VILINGA 5
5
Ananyiya naSafwila
1Oloze lunga umwe, lijina lyenyi apwile ikiye Ananyiya, napwevo lyenyi Safwila, valanjixile luheto lwavo lumwe,
2kaha vaswekele jimwe jize valanjile, napwevo lyenyi nawa acitacikijile. Kaha anehele jimwe, ajitumbikile kumahinji avaposetolo.
3Oloze Petulu amwambile ngwenyi, Ove Ananyiya, ikaze nazalixila Satana mumucima wove numba umwonge Xipilitu wajila nakusweka jimbongo jimwe walandanga mavu ove?
4Omu apwanga kuli ove apwanga ayove nyi? Hakuwalanda nawa, ndando yapwanga yayove, kulinga mwexomwo wazanganga nyi? Nyi ngacilihize watakanga cuma kana mumucima wove? Kawongele vatuko, oloze unamwongo Kalunga.
5Ananyiya hakwivwa mazu awa alimbukilile hamavu, afwile. Vosena vaze vacivwile vevwile woma waunene.
6Vakweze vakatukile, #Yowa. 19.40. vamuvungilile mulihina, kaha vamutwalile kuweluka, vamufunjile.
7Omu kwalingile himunahici lyehi tando kafwe yajola jitatu, pwevo lyenyi engililemo nawa, kaha katacikijile cuma kana casolokeleko.
8Petulu amwihwile ngwenyi, Ngulweze numba nge mwalandanga mavu enu nandando yanganji. Ikiyetavile ngwenyi, Mwomwo vene, nandando kana vene.
9Oloze Petulu amwambile ngwenyi, Ngacilihi mwalivwasananga kumweseka Xipilitu yaYehova? Tala, mahinji avaze vanafundu lyehi lunga lyove ali kucikolo, kaha nayove nawa navakutwala kuweluka.
10Linwomu vene alimbukilile kumahinji aPetulu, afwile. Vaze vakweze vengililemo, vamuwanyine hanafu lyehi, kaha vamutwalile kuweluka, vamufunjile kwakamwihi nalunga lyenyi.
11Kaha vaka-liuka vosena vevwile woma waunene, navexovo nawa vevwile vyumevi.
Navalinga vinjikizo navyuma vyakukomwesa vyavivulu
12Kaha valingilenga vinjikizo vyavivulu navyuma vyakukomwesa kumavoko avaposetolo muli vatu. Vakivo vosena vapwile namucima umwe #3.11; Yowa. 10.23.musenge yaSolomone.
13Oloze kuli vatu veka naumwe pimbi ahasukile kulifutula navo, oloze #2.47.vatu vavatohweselenga cikuma.
14Kaha vaka-kufwelela vapwile nakuya nakuvula #2.47; 11.24.nakumuhakilako Mwata, malunga vavavulu namapwevo vavavulu.
15Ngoco vatu vavafwelelenga vaka-kuviza nakujijila nawa nakuvasavalikako hatuhela nahavisalo, mangana ngwavo, Petulu hakupalika kuze, cikalu kuunavazengamina vamwe cipwe muvwimbimbi wenyi kaha.
16Kaha nawa naliyongomena lyavatu vakuvikwazo vyakujinguluka kuYelusalema nawa valikungulwilenga nakunehaneha vaka-kuviza navaze vapwilenga nakuyanda navaxipilitu vavapi, kaha vavatundwile vosena.
Navavayanjisa vaPetulu naYowano
17Oloze kapilixitu wakulitulaho akatukile navosena vaze apwile navo nawa (vakivo vapwile vakumukana wavaSatuse), kaha vazalile nalisungu,
18vavakwacile vaposetolo, vavahakile muzuvo yakuvalamina yavatu vosena.
19Oloze haufuku kwejile kangelo kaYehova, asokolwele vijilo vyayize zuvo yaufunge, avalowelemo, avambile ngwenyi,
20Yenu mukemane mutembele mukavambulile vatu mazu aKuyoya cino osena.
21Vakivo hakucivwa vengilile mutembele kafwe hakuca, vaputukile kunangula vatu. Oloze kapilixitu wakulitulaho ejile, navaze apwile navo nawa, kaha vavasanyikile #5.21:Tala 4.15.vaka-sunendeline vosena vakunguluke navakulwane javana vaIsalele vosena nawa, kaha vatumine vatu kuzuvo yaufunge ngwavo, vakavanehe.
22Oloze tupitau vaze vayile kavavawanyinemuze muzuvo yaufungeko. Vakindulukile, vavambulilile
23ngwavo, Zuvo yaufunge tunayiwane hanga vayisokelanga kanawa, navaka-kulama hanga vanemanyina kuvikolo, oloze hakusokololamo katwawanyinemo mutu umweko.
24Kaha kapitau katembele navapilixitu vavalemu hakwivwa mazu awa vawatatasanyinyine cikuma ngwavo, Cuma kana nacitwala mbwe nakulihi?
25Kwejile mutu avalwezele ngwenyi, Talenu, malunga vaze mwahakanga muzuvo yaufunge hivali mutembele, vanemana nakuvanangula vatu.
26Kaha kapitau ayile namaswalale, vavanehele cakuzeneka utenu, mwomwo #v. 13; 4.21.vevwile woma wavatu, ngwavo, Kucina vatu navatwasa malolwa.
27Omu valingile hivanavanehe lyehi, Vavemikile kumeso avaka-sunendeline. Kapilixitu wakulitulaho avambile
28ngwenyi, #4.18.Twamikanjile nakumikanda ngwetu, Kanda mukanangula vatu mulijineliko. Kaha kumana, munazalisa lyehi muYelusalema mwosena nakunangula cenu, munasake ngwenu, #2.23, 36; 3.14-15; 7.52; Mateu 23.35; 27.25.mutuhanyise mulonga wamanyinga ayou mutu.
29Oloze Petulu navaposetolo vakwavo vavakumbulwile ngwavo, #4.19.Catela kwononokanga kuli Kalunga, vatu vasale munyima.
30 #
3.13. Kalunga kavakakuluka jetu amusangwile Yesu, Uze #10.39; Ngale. 3.13; Petu. 1, 2.24.mwajihixilenu hakumusukikisa kucitondo.
31Ikiye Kalunga namuzezula lyehi helu nalivoko lyenyi lyacilyo ngwenyi, apwenga Twamina, Mulwilo, mangana akavahane vaIsalele #Luka 24.47.kwalumuka cakupihilila nakuvakonekela milonga yavo yaxili.
32Kahetu tunapu #Luka 24.48.tuvinjiho havyumevi, #Yowa. 15.26; Loma 8.16.naXipilitu wajila nawa, Ou nahane Kalunga kuli vaka-kwononoka kuli Ikiye.
33Oloze vakivo hakwivwa ngoco, #2.37; 7.54.cavacokele mumicima yavo, kaha vajinyine ngwavo, vavajihe.
34Oloze musunendeline mwemanyine mutu wakaFwaliseu, lijina lyenyi apwile ikiye Ngamalyele, apwile muka-kunangula Jiximbi, vamulemeselenga kuli vatu vosena, avambile ngwenyi, Vatu ava vavalovole cacindende.
35Avambile vilolo ngwenyi, Enu malunga vavaIsalele, hakuvuluka vatu avanyi, lilamenunga kucumeci namusaka kulinga.
36Mwomwo ximbu apwile makumbi ano acili kanda, kwakatukile Teuta, alivulukilenga kupwa mutu wamulemu, kwapwile malunga vamuhakile micima yavo, kuvalava vapwile kafwe makulukaji awana. Ikiye vamujihile, kaha vosena vaze vononokelenga kuli ikiye vavamwangile, kaha vapayile.
37Munyima yayauze lunga mwakatukile Yuta wakuNgalileya, #Luka 2.2.amakumbi aze akusoneka vatu, kaha akokele vatu vavavulu vamukave. Naikiye nawa anongele, kaha vosena vaze vononokelenga kuli ikiye vavamwangile mwamwa.
38Kaha jino, nangumyamba ngwami, Vatu avanyi vasezenu, vecenu. Mwomwo pungeyi cipwe milimo eyi, kaci nge yinapu yakuli vatu, kaha nayikahona.
39Oloze kaci nge yinapu yakuli Kalunga, kamwexi kukahasa kuvahonesako, kucina pamo navakamiwana muli nakulwa naivene Kalunga.
40Vosena vamwitavilile. Omu valingile hivanavasanyika ceka vaposetolo veze kuli vakivo, #Mateu 10.17.vavavetesele, vavakanjile ngwavo, Kanda mukahanjika ceka mulijina lyaYesuko. Kaha vavecele.
41Xikaho vakivo vafumine kumeso avaka-sunendeline #Petu. 1, 4.14, 16.hakuwahilila mwomwo vavamwene vatela kuvafwefulula halijina lyaYesu.
42Kaha hakumbi hakumbi, namutembele nakumahyavo, kavalitwaminyine kunangula vatu #8.35; 11.20; 17.18; Ngale. 1.16.nakwambulula mujimbu wamwaza waYesuko, ngwavo, Ikiye Kulixitu.
Цяпер абрана:
VILINGA 5: LUE70
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Luvale Bible © Bible Society of Zambia, 1970.