Palapasang 27
27
Dasuro’ mamola kosan panutung pamindaraan
1“Jaji mamolakin kosan panutung pamindaraan, ipola dari kayu akasiaan. Polana arung segi ampat. Langkena arung 2,2 meter, buka’a arung kenang bea, 2,2 meter. Kadenga inait arung 1,3 meter. 2Di susu’ ampat arung ipola tanduka, ipola sakala nanna kasa. Laloang arung ilapisi samuana nanna tamagaan. 3Ambata gulungan alatapi arung dari tamagaan kausa polana. Ambata kualiin datiang mala kutu apiin, ambata sekopen, ambata basikomen, ambata garpu panjaput isi’ inatangen nanna karan apiin arung ipola kausa dari tamagaan.
4“Ilalama kosan panutung dinen arung imeang bea ringka’ kawat, laloang di susu’ ampata ringka’ dinen arung ipolaang kangkalung tamagaan. 5Laloang ringka’ dinen arung ipalakat inyaunga jalur kas panutungen dinen supaya salangke aduduka dinen ilalam kasen. 6Maminna dinen arung ipolaang bapi kayu gugulungen tiang panangkun kosan panutungan pamindaraan, arung ilapisi nanna tamagaan. 7Kayu dinen arung irurukang lo’a kangkalungen dua balina kosan panutunganen dinen tiang panangkun. 8Kosan panutungen dinen arung ipola nanna papanen. Itanga’ inang arung kosan isi’a, arung aloang. Polana dinen arung ilola’ani jaji sonto kumeangen lo’u di ukit di’en,” ingka kenang paba’ina i Yahuwe lo’a baki’ Musa.
በአሁኑ ጊዜ የተመረጠው፡
Palapasang 27: EBE
ማድመቅ
ኮፒ
አወዳድር
ያጋሩ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Copyright New Tribes Mission 1997
