Kutachika 29
29
Yakoba hakushika kuHarana
1Yakoba hakuya munjila yindi, hakushika kwituŋa dawantu akumusela.
2Watalili kumpatoyu kwadiŋi ishima, kutala kunakami nyikanka yanyikoku yisatu; mwishimodu dimu mwanwishilaŋawu yimuna; niilola dajikiluwu #24:11kwishima dadiŋi deneni.
3Yimuna yejima yapompelaŋa kwenoku; akunkumwinaŋa ilola kwishima hiyakunwisha nyikoku, hiyakusha cheŋi ilola kwishima kudadiŋi.
4Yakoba hakuyila nindi, Enu anakwami, mwafuma kudihi? Nawu, Etu twekala kuHarana.
5Wayilili nindi, Enu mwamwiluka Labani mwana kaNahori? Nawu, Twamwiluka.
6Wayilili nindi, Washakama chachiwahi? Nawu, Washakama chachiwahi. Mwanindi Racheli iwu wukwinziwu nanyikoku.
7Yakoba nindi, Itaŋwa dichidi mwiwulu, hidihu hapompeshaŋawu yimunaku; yinwishenu nyikoku muyi nakuyidiisha.
8Nawu, Hitukutweshaku, chiŋa yimuna yejima ayipompesha, hiyakukunkumuna ilola kwishima; hitukuyinwisha dinu nyikoku.
9Wuchidi kuhosha nawu, Racheli hakwinza #Kwi 2:16nanyikoku yatata yindi, muloŋa diyi wayibiŋilaŋa.
10Yakoba chamweniyi Racheli mwana kamandumi yindi Labani, ninyikoku yamandumi yindi Labani, Yakoba hakuswila kwakwihi, hakukunkumuna ilola dadiŋi kwishima, hakunwisha nyikoku yamandumi yindi Labani.
11Yakoba hakumupwepujola Racheli, hakutwala izu dindi hewulu nekumbu dakudila.
12Yakoba wamulejeli Racheli nindi, Ami nimwiha katata yeyi, nimwana kaRebeka. Niyena hakuya lufuchi nakumuleja tata yindi.
13Chatiyiliyi Labani nsaŋu yaYakoba mwihawindi, hakuya lufuchi nakumukinkilila, hakumukumbata nakumupwepujola, hakumutwala nikwitala dindi. Yakoba wamulejeli Labani yumiyi yejima to-o.
14Labani wamwilili nindi, Chalala mwayedi wetu mwevumu detu. Washakamini nindi mwahitili kakweji.
Yakoba hakusumbula Leya naRacheli
15Labani hakumwila Yakoba, nindi, Ochu chiwudi ntaŋa yami wunkalakeli chamukunkulwayi? Nleji dinu wulooku wunakakwinka.
16Labani wadiŋi nawanyanindi awambanda ayedi; wamukulumpi ijina dindi Leya, wakansi ijina dindi Racheli.
17Mesu aLeya adiŋi kukola chalala nehi, hakwila Racheli wadiŋi walubanji nikumujimba nikumesu.
18Yakoba #24:67; Hos 12:12wakeŋeli Racheli; welili nindi, Nukukukalakela nyidimu nyaka yitanu nayiyedi, wakanyinki mwaneyi wakansi Racheli.
19Labani nindi, Chachiwahi nikwinkiyi eyi, ochu nimwinki iyala wacheŋi? Shakamaku nanami.
20Yakoba wamukalakeleli Racheli nyaka yitanu nayiyedi; wayimweni neyi himafuku antesha hohu nanochu chamukeŋeliyi.
21Yakoba wamwilili Labani, nindi, Nyinki iŋodami, muloŋa mafuku ami anawanini dehi, kulonda niiŋili mudi yena.
22Labani wapompesheli amayala ejima akwenoku, watelekeli chawija.
23Hamelela watambwili mwanindi Leya, hakumutwala kudi Yakoba; niyena weŋilili mudi Leya.
24Labani wamwinkeli mwanindi Leya nduŋu yindi wamumbanda, ijina dindi Zilipa, kulonda akeli nduŋu yindi.
25Hantetemena kutala komana hiLeya; hakumwila Labani, nindi, Eyi wunaŋili ŋahi? Ami nakalakalaŋa kudeyi nami wunyinki Racheluku? Ndochu #27:36wunandimbilidi?
26Kuchinka Labani nindi, Kwenakunu kusambila kusumbwisha kansi, mukulumpi kanda, hitwachilaŋaku.
27Wanishaku mulungu wayeniwu, nimukwawu tukukwinkayi nanyidimu yiwakakalakala kudami nyaka yikwawu yitanu nayiyedi.
28Dimu mweliliyi Yakoba, wawanishili mulungu wamumbanda; Labani wamwinkeli nimwanindi Racheli kulonda akeli iŋodindi.
29Labani wamwinkeli mwanindi Racheli nduŋu yindi wamumbanda, ijina dindi Biliha, kulonda akeli nduŋu yindi.
30Weŋilili nimudi Racheli, Racheli diyi akeŋeliyi nankashi, Leya hamukeŋeli chalalaku. Wakalakeli nyaka yikwawu yitanu nayiyedi kudi yena.
Anyana kaYakoba
31Yehova chamweniyi Leya anamuheli, wamujikwili lusemu mwivumu; hakwila Racheli wekalili #11:30nshinta.
32Leya yobaaba niivumu, yovwala nimwana weyala, yomutumba niijina dindi, nindi Rubeni (Mwana weyala owu), nindi, Nanochu chanataliyi Yehova yihuŋu yami; ichi dinu mfumwami wukunkeŋa.
33Wabaabili cheŋi ivumu dikwawu, wavweli mwana weyala; nindi, Nanochu chanatiyiyi Yehova chananheluwu, dichi chananyinkeliyi niyeniwu nawa; yomutumba ijina dindi, nindi Simeyona (Kutiya).
34Wabaabili cheŋi ivumu dikwawu, wavweli mwana weyala; nindi, Ichi dinu chinavwali, mfumwami wukudikunda nanami, nanochu chinamuvweli anyanindi amayala asatu. Wamutumbili ijina dindi, nindi Levi (Kukundama hamu).
35Wabaabili cheŋi ivumu, wavweli mwana weyala; nindi, Ichi chinavwali ichi nukumusakilila Yehova. Dichi chamutumbililiyi ijina dindi, nindi Yuda (Kushimeka). Yokumisha nikuvwala.
المحددات الحالية:
Kutachika 29: MWW04
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
The Holy Bible in Lunda Ndembu © United Bible Societies, 2003.