SAHRUOTHUNA 5
5
Adam Ciypathla
(1Chr 1.1-4)
1 #
Sah 1.27-28
Hingpa hing Adam ciypathla pasuvna ta a cuo. Khazing ta cawsaa a sa tiyta, ama hminghmie a lu pata a sa yi. 2#Mat 19.4; Mar 10.6 Capaa hne canung kha sa yi te, thluechiy pi yi te “Cawsaa” ta pata ming a sa yi. 3Adam ca kung zakha sawthung a ta pata ama a lupa sacapaa pakha sa te Seth ta pata ming a sa. 4Seth a sa khutaata Adam ca kung zacari hring kalie te sacanung sacapaa hrangpa zaw kha a sa yi. 5Adam ca a bangkhuo ta kung zacaky sawthung hring te a thiy.
6Seth ca zakha kung pangaa a ta pata Enosh kha a sa. 7Enosh a sa khutaata zacari kung sariy hring te sacanung sacapaa hrangpa zaw kha a sa yi. 8Cakhutaa cata Seth ca zacaky kung hraa hlyihning hring te a thiy.
9Enosh ca kung sawcaky a ta pata Kenan a sa. 10Enosh ca Kenan a sa khutaata za cari kung hraa hlyipangaa hring te sacanung sacapaa hrangpa zaw kha a hnyi khutaa yi ta a thiy. 11Cahaacata Enosh ca a bangkhuo ta sawcaky kung pangaa hring te a thiy.
12Kenan ca kung sawsariy a ta pata Mahalalel kha a sa. 13Mahalalel a sa khutaata zacari kung sawliy hring te, sacanung sacapaa hrangpa zaw kha a sa. 14Kenan ca a bangkhuo ta zacaky kung hraa hring te a thiy.
15Mahalalel ca sawcaruv kung pangaa a ta pata Jared kha a sa. 16Jared a puv khutaata zacari kung sawthung hring te sacanung sacapaa hrangpa zaw kha a sa yi. 17Mahalalel ca a bangkhuo ta zacari sawcaky kung pangaa hring te a thiy.
18Jared ca kung zakha sawcaruv kung hning a ta pata Enok a sa. 19Enok a puv khutaata kung zacari hring te sacanung sacapaa hrangpa zaw kha a sa yi. 20Jared ca a bangkhuo ta za caky sawcaruv kung hning hring te a thiy.
21Enok ca kung sawcaruv kung pangaa a ta pata Methuselah a sa. 22Cakhutaa cata Khazing hne a viesaa pata kung zakha sawthung hring te sacanung sacapaa hrangpa zaw kha a sa yi. 23Cakhutaa cata Enok ca zathung sawcaruv kung pangaa a hring. 24#Heb 11.5; Jud 14 A hring chung bangkhuo Khazing hne a viesaa te Khazing ta a la nakawta ama ca aw va tli.
25Mathuselah ca zakha sawcari kung sariy a ta pata Lamek a sa. 26Lamek a puv khutaata zasariy sawcari kung hning hring te sacanung sacapaa hrangpa zaw kha a sa yi. 27Mathuselah ca a bangkhuo ta kung zacaky sawcaruv kung caky hring te a thiy.
28Lamek ca zakha sawcari kung hning a ta pata sacapaa pakha sa te, 29“Hingpa paa hing ca Abyipa ta chie a sapa alyi lie ma kuv ta ruvnaasa pata re ma hriena taa hingta malie a palawsa riypa tana a cuo aa,” tana ta Noah ta pata ming a sa. 30Noah a puv khutaata zapangaa sawcaky kung pangaa hring te sacanung sacapaa hrangpa zaw kha a sa yi. 31Lamek ca a bangkhuo ta zasariy sawsariy kung sariy hring te a thiy.
32Noah ca kung zapangaa a ta pata Shem, Ham, hne Jafeth kha a sa yi.
Currently Selected:
SAHRUOTHUNA 5: LNT
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Lutuv Holy Bible © Bible Society of Myanmar, 2023.