Kutachika 28
28
1Isaka wamutambikili Yakoba, wamukiswilili nkisu, wamulejeli nindi, Bayi wakasumbula #24:3mumbanda wamunu muKenanuku.
2Nyamukaku, wuyi kuPadani Arama, kwaBetuweli, nkaka yeyi wavweli mama yeyi, wusumbwiluku mwana kamandumi yeyi Labani.
3Nzambi #17:1Chinyaweji #Kuch 6:24; Luti 2:4; Mas 134:3; Yer 31:23akakukiswili nkisu,
Akakwilishi nsemi, akakuvulishi,
Wakeli mukanka waweni wanyichidi yawantu.
4 #
12:2-3; 15:7 Akakukiswili nkisu yaAbarahama,
Akakwinkichu nineyi nianyaneyi hamu,
Kulonda wakaswani ituŋa diwashakama,
Damwinkeluwu Abarahama kudi Nzambi.
5Isaka wamwilili Yakoba nindi, Yaŋa; hakuya kwindi kuPadani Arama, kudi Labani, mwana kakaSiriya Betuweli, yowu manakwaRebeka, mama yaYakoba naEsawu.
6Esawu wamweni Isaka namukiswili dehi Yakoba nkisu, namutemeshi dehi nindi yaŋa kuPadani Arama wakasumbwiluku mumbanda; wamweni chamukiswililiyi Isaka, hakumuleja nindi bayi wakasumbula mumbanda wamunu muKenanuku;
7wamweni Yakoba niyena novwahili dehi mama yindi natata yindi, nayi dehi nikuPadani Arama.
8Esawu wamweni komana tata yindi Isaka hayikeŋeli ambanda akuKenanuku,
9niyena Esawu hakuya kwindi kudi Ishimeli, hakusumbwilaku Mahalati, mwana kaIshimeli mwana kaAbarahama, muhelaNebayoti, alunjiki hadi aŋodijindi adiŋiyi nawu.
Kulota kwaYakoba kuBeteli
10Yakoba wafumini kuBerisheba, hakuya kuHarana.
11Washikili hakadisaŋa kamu, wakamini kwenoku wufuku wejima, muloŋa itaŋwa dinahumi dehi; wanoneni ilola dimu dakwenoku, wasachililuhu mutu windi, wakamamini kwokwenoku.
12Waloteli ndalu yakwimika heseki, insa yayu yashika nimwiwulu; aŋelu jaNzambi #Yow 1:51hiyakukandaminahu, hiyakusulukilahu.
13Kutala Yehova nemani hewulu, hakwila nindi, Yami Yehova, Nzambi yatata yeyi Abarahama, Nzambi yaIsaka; ituŋa diwunakamami nakakwinkadu nineyi nianyaneyi.
14Anyaneyi akekala neyi lunkuŋu lwahamaseki kuvula, eyi wakatanda nikumujika nikumusela, nikukabeta nikukabeta; mudeyi nimudi anyaneyi, yisaka yejima yahamaseki yakamwenamu kukooleka.
15Tala, ami nidi neyi, #Kuhit 31:6, 8; Yosh 1:5; Mas 121:5, 7-8; Heb 13:5nakakuhembaŋa kwejima kuwakaya, nakakufuntisha cheŋi mwituŋidi; hinamba kakushiyaku, chiŋa nakela mwejima munakuleji to-o.
16Yakoba watoneni, welili nindi, Komana chalala Yehova wudi kunu, ami kwami hinachilukaku.
17Watiyili woma, nindi, Hanu #Mas 68:35hafwana kwaamu. Komana kunu kwokwitala daNzambi hohu, komana kwokuchisu chamwiwulu.
18Yakoba wahindukili ntetemena yayeni, hakunona ilola dasachililiyi mutu windi, #31:13, 45, 51; Kwi 24:4; Yosh 24:26-27hakudiimika kaposhi, yohuŋununa #Lev 8:10-12nimanji hewulu dadu.
19Kwenoku watumbiluku ijina, nindi kuBeteli (Itala daNzambi), ilaŋa hakusambila ijina damukala dadiŋi Luzi.
20Yakoba #31:13hakukana, nindi, Neyi Nzambi wakekalaŋa nanami, neyi wakanhembaŋa munjila yinukwenda, neyi wakanyinkaŋa niyakudya nimahina akuvwala,
21mwaka nakafunti cheŋi chachiwahi kwitala datata, Yehova wakekala #Kwi 15:2; Kuhit 26:17; Yosh 24:18; Mas 48:14; 118:28Nzambi yami,
22niilolidi dinemiki kaposhi dakekala itala daNzambi; yuma yejima yiwakanyinka #14:20; Kuch 18:21; Luk 18:12nakabalula yibalu ikumi nakanonamu chimu nakukwinkachu.
المحددات الحالية:
Kutachika 28: MWW04
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
The Holy Bible in Lunda Ndembu © United Bible Societies, 2003.