Laataanooji 2
2
1Bana nii tageeki asamanji e lesdi e ko woni nder maaji fuu timmidiri. 2Haa nyalaade joweeɗiɗawre waɗa, Allah timmini kuugal muuɗum, o siwti nyalaade joweeɗiɗawre man#Ibr 4:4-10.. 3O barkiɗini nde, o seni nde. Ngam nder maare o siwti e tagugo kuuje fuu#Gurt 20:11.. 4Kanjum woni habaru tageeki asamanji e lesdi.
Neɗɗo nder jarne Adnin
Saa'i Jawmiraawo Allah tagi lesdi e asamanji, 5walaa guuɓe dow lesdi tawon, haakooji gese boo puɗaay, ngam Allah Jawmiraawo toɓnaayno iyeende dow lesdi, saa'i maajum walaa neɗɗo tawon haa rema ndi. 6Ammaa ndiyam ɗonno wurto diga lesdi, ɗonno yarna ndi. 7Bee mbulwuldi lesdi Jawmiraawo Allah tafri neɗɗo. O fuufi poofɗe ngeendam nder kine maako, nden o laati neɗɗo geeto#1 Kor 15:45.. 8Allah Jawmiraawo jubi jarne haa Adnin, heedi fuunaaŋge. O jo'ini neɗɗo mo o tagno ɗum haa ton. 9Nden o fuɗni leɗɗe feere feereeje booɗɗe dow lesdi, belɗe boo haa nyaamugo. Haa caka cak jarne boo, o waɗi lekki ngeendam e lekki dokkanki faamu anndugo booɗɗum e kalluɗum#WY 2:7; 22:2,14..
10Maayel wurti diga Adnin ngam yarnugo jarne go. Diga ton ngel sennditi, ngel laati maaje nayi. 11Innde maayel aranel, Pison, kaŋgel taari lesdi Hawila fuu, haa ton kaŋŋeeri tawete. 12Kaŋŋeeri lesdi maajum woodi saman ɗuuɗɗo. Ɗaccere uurnde ɗon tawe ton boo, non boo hayre onikis#2:12 Onikis ɗum hayre ɗuuɗa samanre, marnde noone feere feere.. 13Innde maayel ɗiɗaɓel, Gihon, kaŋgel taari lesdi Kus fuu. 14Innde maayel tataɓel, Hiddekel, ngel ɗon ilda fuunaaŋge Assuura. Maayel nayaɓel woni Efratis.
15Jawmiraawo Allah hoo'i neɗɗo go, jo'ini ɗum nder jarne Adnin haa o rema ɗe, o ayna ɗe. 16Jawmiraawo Allah umri mo: “A waawan nyaamugo ɓiɓɓe leɗɗe koo ɗeye fuu nder jarne, 17ammaa taa nyaam ɓiɓɓe lekki dokkanki faamu e anndugo booɗɗum e kalluɗum. Ngam nyalaade nde nyaamata, a maayan fakat.”
18Nden Jawmiraawo Allah wi'i: “Ɗum wooɗaay haa neɗɗo wona feere mum. Mi waɗanan mo balloowo, pottananɗo mo.” 19Jawmiraawo Allah tagi dabbaaji ladde e colli fuu bee mbulwuldi lesdi. O waddi ɗi haa neɗɗo ngam o nana no neɗɗo inndinirta ɗi ngam haa ko mari yoŋki fuu mara innde nde neɗɗo inndini ɗum. 20Neɗɗo inndi dabbaaji e colli e kuuje ladde fuu. Ammaa o heɓaay balloowo, pottananɗo mo.
21Nden Jawmiraawo Allah neldi ɗoyŋgol tedduŋgol dow maako. O hoo'i beccal neɗɗo gootal, o maɓɓi nokkuure maajum bee kusel. 22Bee beccal nga'al Allah Jawmiraawo waɗi debbo, yahri mo haa neɗɗo. 23Nde neɗɗo yi'i mo, o wi'i: “Jonta kam ndaa i'al diga i'e am e kusel diga kusel am. O ewneteeɗo debbo, ngam o hoo'aama diga gorko#2:23 Kalimawol bi'anŋgol gorko e debbo nder Ibraniŋkeere ɗon nanndi.#Mat 19:5; Mk 10:7-8; 1 Kor 6:16; Ef 5:31-32..” 24Ngam maajum gorko accan baaba muuɗum e daada#2:24 Daada malla inna. muuɗum, ɗakkotiran bee debbo muuɗum. Ɓe laatoto ɓanndu wooru. 25Gorko e debbo muuɗum fuu ɓe temmbuɓe, ammaa koo moy maɓɓe semtaay yeeso tanum.
Currently Selected:
Laataanooji 2: FBDC
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
DEFTERE ALLAH © Alliance Biblique du Cameroun, 1994.