YA-SFADOCI MRKV 8
8
1Hina nala grsagiki, nuhgi ia hvpiwrci maci mahsa-lagiki, macimi mvtv-wiahi u bonr-nrwv nihki wvh meci-wrci, u tah wihku-mvhi u kvgahgimrfhi macimi, 2Cah ni bonvmv-wrki gitaminrqala-dewa nihki mahsa-lagiki, xvga mosvtvwi ni wejema-goki uwa nfwi gesqa, macimi mvtv-wiahi u bonr-nrwv wvh meci-wrci : 3chena qahqi vlikv laskvwvga yadr-wrci sqrlvwa-wrta, Irqv wa hvla magihku-feki; macimi nrlatv paluwi uci biaki u talvhi. 4Chena ud rpvfdr-kuhi u kvgahgimrfhi, Drniwa wiyafv wa huci dabelafi wvhsi dabho-lrci tvkuwhv iuhumv ilanihi utvsi Ir pvpsqvhgi? u takuhi. 5Macimi u nvtuhtv-wvhi, Gahfwi ki bonr-nrwv wapsqada-wvli? u talvhi. Ne-swvhfwi, iwvki nihki. 6Ma-cimi u tapi-mvhi nihi mahsa-lalici wvhsi lamvtv-pilici svhgigi ini vsisgegi : chena u mvmanv nili neswvhfwi wapsqada-wvli, macimi pami mahci meliwa niyrwa, u pus-ku-nrnv, chena u melvhi u kvgahgimrfhi, wvhsi yalvhfv-melici nihi si pvkfanv-malici; macimi nihki u tah pvgfanr-nrwv nili yalvhfv-melici nihi mahsa-lalici. 7Chena Irkufwe-mahi u bonr-wvhi mrcilo-fihi nvmafhi : chena u mahci pami gisrci-lutv-wvhi nihi, ta-pigamu wvhsi nahfrpi iuhumv pvgfano-fulici yalvhfv-melici nihi. 8Chena wihfaneki nihki, macimi dabho-loki : chena nihki u maginr-nrwv baxgino-daki uci mryrlacihi sasqvdo-dagi, neswvhfwi sosona. 9Chena nihki nvwitu nyawana-matvhfana tabawa ciseki : macimi ud rmaskv-wvhi nihi. 10Chena walanv ini ulvga-lagi lkvmwv gilagi u kvgahgimrfhi, chena ini sqriv Tvlmvnofv si biaki.
11Chena nihki Palaseki biaki, macimi ut vlami nvtuhtvwr-wrli, u pami nvtunahv-mvwr-wrli wafapvh-kvmigigi uci gigino-lowa, u pami kutvhkuwr-lrwrli. 12Chena mvci-lapwv ulrmi u tasi tahawa-nagi, macimi Gociwa yrmv sqe-lanvwa u nvtunahv giginolowa? tapilo gi talapwv nelv, Mvtv giginolowa wah melofu yrmv sqe-lanvwa, isiwa. 13Macimi u nvkvlvhi, chena nuhgi ini ulvga-lagi lkvmwv wapfa ini vsuwa wiyatvhqa hawv.
14Chena u wvnihgrdr-nrwv wvhsi mvmu-wrci tvkuwhv; chena mvtv u bonr-nrwv ini ulvga-lagi vlikv tfwi nakuti wapska-dagi. 15Chena u tapinvlaqi-mvhi, Gcitvwr-feku mvhgani ini unvlascikv-nwv nihki Palaseki chena ini unvlascikv Halade, isiwa. 16Macimi nihki mamagini-taha-madeki, Xvga mvtv ki bonrpa tvkuwhv, iwvki. 17Chena Jesise u mola-latv ini, Gociwa ki mamagini-taha-pwv, xvga mvtv ki bonr-nrwv tvkuwhv? Hv gelvwv mvtv gawvgi ki mosi-tahapwv, mvtv nuhgi ki nanuhsa-pwv? hv naiahkv sepfanwi ki tahiwv? u talvhi. 18Ki pami bonr-nrwv usgesaku, hv ki tapinr-pwv? chena ki pami bonr-nrwv utvwvgr-wvli, hv mvtv ki nodrga-pwv? macimi mvtv ki mkvwa-ladr-nrwv? 19Hina iah puskunvmv nili nyr-lvnwi wapsqada-wvli alagenv nihki nyrlvna-matvhfana-tabawa, gahfwi sosoni-wvli uqrwi baxgino-daki mryrlacihi ki mvma-nrwv? u talvhi. Matvhfwi-gita-neswi, u takuhi. 20Chena ina nili neswvhfwi alagenv nihki nyawana-matvhfana-tabawa, gahfwi sosoni-uqrwi baxgino-daki mryrlacihi ki mvma-nrwv? Neswvhfwi, u takuhi. 21Chena, Hv gawvgi mvtv ki nanuhsa-pwv? u talvhi.
22Chena Pafsaita si biaki. Chena u biatvwr-wrli kvgabeqa-wi-laneli, macimi u gcihkvwr-wrli wvhsi pahsanrci nili. 23Ma-cimi u tah fvgi-lajanrli nili kvgabeqawi-laneli, chena ini udawa-na-fagi uci luhfvhrli nili; chena iah mahci faqrtvmv-wrci u sge-saku-nilici, macimi usgici si bonvmv-wrci u laci-wvli, u nvtuhtv-wrli, Hv gi nama wiahi? u talrli. 24Chena inv mr lrpi, macimi Ni nawrki ilaneki; xvga ni ta Irpvmrki brsi mtaku pamfaiv, iwv inv. 25Huwa nuhgi u sgesaku-nilici u tah bonvmv-wrli u laci-wvli; macimi inv mvmyadr-wrpi, chena patagi-shofu, macimi u ta-pi-nama jrivhki wiahi. 26Macimi ya-drlici u ta laskv-wrli, Tagi becfrlu ini udawa-nahi u talrli.
27Chena Jesise via wapfa, macimi u kvgahgimrfhi, nili ha-wv udawa-nafv Sisvlia Filibrye uci : yalalfa-wrci, u nvtuhtv-wvhi u kvgahgimrfhi, Nafvwa inv ni tvigoki ilaneki nelv? u talvhi. 28Macimi u wetvmr-kuhi, Jrne inv Fvfvhqi-ulalhiwanv; kutvkvki, Elvicv; wakv nrlatv, Nakuti nihki uci mrmosigesqacki iwvki u ta-kuhi. 29Nuhgi u nvtuhtv-wvhi, Wakv nafvwa ki taiupwv gelvwv inv nelv? Betv rpvfsa chena, Henv inv Klvisde gelv, u talrli. 30Macimi u tapinvlaqi-mvhi wvhsi tagi wetvmvwr-wrci ilaneli weiv.
31Chena ut vlami kvgahgi-mvhi, wvhsi inv u Qihfvli ilani qe-lvhi vhqi-nvmuci maci wiahi, macimi rlvwinr-kuei nihi gigi-lanihi, chena nihi ugimrwi mkvtaukulviahi, chena nihi yrivwi-galici, macimi nfaci, chena mviuhqrci unsgrci nuhgi nfukunvgiga. 32Macimi tvwrci kvlvwi ini iyowa. Chena Betv u tah fogi-nrli, macimi ut vlami kutalrli. 33Pvyaqv mrsi pami kugewv inv, u nawvhi u kvgahgimrfhi, u kutalrli Betvli, Hudrnrgi nelv hrlu, Sa-tane; xvga mvtv gi mvkufa-latv ini u wiahemi Mvnatu, hini u wiahemwv ilaneki wakv, u talrli. 34Chena u tah wihkumvhi nihi mahsa-lalici gilagi u kvgahgimrfhi, chena u talvhi, Qahqi wiyafv ilani wesv weda-mita, welrni wih girdaladr-weiv, macimi wih mvma ud rsitahfage-mi, chena nih nakvlaqv. 35Xvga goqa-nafv-grci wesv wrpvnastu u ta lanvwawewa wah wvntu ini; ma-cini goqa-nafv-grci wah wvntu u ta lanvwawewa nelv macimi ini uwasi-biadrcimowa uci wah wrpvnastu ini. 36Xvga nahiwa ini wi mkvhfu ilani, kvtv-wih-kvga ini malsga ya-lakuqvh-kvmigigi, macimi wvndota u ta la-nvwawewa? 37Xvga nahiwa ilani wih meliwa rsonvga u ta lanvwa-wewa? 38Xvga goqa-nafv-grci nah taqa-haqv macimi ni kvlvwewa-nv alagenvc yomv wa-wrpvsiphiga-wafe-yrgi chena majelafe-yrgi sqe-lanvwawewa, nileni inv u Qihfvli ilani wah taqa-hrli ina birta ini u Fvli u wvhfrci-makufewa-nagi gilagi nihi ufapi ancvlihi.
Currently Selected:
YA-SFADOCI MRKV 8: SJW
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Published for Thomas Wildcat Alford in 1929