LUKE 3
3
Baptispa Johan Leh A Thupuak
(Matt. 3.1-12; Mk. 1.1-8; Jn. 1.19-28)
1Tiberias Kaisar vaihawm kum sawmlehnga kum in, Judia gamukpa Pontia Pilat ahi a, Galili gam kumpipa Herod ahi a, a unau Philip, Ituria leh Trakoniti gam kumpipa ahi a, Abilin gam kumpipa Lusania ahi. 2Annas leh Kaiapha siampu lianpen ahi ua, huailai in Gamdai ah Zakariah tapa Johan kiang ah Pathian thu a hongtung hi. 3Amah bel Jordan luigei kim gam tengteng ah a hoh a, thil hihkhial ngaihdamna ding in kisikna baptisma thu a gen zel hi. 4Zawlnei Isai laibu a,
“Gamdai a kikou aw in,
Toupa lamlian sial unla,
a lampite tangsak un.
5Guam chih sundim ahi ding a,
tang leh mual chih, hihniam ahi ding; lampi kawite tansak ahi ding a, lampi phokte mamsak ahi ding.
6Huan mi tengteng in Pathian hotdamna a mu ding uh”
a chi, chih gelh bang in.
7Aman baptisma tangding a kiang a mipi hongsukte kiang ah, “Gul suante aw, thangpaihna hong tungding taisan ding a kuan hon vauhilh ahia? 8Huchi in kisik minpu tak in gah un, Abraham ei hon suangpa ahi na lungsim un chi kei un; Pathian in hiai suangte Abraham suante in a dingsak thei chih k’on hilh ahi. 9Tu mahmah in heipi singbul teng ah koih ahita; huchi in, sing chih gah hoih a gahlou peuhmah phuk in a om a, mei ah paih in a om” a chi hi.
10Huan mipite’n a kiang ah, “Bang ka hih ding ua?” a chi ua, a dong uhi.
11Aman, a kiang uah, “Kuapeuh puanak nih nei in a neilou kiang ah hawm hen; kuapeuh an nei in huchibang mah in hih hen” chi in, a dawng hi.
12Huan siahkhawnmite leng baptisma tang ding in a hong ua, a kiang ah, “Sinsakpa, bang ka hih ding ua?” a chi uhi. 13Aman a kiang uah, “Hon sehsak val uh khon kei un” a chi hi.
14Sepaihte’n leng a kiang ah, “Kou leng bang ka hih ding ua?” a chi ua, a dong uhi. Aman a kiang uah, “Kuamah hiamgam in hih kei unla, diklou pi in kuamah hek kei unla, na loh uah lungkim un,” a chi hi.
15Huan mite’n a lamet ua, mi tengteng in Johan tungthu a lungtang ua, Khrist ahi kha zenzen diam aw? chi a a ngaihtuah lai un, 16Johan in a dawng a, avek ua kiang ah, “Ken tui in k’on baptist a, himahleh keimah sang a mi thupizaw a hongpai ding, a khedap khau pheltak leng ka hi kei; aman Kha Siangthou leh mei in nou a hon baptist ding. 17A khut in a phazah a tawi a, a phual zapsiangna ding leh buhpang a buhte sunlutna ding in; a site mei mit ngeilou ah a haltum ding” a chi hi.
18Huan hanthawnna tampi in mite kiang ah Tanchinhoih a hilh zel hi. 19Himahleh kumpipa Herod in a naupa zi, Herodia tungthu ah leh a thilhihkhelh tung a Johan in a taihilh ziak in, 20A thilhihkhelh tengteng behlap in amah suangkulh ah a khum hi.
Jesu Baptisna
(Matt. 3.13-17; Mk. 1.9-11)
21Huan mi tengteng a baptist zoh in, hichi ahi a, Jesu leng baptist zoh a a om in, a thum a, van a hong kihong hi, 22Kha Siangthou sa pu in vakhu bang in a hongsuk a, a tung ah a tuta a; van a kipan in aw a hongpawta, “Nang ka Tapa deihtak na hi; na tung ah ka kipak mahmah” a chi hi.
Jesu Khangsutna
(Matt. 1.1-17)
23Huan Jesu’n thu a hilh pattunglai in amah kum sawmthum vel ahita, mi ngaih in zaw Joseph tapa ahi a, huai Heli tapa ahi a, 24huai Matthat tapa ahi a, huai Levi tapa ahi a, huai Melki tapa ahi a, huai Janna tapa ahi a, huai Joseph tapa ahi a, 25huai Matthathi tapa ahia, huai Amos tapa ahi a, huai Nahum tapa ahia, huai Esli tapa ahi a, huai Naggai tapa ahi a, 26huai Maathi tapa ahi a, huai Matthathi tapa ahi a, huai Semmei tapa ahi a, huai Josek tapa ahi a, huai Joda tapa ahi a, 27huai Joanan tapa ahi a, huai Rhesa tapa ahi a, huai Zerubbabel tapa ahi a, huai Salathiel tapa ahi a, huai Neri tapa ahi, 28huai Melki tapa ahi, huai Addi tapa ahi, huai Kosam tapa ahi, huai Elmadam tapa ahi, huai Er tapa ahi, 29huai Joses tapa ahi a, huai Eliezer tapa ahi a, huai Jorim tapa ahi a, huai Matthat tapa ahi, 30huai Levi tapa ahi a; huai Simeon tapa ahi, huai Juda tapa ahi, huai Joseph tapa ahi, huai Jonam tapa ahi, huai Eliakim tapa ahi a, 31huai Melia tapa ahi, huai Menna tapa hi, huai Mattatha tapa ahi a, huai Nathan tapa ahi, huai David tapa ahi, 32huai Jesse tapa ahi, huai Obed tapa ahi a, huai Boaz tapa ahi a, huai Salmon tapa ahi a, huai Nahson tapa ahi, 33huai Aminadab tapa ahi, huai Aram tapa ahi, huai Esrom tapa ahi a, huai Parez tapa ahi, huai Juda tapa ahi, 34huai Jakob tapa ahi, huai Isak tapa ahi, huai Abraham tapa ahi a, huai Tera tapa ahi a, huai Nahor tapa ahi. 35Huai Serug tapa ahi, huai Reu tapa ahi, huai Peleg tapa ahi, huai Eber tapa ahi, huai Selah tapa ahi, 36huai Kainan tapa ahi, huai Arpaksad tapa ahi, huai Sem tapa ahi, huai Noah tapa ahi, huai Lamek tapa ahi, 37huai Methusel tapa ahi, huai Enok tapa ahi, huai Jared tapa ahi, huai Mahalalil tapa ahi, huai Kainan tapa ahi, 38huai Enos tapa ahi, huai Seth tapa ahi, huai Adam tapa ahi, huai Pathian tapa ahi.
المحددات الحالية:
LUKE 3: PAITBSI
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.