adeh sebegei tanda jenaku hal adeh: Engloh de cekcop perigi adeh.” 31Jadi, tempat ajeh bigelar Bersyeba#21:31 Bersyeba: Muh adeh imaksod, perigi sumpah atao perigi tujoh. kerana ku pajehloh ubai beh nanek jenanji ya sumpah.
32Telas baibeh jenanji ku Bersyeba, Raja Abimelekh ru Pikhol ipanglime aska ajeh, baijog nu lengrik mai Filistin. 33Lalu Abraham kicet nubatag keneng jehuk tamariska ku Bersyeba. Ku pajehloh kisembah Yahweh Jenang de lei ditehjeh. 34Telas ajeh Abraham kigei liu sebegei mai aseg ku lengrik mai Filistin.
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.