Kutachika 32
32
Yakoba hakuloŋesha mwakuhumaŋena naEsawu
1Yakoba niyena hakuya munjila yindi, #16:11; 1 Kush 21:15; Mas 34:7; 91:11; Dan 6:22aŋelu jaNzambi hiyakubulakana nindi.
2Yakoba chayimweniyi, wahosheli nindi, Dichi chiimba chaNzambi; henohu yotumbahu niijina nindi, HaMahanayimi (Yiimba yiyedi.)
3Yakoba watemeshelaŋahu dehi antemesha jindi kudi manakwindi Esawu, kwituŋa dakuSeyiri, mpata yaEdomi.
4Wayilejeli nindi, Mwakamwila mwanta wami Esawu, nenu, Kambuŋeyi Yakoba nahoshi nindi, Ami nayili nakushakama chawenyi naLabani, nashakami nindi shakame-e, chochinukufumaku ichi;
5naheti niaŋombi, niayimbulu, nianyikoku nawampembi, nianduŋu jami amayala nawambanda. Natemeshi nami nimuleji mwanta wami, kulonda yena akantiyili luwi.
6Antemesha afuntili cheŋi kudi Yakoba nakumwila nawu, Kudi manakweyi Esawu tunashiki, hakwinza nakukukinkilila, nasendi mayala nkulakaji jiwana (400).
7Yakoba watiyili woma waweni, #35:3; Mas 4:1; 77:2; 107:6nimuchima mwivumu la-ku; antu adiŋiyi nawu, niyimuna yanyanya, niyimuna yamaneni, niaŋameli, waambwili nyikanka yiyedi.
8Nindi, Neyi Esawu wakawana mukanka wumu nakuyitapa, mukanka wukwawu wukushalahu wukutemuka.
9Yakoba welili nindi, #26:3; 31:13Eyi Nzambi yatata yami Abarahama, Nzambi yatata yami Isaka, eyi Yehova, yeyi waŋilili neyi, Funtaku kwituŋa denu, nikudi antaŋa jeyi, nukukwila mwamuwahi.
10Luwi lweyi lwejima ninsaŋu yeyi yalala yejima yiwunanmwekesheli ami kambuŋeyi, ami hinateluku kushikilamu nehi; ami nazambukili Yodana iwu kwanamutondu wami, hakwila ichi nela dehi niyendu yiyedi.
11 #
Mas 59:1; 143:9 Aŋamwini mwani, kudi manakwami, kudi Esawu, namutiyi woma nami wukwinza nakuntapa, niambanda nianyanawu.
12Eyi waŋilili neyi, Chalala nukukwila mwamuwahi; neyi, Anyaneyi nakayivulisha neyi #12:2; 22:17wusekulula wakukaluŋalwiji wakaŋanyaŋa kuchindawu nanochu chiwasweja kuvula.
13Wufuku wuna wakamini kwenoku; kuyuma yindi yadiŋiyi nayu waambwiluku yikwawu yakwinka manakwindi #43:11, 15, 25-26; Yish 18:16yamukunkulu;
14mpembi janyikaji nkulakaji jiyedi (200), jayizamba makumi ayedi (20), nyikoku yanyikaji nkulakaji jiyedi (200), jayizamba makumi ayedi (20),
15aŋameli achidi kwamwisha makumi asatu (30), nianyanawu, aŋombi anyikaji makumi awana (40), amayala ikumi, ayimbulu anyikaji makumi ayedi (20), nianyana ikumi.
16Wayinkeli aŋamba jindi, hachendu hachendu, wayilili aŋamba jindi, nindi, Yenuŋahu dehi kumbidi, shenu kachintampu hakachi kachendu nachendu.
17Wamulejeli wátwamininuku, nindi, Chakukubulakanayi manakwami Esawu chakakwihulayi nindi, Indeyi wumuntu wanyi? Wukuyahi? Indi awa ayimuna wudi nawu anyi?
18eyi kweyi wakela neyi, Akambuŋeyi Yakoba; hiyuma yanakutemesheliyi eyi, yakukwinka chamukunkulu, eyi mwanta Esawu, yomwenindi wudi nakwinza munyima.
19Walejeli wamuchiyedi, niwamuchisatu, niwejima wawu abiŋili yendu yayimuna, nindi, Chimukumubulakana Esawu mwakamulejaŋa chochenochu.
20Mwakamwilaŋa nenu, Niyomwenindi kambuŋeyi Yakoba wudi nakwinza munyima, nindi, Nayumoyu yamukunkulu yikuyaŋahu dehi #1 Sam 9:7; 2 Anya 8:9nasumi nachu kumpoku, hakukumininaku twakadimona nindi kumesu; kwiji #Kwi 28:38; Mal 1:8; 2 Pet 1:11wakaŋiteja.
21Nochu yuma yamukunkulu yayilaŋahu dehi kumbidi, hakwila yena yomwenindi wufuku wuna wakamini hachiimba.
22Wanyamukili wufuku wuna, wasendeli niaŋodijindi mwayedi wawu, nianduŋu jindi awambanda mwayedi wawu, nianyanindi ikumi nawumu (11), hakuzambuka hamwaba waYaboki.
23Wayitweluku nakuyizambwisha kakaloŋoku, wazambwishili niyuma yadiŋiyi nayu.
24Yakoba yoshala nikankawindi; muntu hakudikwata nindi nakulwisha nindi lwishe-e, nichikwachili.
25Chanamoniyi namukaŋanyi, hakumukwata mulukuma lwindi; chakulwishayi nindi mulukuma lwaYakoba himukuchiŋumuka.
26Mukwawu nindi, Ŋumbuku, hikukucha. Yakoba nindi, Ami kukuumbaku nehi, chiŋa #Hos 12:4wunkiswila nkisu.
27Mukwawu wamwilili nindi, Ijina deyi, yeyinyi? Wakwili nindi, Yami Yakoba.
28Mukwawu nindi, #Isa 56:5Ijina deyi hiyakaditena cheŋi nawu Yakobaku, chiŋa nawu Isarela (Kalamba kaNzambi) nanochu chiwunalwishi naNzambi ninawantu, hiwukwimika nimushindu.
29Yakoba wamwihwili nindi, Anleji mwani ijina deyi. Mukwawu nindi, Wukwihwiladi #Kwi 3:13; 6:3; Ansomp 13:17-18ijina dami? Hakumukiswila ninkisu kwokwenoku.
30Yakoba kwenakuna watumbiluku ijina, nindi kuPenuweli; nindi, Nanochu chinadimoni naNzambi kumesu, niwumi wami anawuhandishi.
31Chazambukiliyi Penuweli kutala itaŋwa hidikusela, yena hakubalakata kulukuma lwindi.
32Anyana kaIsarela dichi chabulilaŋawu kudya mujila wakulukuma nikulelu, nanochu chamukwatiluwu Yakoba mulutuŋu lwekata hamujila wamulukuma.
المحددات الحالية:
Kutachika 32: MWW04
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
The Holy Bible in Lunda Ndembu © United Bible Societies, 2003.