Simuluho 23
23
Sara wa shwa mi Abrahama u leka mayumbelo
1Sara u pilile lilimo ze mwanda ka mashumi a mabeli ni ze supile. 2A tokwahalela mwa Kiryati-Ariba kamba Heberoni, ili mwa naha ya Kanana. Abrahama a eza litukiso za kepelo, mi a silisa.
3Cwale a siya situpu sa musal'a hae, mi a li kwa batu ba Heti, 4#Maheb 11.9,13; Lik 7.16 “Na, ni muzwahule ya fitezi feela mo. A mu ni lekise sibaka fo ni ka eza mayumbelo, kuli ni kone ku buluka musal'a ka.”
5Ba mu alaba, ba li, 6“Mwanesu, u lu teeleze hande. Wena u nduna ye tuna mwahal'a luna. Buluka musal'a hao mwa libita le linde ku fita a mañwi a mabita ao lu na ni ona. Ha ku na, nihaili a li muñwi ku luna ya ka ku tima libita l'a na ni lona, ku ku hanisa ku buluka musal'a hao.”
7Abrahama kih'a yema, a kandelela fapil'a bona. 8A li, “Haiba mu lata kuli ni buluke musal'a ka mo, banabahesu, mu ni ambolele ni Eferoni wa Muhiti, mwan'a Zohari. 9Mu mu kupe kuli a ni lekise sikoti sa Makapela s'a na ni sona. Si kwa munjewela wa simu ya hae. Mu mu kupe kuli a ni lekise sona, ka teko ya teñi fapil'a mina, i be sibaka sa ka sa mayumbelo.”
10Eferoni kasibili n'a inzi ni Mahiti mwa sibaka sa mikopano, kwatuko a munyako wa munzi. A alaba, batu kaufela ba nze ba utwa, a li, 11“Batili, isiñi cwalo, muñ'a ka. Ni ta ku fa simu kaufela, ni sikoti sa yona cwalo. Fapil'a banabahesu fa, ni li, ‘Ni ta ku fa yona kuli u buluke musal'a hao mwateñi.’ ”
12Abrahama a kandelela fapil'a batu. 13Kiha s'a bulela ku Eferoni, ba nze ba ikutwela kaufela, a li, “Haiba mu lata, mu ni teeleze. Ni ta lekelela tifo ya ka, mi ni ta buluka musal'a ka mwateñi.”
14Eferoni a alaba, a li, 15“Muñ'a ka, shangwe, mubu wo u likana mali a eza mianda ye mine ya muwaya-waya wa silivela feela. Cwale, seo ki sika mañi ku luna? Buluka musal'a hao mwateñi.” 16Abrahama a lumela. Kih'a zwisa mali a n'a bulezwi ki Eferoni batu ba Heti ba nze ba ikutwela, ili yona mianda ye mine ya muwaya-waya wa silivela, sina mo ba likanyezanga balekisi fa sikala.
17Ki mo li zwezi liluwo la Eferoni wa mwa Makapela, kwa upa wa Mamare, ku ba la Abrahama. I n'e li ku kopanyeleza ni simu, sikoti se ne si li ku yona, ni likota ze mwateñi kaufela ku be ku y'o fita kwa minjewela ya yona. 18Mahiti kamukana ba ba ne ba li teñi fa kopano yeo, ba ziba kuli cwale ki liluwo la Abrahama.
19Abrahama kih'a buluka musal'a hae Sara mwa sikoti seo, ili mwa naha ya Kanana. 20Cwale simu ye n'e li ya Mahiti ni sikoti sa yona ya ba mubu wa Abrahama wa mayumbelo.
Цяпер абрана:
Simuluho 23: Lozi09
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lozi Interconfessional Bible, Catholic Edition © Bible Society of Zambia, 2009.