VILINGA 4
4
VaPetulu naYowano navemana kumeso avakulwane
1Omu vapwile nakuhanjika kuli vatu, vapilixitu nakapitau katembele navaSatuse vavalovokelele,
2nakupihilila cikuma mwomwo vapwile nakunangula vatu nahakwambulula kusanguka kuvafu muli Yesu.
3Kaha vavakwacile, vavahakile muzuvo yakuvalamina mbwe nakukuca, mwomwo hapwile hacingoloxi, xikaho.
4Oloze kuli vaze vevwile mazu vavavulu vetavile, kaha #2.41.hakuvalava malunga lika vahetele kafwe mumakombakaji atanu.
5Kaha casolokele, omu kwacele, vaka-kuyula javo navakulwane navaka-kusoneka vakungulukile kuYelusalema.
6Kwapwile nakapilixitu wakulitulaho #Luka 3.2.Anase, #Mateu 26.8.naKayafwase naYowano naAlekesande navosena vaze vapwile vausoko wakapilixitu wakulitulaho nawa.
7Omu valingile hivanavemika mukaci vavehwile ngwavo, Cuma kana enu munacilingi nangolo jika, nyi mulijina lika?
8Haze vene Petulu, #2.4; 13.9.apwile wakuzala naXipilitu wajila, avambile ngwenyi, Enu vaka-kuyula vatu ava, nenu vakulwane,
9kaci nge lelo muli nakutwihula #3.7-8.milimo yamwaza vanalingi hali mutu waluuta, ngwenu, ou mutu kana ahindukanga nangolo jika,
10tacikizenu muvosena, navatu vavaIsalele vosena nawa, mwomwo mulijina lyaYesu wakuNazaleta, Uze mwasukikixilenu kukulusu, Uze vasangwile kuli Kalunga kuvafu, muli Ikiye mukiko vene munemanyinou mutu walambwe kuno kumeso enu.
11 #
Mateu 21.42; Samu 118.22. Ikiye napu lilolwa lize #Mako 9.12.mwalumbilixilenu vaka-kutunga, likiko linalingi lyehi kupwa mutwe wamumbango yazuvo.
12Kaha #10.43; Cimo. 1, 2.5; Mateu 1.21.ulwilo kawexi muli weka naumweko, kaha nawa hano hamavu kahexi lijina lyeka vanahane muli vatu vatulwile nalyoko.
13Jino vakivo hakumona kumika caPetulu naYowano, hakuvamona ngwavo, vanapu vatu vakuzeneka kunanguka mikanda, ngwavo, kavexi vakulinangulako, valikomokelele, kaha vavatacikijile ngwavo, vakivo vapwilenga naYesu hamwe.
14Kaha nawa hakumumona mutu uze ahindukile nemana navo hamwe kavahaxile kucilingululako.
15Omu valingile hivanaValweze lyehi valovokemo nakufuma #4.15:Nge ngwavo, Muli vaka-zango. Sunendeline yapwile liuka lyavakulwane javaYuleya vakulitulaho.muli vaka-sunendeline, vakivo valihwojwele
16ngwavo, #Yowa. 11.47.Natulinga muka navatu ava? Mwomwo cinasoloka kuli vatu vakutwama kuYelusalema vosena ngwavo, #3.7-10.muli vakivo munasoloka vene cinjikizo cakulumbunuka, kaha katwexi kuhasa kucihamikako.
17Oloze kucina naciya ceka puho muli vatu, xikaho tuvakinjilenu ngwetu, Kanda mukahanjika ceka mulijina kana kuli mutu umweko.
18Kaha hinavavasanyika ceka hinavavakanda ngwavo, Kanda mukahanjika ceka lizu limweko, cipwe kunangula vatu mulijina lyaYesu nduma.
19Oloze Petulu naYowano vavakumbulwile ngwavo, Esekenu numba nge cinoloka kumeso aKalunga kumivwililenu nakuseza kumwivwilila Kalunga.
20Mwomwo etu #Koli. 1, 9.16.katwexi kuhasa kulitwamina kuvuluka vyuma kana twamwene nakwivwako.
21Vakivo hakuvakinjila ceka vavecele, mwomwo kavamwene mwaku-vazangamixilako, #5.26.mwomwo hali vatu, mwomwo vatu vosena vapwile nakumutohwesa Kalunga hacuma kana casolokele, xikaho.
22Mwomwo uze mutu ahambakanyine myaka makumi awana, uze valingilile cize cinjikizo cakumuhindula.
Vaka-kwitava navalomba kumika
23Omu vavecele, vayile kuli vakwavo, vavambulilile mwosenomu vahanjikile navo vapilixitu vavalemu navakulwane.
24Vakivo hakucivwa valombele namucima umwe kuli Kalunga ngwavo, Ove Mwata, #Kulo. 20.11; Samu 146.6.Ove watangile lilu namavu nakalungalwiji navyuma vyosenovyo vilimo,
25Ove wahanjikile muli Xipilitu wajila mukanwa kakakuluka yetu ngamba yove Ndavici ngwove,
#
Samu 2.1-2. Vaka-mafuci vazungumukilile ika?
Kaha ikaze vaxinganyekele vatu veka naveka vyuma vyamokomoko?
26Vamyangana vahamavu valitanjikile,
Vaka-kuyula valikungulwile hamwe
Nakole naYehova #4.26:Mokomoko ngwenyi, NaKulixitu yenyi.#10.38; Ndanye. 9.24-25; Luka 4.18.nayOu wenyi awavisa lyehi.
27Mwomwo mwamucano vene, munganda muno naHelote #Luka 23.11-12.naPondeu Pilatu navaka-mafuci eka navatu vavaIsalele valikungulwilile hamwe hali Ngamba yove wajila, Ou Yesu, Ou wawavixile,
28nakulinga #2.23.mwexomwo watongwele Ove nalivoko lyove napunga yove hakavanga ngwove, mukasoloke.
29Jino, Ove Mwata, tala kutukinjila cavo, tuhanetu vandungo jove kuhanjikanga mazu ove nakumika cosena,
30omu nawololangOve livoko lyove nakuhindula vatu, mangana uzatenga vinjikizo navyakukomwesa mulijina lyaNgamba yove wajila, Ivene Yesu.
31Vakivo hakukumisa kulomba, muze vakungulukilile mwandendele, kaha vakivo vosena #2.4.vazalile naXipilitu wajila, kaha mazu aKalunga vawambulwilenga nakumika.
Vali navyuma vyosena hamwe
32 #
2.44-45. Liyongomena lyavaze vetavile vapwile namucima umwe kaha, namwono umwe, kaha nawa kakwapwile umwe avulukilenga cuma cakuvikumba vyenyi cimwe ngwenyi, Camiko, oloze vapwile navyuma vyosena vyakufutula hamwe.
33Kaha unjiho wavo wakuvuluka kusanguka caMwata Yesu vaposetolo vawambulwilenga nangolo jajivulu, kaha hali vakivo vosena hapwilenga likoji lyalinene.
34Mwomwo muli vakivo kamwapwile umwe akalikijileko, mwomwo vexovo vapwile namavu namazuvo vavilanjilenga, vanehelenga jindando javyuma vize valanjilenga,
35vajitumbikilenga kumahinji avaposetolo, kaha vapangililenga kuli mutu himutu nge kutesa nakuhona camutu.
36Kaha Yosefwe, uze vavulukile uli vaposetolo ngwavo, #9.27; 11.22, 30; 12.25; 13.15; Koli. 1, 9.6; Ngale. 2.1, 9, 13; Kolo. 4.10.Mbalanape (kucalumuna cinapu nge ngwavo, Mwanakuvendejeka), apwile kaLevi, kucisemwa cenyi apwile wakuKupulusu,
37apwile nawande, kaha aulanjixile, jimbongo ajinehele, ajitumbikile kumahinji avaposetolo.
Цяпер абрана:
VILINGA 4: LUE70
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Luvale Bible © Bible Society of Zambia, 1970.