Kutachika 31
31
Yakoba hakumutemuka Labani
1Yakoba watiyili mazu ahoshelaŋawu anyana kaLabani amayala, hiyakwila nawu, Yakoba namutambuli tata yetu yuma yindi yejima; kuheta kwejimiku nachimweni kuyuma yatata yetu.
2Yakoba watalili kumesu aLabani, hikwacheŋi hohu, kumutalaŋa neyi chamutalilaŋayi hakusambila nehi.
3Yehova wamwilili Yakoba nindi, #32:9; Kuhit 30:3; Yer 30:3Funtaku kwituŋa dawankaka jeyi, kudi antaŋa jeyi, ami #21:22nakekala neyi.
4Yakoba watemesheli nakutambika niRacheli niLeya, nindi enzi kumpata kwadiŋi yimuna yindi,
5hakuyila nindi, Namoni kumesu atata yenu kwanyiku hohu, hantalaŋa neyi chantalilaŋayi hakusambilaku; ilaŋa Nzambi yawankaka jami, wadiŋi nanami.
6Enu mweluka chinamukalakeleli tata yenu naŋovu jami jejima.
7Tata yenu #Lev 6:2nandimbi, nabalumuni wulooku wami mapampa ikumi, ilaŋa Nzambi hanamwiteji kuŋila chatamaku.
8Neyi welili nindi, Amansamansa diwu wulooku weyi, ayimuna ejima hiyakusema amansamansa. Neyi welili nindi, Anyilenji diwu wulooku weyi, ayimuna ejima hiyakusema anyilenji.
9Chochina Nzambi namutambuli tata yenu yimuna yindi, nayinyinkuwu ami.
10Hemitilaŋawu ayimuna mavumu awu, ami nafumbwili mesu ami, naloteli ayizamba awampembi akukandama komana wowu anyilenji, niamansamansa, niafuwala.
11Kaŋelu kaNzambi hakuŋila, nindi, Eyi Yakoba. Ami nami, Vude.
12Nindi, Fumbulaku mesu eyi, wutali, ayizamba ejima awampembi akukandama wowu anyilenji, niamansamansa, niafuwala. Muloŋa namoni yuma yejima yadi nakukwilayi Labani.
13Yami Nzambi #28:10-22wakuBeteli, kuwawayishili ilola manji, kuwadikanininumu; nyamukaku dinu, fumaku mwituŋidi, wufunti mwituŋa diwavwalikilili.
14NiRacheli niLeya amwakwili nawu, Ochu mwitala datata yetu mwashala nawa cheŋi hela yuma yetu yakutwanjaŋenawu, hela wuswana wetu?
15Natufuukuli dehi kwindi nindi #Luti 2:10; 2 Sam 15:19tuyenyi hohu. Watulandisha dehi kwindi. Wadya dehi nimali etu ejima to-o.
16Maheta ejima anamutambuluwu tata kudi Nzambi, anetu nawanyanetu. Dichi dinu mwejima mwanakulejiyi Nzambi, ilakumu.
17Yakoba wanyamukili, washili nianyanindi niaŋodijindi haŋameli.
18Wasendeli niyimuna yindi yejima, niyuma yindi yaheteliyi yejima, yoyimuna yaheteliyi, yoyapompesheliyi muPadani Arama, nindi akayi kudi tata yindi Isaka, mwituŋa daKenani.
19Henohu Labani wadiŋi waya nakutewula nyikoku yindi mavuji, Racheli hakwiya #Yosh 24:14; Ansomp 17:5; 18:14, 17, 24, 30; 2 Anya 23:24ankishi jamwitala datata yindi.
20Yakoba wamuwombolokeli kaSiriya Labani; chatemukiliyi hamulejeli mwokuku.
21Nochu watemukili nayuma yindi yejima. Wanyamukili nakuzambuka kaloŋa Yufurati, watalishili mesu indi kumpidi yakuGileyadi.
Labani hakumulondela Yakoba
22Hefuku damuchisatu amulejeli Labani, nawu Yakoba #Kwi 2:15; 14:5; 1 Anya 19:3natemuki.
23Wasendeli antaŋa jindi, wamulondeli kwenda kwamafuku atanu nayedi, wamuweni kumpidi yakuGileyadi.
24KaSiriya Labani waloteli nawufuku Nzambi wenjili kudi yena, wamwilili nindi, Babalaku wakenza kahosha Yakoba hela mwamuwahi hela mwatama.
25Labani wamushintakesheli Yakoba. Kumuwana Yakoba nalemi dehi itenti dindi hampidi. NiLabani niantaŋa jindi alemeni matenti awu mwomumpidi yakuGileyadi.
26Labani hakumwila Yakoba, nindi, Wuneli ŋahi chiwunanwomboloki, hiwukutwala nianyanami neyi kwiji ankoli akukwata kunjita?
27Indi eyi watemukililidi kumbadi, wunwomboloki chakunwomboloka? nikunlejamu ami nehi, kulonda nikwendeshi chachiwahi nakuseha, natumina, natuŋoma, natudada;
28nikuŋiteja kupwepujola anyanami amayala nawambanda nehi. Ichi chiwuneli chawusupi hohu.
29Nikweti ŋovu yakukukatisha; ilaŋa Nzambi yatata yeyi wankumika wufuku walelu, nindi, Babalaku wakenza kahosha Yakoba hela mwamuwahi hela mwatama.
30Indi mwalala neyi wakeŋeli kuya nanochu chiwafwilili nankashi kumona kumukala watata yeyi, ndochu weyiladi ankishi jami?
31Yakoba wamwakwili Labani, nindi, Ami natiyili woma; nelili nami, wakenza kantambula anyaneyi naŋovu.
32Yowu wuwukukwata nawankishi jeyi #44:9hakuhandaku; kwokunu kumesu awanakwetu talaku chachiwahi yuma yeyi yidi kudi ami, wusendi kweyi. Muloŋa Yakoba kwindi hachilukili nindi Racheli diyi najiyuku.
33Labani weŋilili mwitenti daYakoba, nimwitenti daLeya, nimwitenti dawanduŋu awambanda ayedi; ilaŋa hajimwenuku. Wedikili mwitenti daLeya hakwiŋila mwitenti daRacheli.
34Racheli wanona dehi ankishi jamwitala, wayisha dehi muyuma yakukasa nachu aŋameli, hakushakamahu. Labani wakeŋakeŋeli mwitenti mwejima, hayimwenuku.
35Racheli hakumwila tata yindi, nindi, Mwanta wami bayi azuwa chinakaŋanyi kunyamuka kumesu eyuku; muloŋa kashidikilu kawambanda kanwana dehi. Tata yindi watalatalili, ilaŋa ankishi hayimwenuku.
36Yakoba hakuzuwa hakumuhoshola Labani; Yakoba hakumwila Labani, nindi, Muloŋa wami wanka? Ninshidi yami yanka? Mwaka wunlondaŋa nakutaza mwejimimu.
37Wakwatakwata dehi hayuma yami yejima, haduhu chuma chimu chakwitala deyi chiwunawani, tahindi? Chishi kunu nikumesu awantaŋa jami nikumesu awantaŋa jeyi, kulonda atusompeli muloŋa etu ayedi.
38Nyaka makumi ayedi (20) awa nashakami naneyi; hela nyikoku yeyi yawakaji hela ampembi jeyi jawakaji hiyanafwishi anyanawuku, niayizamba hinayidyi kwamuku.
39Awa anatabuluwu kudi ayisuma hinakuleteleluku, nahiŋishilumu acheŋi ami aweni; hela wakwiya namwaana hela wakwiya nawufuku, ami yami wehwili.
40Dichi chinadiŋi, nkanza yaŋocheli namwaana, chishika chambabili nawufuku, nitulu twamfumini mumesu ami.
41Nyaka makumi ayedi (20) awa nashakami kumukala weyi, nyaka ikumi nayiwana (14) yoyinakalakeleli anyaneyi, nyaka yitanu nawumu yayimuna yeyi; eyi wunabalumuni wulooku wami mapampa ikumi.
42Chakubula Nzambi yatata yami, Nzambi yaAbarahama, #v53; 46:1niWoma waIsaka #21:22; Mas 124:1-2kwikala nanami, mutenowu kwaamu wunanleki makasakasa. Nzambi namoni yihuŋu yami nikukabakana kunakabakani namakasami, hakukuhosha wufuku walelu.
43Labani waakwili hakumwila Yakoba, nindi, Awa ambanda hianyanami, awa anyana niwena hianyanami, ninoyu yimuna hiyimuna yami, yuma yejima yiwukumona yamami hohu; ochu lelu awa anyanami ninawa anyana anavwaluwu nukuyila ŋahi?
44Tuyi dinu tutiyaŋani chitiyaŋenu, ami naneyi; kulonda chili #21:30; Yosh 4:6wunsahu mukachi ketu.
45Yakoba hakunona ilola, hakudiimika dikali kaposhi.
46Yakoba hakuyila antaŋa jindi, nindi, Kuŋulenu malola. Hiyakunona malola, hiyakuyilumbika mulumba vwi; hiyakudya kwokwenoku kumulumba.
47Labani wawutumbili ijina dawu, nindi, Yega Sahaduta (Mulumba wawunsahu). Ilaŋa Yakoba kwindi wawutumbili ijina dawu, nindi Galeyedi.
48Labani nindi, Mulumbiwu wuneli lelu chinsahu mukachi ketu ninami nineyi. Dichi chawutenenaŋawu ijina dawu, nawu Galeyedi;
49niMizipa nawa, muloŋa nindi, Yehova atali hakachi ketu ninami nineyi, neyi tuchidi kwambuka, eyi kweŋi, ninami kweŋi.
50Neyi wakakabisha anyanami, indi neyi wakalunjikaku aŋodijeyi acheŋi, ochu hitudi namuntuku, tala, Nzambi diyi chinsahu hakachi ketu.
51Labani wamwilili Yakoba, nindi, Talaku mulumbiwu, talaku nikaposhi aka, inemiki hakachi ketu.
52Mulumbiwu wikali chinsahu, nikaposhi aka kekali chinsahu, ami kwami hinakapandakana hadi mulumbiwu nakuya kudeyi, nineyi kweyi hiwakapandakana hela hadi mulumbiwu hela hadi kaposhi aka nakwinza kudami kulonda kutamishaku.
53Nzambi yaAbarahama, Nzambi yaNahori, Nzambi yatata yawu, asompi mukachi ketu. Yakoba wasanyikili Woma watata yindi Isaka.
54Yakoba waketwili ayimuna hampidi, watambikili antaŋa jindi akadyi yakudya. Wena adiili yakudya, akamini wufuku wejima hampidi.
55Labani wahindukili ntetemena yayeni, wayipwepujoleli anyanindi, niamayala niambanda, wayikiswilili nkisu. Labani hakuya nikuya, hakufunta kwindi kwekalayi.
المحددات الحالية:
Kutachika 31: MWW04
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
The Holy Bible in Lunda Ndembu © United Bible Societies, 2003.