ڢَارَوَ 15
15
يَرْجٜىٰجٜىٰنِيَرْ اللَّهْ دَ إِبْرَمْ
1بَايَنْ وَطَنَّنْ أَبُبُوَ، سَيْ كَلْمَرْ يَهْوٜىٰهْ تَذُواْ وَ إِبْرَمْ ثِكِنْ رُعُيَ ثٜىٰوَ
«إِبْرَمْ، كَدَ كَجِڟُواْرُواْ،
نِے غَرْكُوَ نٜىٰ غَرٜىٰكَ،
لَادَنْكَ ذَيْ يِيَوَ سُواْسَيْ؞»
2عَمَّا إِبْرَمْ يَا أَمْسَ يَثٜىٰ «يَا عُبَنْغِجِ يَهْوٜىٰهْ، أَبِنْدَ ذَاكَبَانِ مٜىٰ ذَيْ يِمِنِ؟ غَنِنْ ثٜىٰوَ بَانَ حَيْڢُوَ، كُمَ وَنْدَ ذَيْ غَاجِ غَادُوانْ غِدَانَ شِينٜىٰ عٜىٰلِيٜىٰظٜىٰرْ مُتُمِنْ دِمَشْڧُ!» 3إِبْرَمْ يَا كُمَثٜىٰ «غَاشِ، بَكَ بَانِ طَا بَ، دُواْمِنْ حَكَ بَاوَنْ دَ عَكَ حَيْڢَ أَغِدَانَ ذَيْ ذَمَ مَغَاجِنَ؞»
4سَيْغَا كَلْمَرْ يَهْوٜىٰهْ تَا ذُواْ وُرِنْسَ ثٜىٰوَ «كُواْ كَطَنْ، بَ شِينٜىٰ ذَيْ غَاجٜىٰكَبَ، عَمَّا طَنْ ثِكِنْكَ شِے ذَيْ غَاجٜىٰكَ؞» 5سَيْ يَهْوٜىٰهْ يَكَيْشِ وَجٜىٰ يَثٜىٰ مَسَ «دُوبِے سَرَرِنْ سَمَ، كَڧِرْغَ تَوْرَرِنْ، إِنْ حَرْ ذَاكَ عِيَ ڧِرْغَسُ؞ حَكَ كُوَ ذُرِيَرْكَ ذَاسُيِيَوَ؞»#رُوامْ 4.18؛ إِبْرَ 11.12 6سَبُواْدَ إِبْرَمْ يَا بَادَ غَسْكِيَ غَ يَهْوٜىٰهْ، سَيْ يَهْوٜىٰهْ يَلِسَّڢْتَا وَنَّنْ أَدَلْثِے نٜىٰ غَ إِبْرَمْ؞#رُوامْ 4.3؛ غَلْ 3.6؛ يَعْڧـ 2.23
7سَعَنً يَهْوٜىٰهْ يَثٜىٰ مَسَ «نِنٜىٰ يَهْوٜىٰهْ وَنْدَ يَڢِتَرْ دَكَيْ دَغَ ڧَسَرْ عُرْ تَ كَلْدِيَاوَا دُواْمِنْ إِنْبَاكَ وَنَّنْ ڧَسَرْ تَذَمَ غَادُوانْكَ؞»
8عَمَّا سَيْ إِبْرَمْ يَيِ تَمْبَيَ يَثٜىٰ «يَا عُبَنْغِجِ يَهْوٜىٰهْ، تَيَيَا ذَنْسَنِ ثٜىٰوَ لَلَّيْ ڧَسَرْ ذَاتَ ذَمَ غَادُواْنَ؟»
9سَيْ يَهْوٜىٰهْ يَثٜىٰ «تُواْ، كَكَٰوُاْ مِنِ سَانِيَ دَ عَكُيَ دَ ضَغُواْ، كُواْوَنّٜىٰنْسُ مَيْ شٜىٰكَرَا عُكُ؞ كَكُمَ كَٰوُاْ وَتَ كُرْثِيَ دَ یَرْ تَتَّبَرَ؞» 10إِبْرَمْ يَا كَٰوُاْ دَبُّواْبِنَّنْ أَغَبَنْ اللَّهْ، يَا ڟَٰغَ كُواْوَنّٜىٰنْسُ أَڟَكِيَ، يَا جٜىٰرَ رَبِے طَيَ أَغٜىٰڢٜىٰنْ دَامَ، رَبِے طَيَ كُمَ أَغٜىٰڢٜىٰنْ هَغُ؞ عَمَّا بَيْ ڟَٰغَ ڟُنْڟَيٜىٰنْ بَ؞ 11سَعَدَّ ڟُنْڟَيٜىٰ مَاسُثِنْ نَامَ سُكٜىٰ سَوْكَ عَكَنْسُ، سَيْ إِبْرَمْ يَكُواْرٜىٰسُ؞
12سَعَدَّ رَانَ تَكٜىٰ ڢَاطُوَ، سَيْ بَرْثِ مَيْ ظُرْڢِ يَكَامَ إِبْرَمْ؞ سَيْ وَنِ دُهُ مَيْ بَنْ ڟُواْرُواْ سُواْسَيْ يَرُڢٜىٰشِ؞ 13سَيْ يَهْوٜىٰهْ يَثٜىٰ وَ إِبْرَمْ «كَاسَنِ لَلَّيْ، ذُرِيَرْكَ ذَاسُيِ ذَمَنْ بَڧُنْثِ أَوَتَ ڧَسَرْدَ بَتَاسُبَ؞ عَثَنْ ذَاعَ سَا سُذَمَ بَايِ، ذَاعَيِ مُسُ دَنِّيَ حَرْ شٜىٰكَرَا طَرِے حُطُ؞#ڢِتْ 1.1-14؛ أَيُّكَنْ 7.6 14عَمَّا ذَنْ حُكُنْتَ ڧَسَرْدَ سُكَ بَوْتَا مَتَ؞ عَڧَرْشٜىٰ ذَنْسَا سُڢِتَ دَغَ ڧَسَرْ تَرٜىٰدَ أَرْزِڧِ مَيْ يَوَ؞#ڢِتْ 12.40-41؛ أَيُّكَنْ 7.7 15كَيْ كُمَ، ذَاكَ كُواْمَ غَ كَاكَنِّنْكَ ثِكِنْ سَلَمَ؞ ذَاعَبِنّٜىٰكَ ثِكِنْ ڟُوڢَ سُواْسَيْ؞ 16عَڟَارَا تَهُطُ تَظُرِيَرْكَ كُمَ، ذَاسُ كُواْمُواْ نَنْ، غَمَا مُودُنْ لَيْڢُواْڢِنْ أَمُواْرِيَاوَا بَيْ ثِكَبَ تُكُنَ؞»
17بَايَنْدَ رَانَ تَڢَاطِ، دُهُ كُمَ يَسَوْكَ، سَيْغَا ڧَرَمَرْ تُكُنْيَرْ وُتَا مَيْ هَيَاڧِے تَرٜىٰدَ وَنِ هَرْشٜىٰنْ وُتَا سُكَ بَيَّنَ؞ سَيْ سُكَ رَڟَا ڟَكَانِنْ نَامَنْ دَبُّواْبِنَّنْ دَ عَكَ ڟَڟَّٰغَ عَكَ كُمَ جٜىٰرَ حَنُّنْ دَامَ دَ هَغُ؞ 18أَ رَانَرْ نَنْ يَهْوٜىٰهْ يَيِ يَرْجٜىٰجٜىٰنِيَ دَ إِبْرَمْ، يَثٜىٰ مَسَ،
«غَ ذُرِيَرْكَ إِنَبَادَ وَنَّنْ ڧَسَا،
دَغَ كُواْغِنْ نِلُ أَ مَصَرْ
ذُوَا بَبَّنْ كُواْغِنْ يُڢِرٜىٰتِسْ،#أَيُّكَنْ 7.5
19وَتُواْ ڧَسَرْ كٜىٰنِيَاوَا دَ كٜىٰنِظِّيَاوَا دَ كَدْمُواْنَاوَا،
20دَ هِتِّيَاوَا دَ ڢٜىٰرِظِّيَاوَا دَ رٜىٰڢَيَاوَا،
21دَ أَمُواْرِيَاوَا دَ كَنْعَنِيَاوَا دَ غِرْغَشِيَاوَا دَ يٜىٰبُسِيَاوَا؞»
المحددات الحالية:
ڢَارَوَ 15: hauAS
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Hausa Common Language Ajami Bible © The Bible Society of Nigeria, 2020