YA-SFADOCI MRKV 1
1
1Waci vlamigi ini uwasi-u-biadrcimowa Jesise Klvisde, nili u Qihfvli Mvnatu.
2Datapilvhi yasi mahtvwi-gaci ini Visviv inv mrmosigesqa-tv,
Wrpvmi, ni ta laskvwv ni mesvmr-gamv ya-lvhfvme-qaivni,
Henv wah nvnvhih-fatu gi myawi;
3Hini u kvlvwawih-simowa wiyafv pami tvlvho-tvmwv ini belasgi,
Macfa-doku ini u myawi inv Dabalamiwatv,
Tapilvhi sdoku u myawa-nafv;
4Jrne biawv, inv fvfvhqi-ulalhiwa ini belasgi macimi nvnv-himiwa ini mvtveni si tahawa uci fvfvhqi-ulalhiwawa wvhsi rlhufewa-nigi mvjelafewanv. 5Chena ’n’tvsi uci luhfaki jrivhki ini Cudiawi-drmqa udfr-wrli nili, chena nihki jrivhki Culosalame uci; macimi u fvfvhqi-ulalhaku-wrli nili ini Jrtanewi febegi, pami tabrci-moki u mvjelafewa-nwv. 6Chena Jrne gamvlewi wihfviv betaniga, chena masqvhdagi gitvpifowa gitvpifu, macimi wrgafhi ut vmwvhi chena pvqvci amowi-malrsi u meci. 7Chena si nvnvhi-miwa, ’N’tvsi biawv mviuhqrci nelv, henv vlikv mselafi notv nelv, ini ma-nihfapi iny u mvhgifanv uci mvtv nit iqelafi wvhsi svhgigi si wrgeiv macimi palhvmv. 8Nelv napigi gi tah fvfvhqi-ulalha-lapwv; wakv inv nili Ufapi Ucvjrlvhqvli gah si fvfvhqi-ulalha-kuwv, isiwa.
9Chena ini biamikvtwi ina nala grsagiki, yasi Jesise birci Nrsalafi uci beci drmqa Galale, macimi u fvfvhqi-ulalha-goli Jrneli ini Jrtanegi. 10Macimi walanv pami muskufa, ini napigi uci, u namanv nili manqvtu pvhfahkv, chena inv Ucvjrlvhqv brsi myrsi-pvwefv pami si lrsiwahsi-noli usgici weiv : 11chena kvlvwa-wihsimowa nili manqvtu umoiv, Gelv inv ivhqa-lamvkv ni Qihfv, geyrgi ni manwi-taha.
12Chena walanv nili Ucvjrlvhqvli u ta lasgr-goli ini bela-sgi. 13Macimi ’n’tvsi vpiwv nyawr-pitvgi tfuku u qvqacihgr-goli Sataneli; macimi u weci vbe-mvhi nihi pvqvci magin-whahi; chena nihki ancvleki u mesvmvwr-wrli nili.
14Huwa Jrneli iah mahci masano-fulici, Jesise Galalegi si biawv, pami nvnvhi-miwa ini uwasi-u-biadrcimowa Mvnatu, 15chena, Ini lrqr-mafewa uwa uqihfa-dota, chena ini u gimrwewa Mvnatu uwa nvhekv : mvtveni si tahaku gelvwv, chena dapwahtv-muku ini uwasi-biadrcimowa, isiwa.
16Chena ala sqrbiagi ini Galalewi msi napi pami pamfa, u nawrli Svimvneli macimi Andloli nili u janinrli Svimvne bami ipv-gitv-malici hrqvsqhrkv ini msi napigi; xvga nr-nvmaf-gacki nihki. 17Macimi Jesise, Birku gelvwv vkuwiku, chena nr-nvmafgr-lrcki ilanihi ga shalapwv, u talvhi nihi. 18Chena walanv nihki u nvkvdr-nrwv nili hrqvsqhrkvnv, macimi u nakvlr-wrli. 19Chena vligr-mahi hawv, u mawrli Jamseli nili u qifvli Sapade, chena Jrneli u janinrli, nahfrpi ulvga-lagi vbeki u cvhtuqrdr-nrwv nili hrqvsqhrkvnv. 20Chena walanv u wihku-mvhi nihi : macimi nihki u nvkvlr-wrli u fwrli Sapadeli ini ulvga-lagi weci nihi vlolrgrfhi, chena u mvwi-nvlr-wrli.
21Chena nihki Gabrnivme haki; macimi qaiahqi becfa ini msikvmiqi ini vlwrkvhsi-grsagigi chena kvgahgi-miwa. 22Macimi nihki u cihfa-latvmrwr-wrli u kvgahgi-miwawa : xvga u tasi kvgahgi-mvhi brsi u bonv wiahsi-makufewa, mvtv brsi nihki yr-ivwigacki. 23Chena qaiahqi ’n’tvsi u msi-kv-miku-mwrgi vpiwv ilani weciwi wivgilah-feli; macimi inv wivkvho-tvmwv, 24Nahiwa ni bonrpa wv ipanvla-lrga gelv Jesise Nrsalafi-lani? hv gi bir wvhsi mvci-lutvwi-yrga? Gi wrku-mala gelv waci-wivni, inv Ufapi Wiyafv Mvnatu uci, isiwa. 25Macimi Jesise u kutalrli nili, Nolawilu, chena inv uci luhfrlu, u talrli. 26Chena inv wivgilahfi u pami mrtvkuskv-hrli nili macimi wivkvho-tvmwv, biaci luhfa nili uci. 27Chena jrivhki nihki qvqahdrni-tahaki, waciganvhi ne-nvtuhdwr-deki, alagenv welvwv, Nahiwa yomv? mvivgi kvgahgimiwawa ! si-makufewa uci tapimvhi weginrqi nihi wiv-gilah-fihi, macimi u pafadrkuhi nihi, iwvki. 28Chena u ta lrci-makufewa wapfa-yrli walanv mafhega ini lr Galalewi drmqa gryrukv haiv.
29Chena walanv, iah biaci luhfr-wrci ini msi-kvmiqi uci, ini si biaki ya-drwrci wegiwv Svimvne chena Andlo, gilagi Jamse chena Jrne. 30Huwa Svimvne wewvli u gali saxi-noli vhqi-lugali gisifowa; macimi walanv nihi u wetvmr-kuhi nili : 31chena biawv chena u tah fvgilaja-nrli nili macimi unsgr-nrli; chena inv ini gisifowa u nvkv-laku, macimi u mesvmv-wrli inv.
32Chena walrqe-figi, iah pvximuci inv gesagi-gesfwv, u bia-tvwr-wrli nihki nihi jrivhki ya-qilu-galici, chena nihi la-kusgr-kulici wvninah-fihi. 33Macimi jrivhki nihi udawa-nagi uci mr-wvtu-skvhi ini sqrdagi. 34Chena maci ya-qilu-galici u gegahvhi qvqatvgi si lugawanv, macimi u luhfa-pvgi-lvhi maci wvninahfihi; chena mvtv welrni u ta la-lamvhi nihi wvninah-fihi wvhsi kvlvwi-lici, xvga nihki u wrkumr-wrli nili.
35Chena ini qalvhwhr-pvgi, msi goqa-lrqv wihsi bur wrpvgi, unskv macimi luhfa, chena tvh pvpsqvhgiki hawv, macimi ’n’tvsi mvmrtuma. 36Chena Svimvne macimi nihki ba-pvh wedfa-mrcki, u nakvlr-wrli; 37macimi nihki u mkvwr-wrli chena, Jrivhki ki pami nvtunahu-goki, u talr-wali. 38Pvivgilv hrdrku nili vnkv udawa-nafv, wvhsi manvwvhi ’n’tvsi nahfrpi nvnvhimi-waiv; xvga yomv-iu ini waci biriv, u talvhi nihi. 39Chena mafhega Galale si srpwi u msi-kvmiku-mwrki hawv, pami nvnvhi-miwa macimi u pami luhfa-pvgi-lvhi wvninah-fihi.
40Chena ’n’tvsi utfa-goli wasgil-hvgama-gilici, u pami nv-nvhbrci-magoli, macimi u pami ujeqvnvh-gapdr-goli, chena Si taha-ivna, gah kvtvwi fvfvyr-ghi, u tagoli. 41Chena pami mrci taha gitaminrqa-ladewa, mrsi jegin-galwv, chena u pahsa-nrli, chena Heni yasi tahaiv; fvfvyrgho-fulu u talrli. 42Macimi walanv ini usgilhvgi-magewa nili uci srwaiv, macimi inv fvfvyr-ghofu. 43Chena u mvyrwi-mrli nili, macimi walanv frgici u ta laskv-wrli, 44chena Wrpvtvnu, tagi wia’ hisi ilani gelv : wakv nhrla wrpvtasi geiv inv mkvtaukulvia, chena pvgfani-galu yasi fvfvyr-ghofu-ivni nili wiahi dapiga-muci Mosise, wvhsi u dabwawani-wrci nihki, u talrli nili. 45Pvyaqv inv luhfa, macimi ut vlami Ifwrtutv ini ulrmi, macimi u lfwanv mafhega ini wiahi, waciganvhi Jesise rlwi gidani tvwrci becfa udawa, wakv frgici vpiwv tvh lr pvpsqvhgiki : chena nihi u bialudr-kuhi jrgi wvyaci uci.
Currently Selected:
YA-SFADOCI MRKV 1: SJW
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Published for Thomas Wildcat Alford in 1929